လါဒံၣ်စ့ဘၢၣ်(၁၁)သီ,၂၀၂၄နံၣ်
ကီၢ်တရူးအံၤ အနံၣ်(၃၀)အတီၢ်ပူၤ ရၤလီၤအထံသုးအဒိၣ်ကတၢၢ်လၢ လီၢ်က၀ီၤပူၤဒီး တၢ်အံၤမ့ၢ် တၢ်မၤပျံၤမၤဖုး ထဲၣ်၀ၣ်အဒိၣ်ကတၢၢ်လၢ အလီၤဖျါ၀ဲအဂ့ၢ် ထဲၣ်၀ၣ်တၢ်ဒီသဒၢကိတိၥ်၀ဲၤကျိၤ တဲ၀ဲန့ၣ်လီၤ.
တရူးရၤလီၤအထံသုးအဒိၣ်ကတၢၢ်ဖဲ စးထီၣ်လၢ ယပၣ်ကလံၤထံးကီးတဖၣ်ဒီးတုၤလၢကလံၤထံးတရူးပီၢ်လဲၣ်ပူၤန့ၣ် ဖဲအပူၤကွံၥ် ၁၉၉၆နံၣ် ထဲၣ်၀ၣ်တချူးမၤတၢ်ဃုထၢဒံးအဆၢကတီၢ် တရူးမၤ၀ဲ သုးတၢ်ဂဲၤလိၥ်၀ံၤအလီၢ်ခံန့ၣ်လီၤ.
မ့မ့ၢ်တရုးသုးမုၢ်ဒိၣ်တခီ ဘၣ်ထွဲဒီးတၢ်ဂ့ၢ်အံၤအဖီခိၣ် တတဲလီၤ၀ဲနီတမံၤဒံးဘၣ်. ဘၣ်ဆၣ် တရူးတဲလီၤ၀ဲဂၢၤဂၢၤကျၢၤကျၢၤလၢ ထဲၣ်၀ၣ်ကီးမ့ၢ် အ၀ဲသ့ၣ်န့ၢ်ပၢဘၣ်တၢ်အဂ့ၢ်၀ံၤ ဘၣ်ထွဲဒီး ထဲၣ်၀ၣ်ကီၢ်ခိၣ် လဲၣ်ခၠ့တံလဲၤအိၣ်ပတုၥ်ဖဲ အမဲရကၤပၥ်ဃုၥ် ပစံးဖ့းတၢ်လဲၤတၢ်က့ၤတဖၣ်အဖီခိၣ် သးဒိၣ်သးဖျီး၀ဲဒီး တယံၤတမီၤဘၣ်ဒီး တရူးကမၤ၀ဲသုးတၢ်ဂဲၤလိတဖၣ်န့ၣ်လီၤ.
ဖဲအပူၤကွံၥ်နံၤန့ၣ် ထုးထီၣ်ဟ့ၣ်ပလီၢ်ဃၥ်၀ဲအသုးပူၤလၢ တၢ်မၤပျံၤမၤဖုးအဒိၣ်ကတၢၢ်တခါအိၣ်အဂ့ၢ် ဒီး တရူးသုးမုၢ်ဒိၣ် ပၥ်ကတီၤဃၥ်၀ဲ ကလံၤသုး၀ံၤ ရၤလီၤဃၥ်၀ဲ ထံသုးသုးကဘီဒီးသုးကဘီခိးပီၢ်လဲၣ်နံၤတဖၣ်န့ၣ်လီၤ.
ထဲၣ်၀ၣ်သုးမုၢ်ဒိၣ် ပှၤဘၣ်မူဘၣ်ဒါစံး၀ဲလၢ လီၢ်က၀ီၤအပူၤ တရူးထံသုးဒီးသုးကဘီခိးပီၢ်လဲၣ်နံၤ အဘ့ၣ်(၉၀)ဘျဲၣ်အိၣ်၀ဲ၀ံၤ ကီၢ်တရူးအံၤ အဲၣ်ဒိးန့ၢ်ပၢ ထဲၣ်၀ၣ်ကီးတကးဘၣ် အဲၣ်ဒိးန့ၢ်ပၢဘၣ်စ့ၢ်ကီး ထံကီၢ်အဂၤဟီၣ်က၀ီၤတဖၣ်အဂ့ၢ်န့ၣ်လီၤ.
ထဲၣ်၀ၣ်သုးမုၢ်ဒိၣ် ပှၤဘၣ်မူဘၣ်ဒါစံးကဒီး၀ဲလၢ တရူးထံသုး သူၣ်ထီၣ်န့ၢ် ထံသုးတၢ်ဒီသဒၢ(၂)ခါ ဖဲပစံးဖ့းဟီၣ်က၀ီၤအပူၤ၀ံၤ တခါန့ၣ် သူၣ်ထီၣ်၀ဲဖဲ ထဲၣ်၀ၣ်တၢ်ဒီသဒၢသုးဟီၣ်က၀ီၤဒိၣ် မုၢ်ထီၣ်တပၤဒီး လီၢ်ခံတခါန့ၣ် သူၣ်ထီၣ်၀ဲဖဲ ပစံးဖ့းလီၢ်က၀ီၤအဂၤတခါအပူၤအဂ့ၢ်န့ၣ်လီၤ.
Ref:Reuters
