လါနိၣ်၀့ဘၢၣ်(၁၅)သီ,၂၀၂၄နံၣ်
အ့ၣ်ယၣ်၀တံၣ်ကီၫ်ခီ,ကီၫ်ဆၣ်အ့ၣ်မဲအပူၤ လၢနီၫ်ဂံၫ်(၆)၀ီတ၀ီ တၫ်ကမၤသုးအဂီၫ် သးနံၣ် (၁၇)နံၣ်အိၣ် သးစၫ်တဖၣ် ပာ်ဃုာ် ကမျၢၫ်(၄၀)ဂၤဘျဲၣ် ဘၣ်တၫ်ထၢဆူၣ်သုးအဂ့ၫ် တၫ်သ့ၣ်ညါဘၣ်လၢ လီၫ်က၀ီၤဖိတဖၣ်အိၣ်န့ၣ်လီၤ.
သုးကီၣ်ကးအက၀ီၤဒ့ဒီးသ၀ီသးပှၫ်တဖၣ် ပာ်ဖှိၣ်ထီၣ်အသးဒီးသုးကီၣ်ကးအသုးဖိတဖၣ်၀ံၤ သးနံၣ်(၁၇)နံၣ် ပာ်ဃုာ် ကမျၢၫ်(၄၀)ဂၤဘျဲၣ် တဲ၀ဲလၢကဘၣ်ကဲသုးဒီး ထၢန့ၫ်ဆူၣ်သုးဖိအသီတဖၣ်အဂ့ၫ် တဲ၀ဲလီၤ.
ဟံၣ်ဖိဃီဖိတဂၤလၢ ဘၣ်တၫ်ထၢဆူၣ်သုးတဲ၀ဲလၢ “နီၫ်ဂံၫ်(၆)၀ီတ၀ီအဂီၫ် ကိး၀ဲ(၄၀)ဂၤလီၤ. တမ့ၫ်လၢဖီၣ်တၫ်ဖး၀ံၤ ဃုထၢ၀ဲဘၣ်ဒီး လဲၤကိး၀ဲလၢဟံၣ်န့ၣ်လီၤ.ပှၤလၢဘၣ်တၫ်က့ၤကိးအီၤအကျါ သးနံၣ်(၁၇)နံၣ်အိၣ် ဖိသၣ်တဖၣ် ပာ်ဃုာ် ၀ဲလီၤ.သ့ၣ်ညါ၀ဲဘၣ်ဆၣ်က့ၤကိး၀ဲလီၤ.ကီၫ်ဆၣ်ခိၣ်ဒီးသုးကီၣ်ကးအသုးတဖၣ် ပာ်ဖှိၣ်မၤသကိး၀ဲအဂ့ၫ် “တဲ၀ဲလီၤ.
အ့ၣ်မဲကီၫ်ဆၣ် ပာ်ဃုာ် အ့ၣ်ယၣ်၀တံၣ်ကီၫ်ခီအပူၤ ကမျၢၫ်လၢဘၣ်တၫ်ထၢန့ၫ်ဆူၣ်သုးတဖၣ် တၫ်လဲၤဆှၢအီၤဆူ ပသံၣ် သုးကီၫ်ခီ၀ဲၤဒၢးဒီးလၢ၀့ၫ်တကူၣ် ကီၫ်ခီသုး၀ဲၤလီၫ်ခိၣ်သ့ၣ် အိၣ်တၫ်အလီၫ်အဂ့ၫ် တၫ်သ့ၣ်ညါဘၣ်လၢ ပှၤလၢအိၣ်ဘူး တဖၣ် အအိၣ်န့ၣ်လီၤ.
ပှၤလၢဘူးဒီးသုးကီၣ်ကးတဂၤတဲ၀ဲလၢ “နီၫ်ဂံၫ်(၆)၀ီတ၀ီအဂီၫ် ထၢသုးဖိခဲလၢာ်(၄၀)ဂၤန့ၣ်လီၤ.လၢဒူသ၀ီတကပၤ အဂၤ(၂၀)ဒီးလၢက၀ီၤဒ့တဖၣ်အပူၤ(၂၀)ဂၤအဂ့ၫ် သ့ၣ်ညါဘၣ်လီၤ.လၢတၫ်ကဟ့ၣ်တၫ်မၤလိအဂီၫ် သုးကီၣ်ကး ဆှၢအီၤဆူ တၫ်လီၫ်လၢတၫ်ပာ်ပနီၣ်ဃာ်အလီၫ်လံအဂ့ၫ်”တဲ၀ဲန့ၣ်လီၤ.
ကမျၢၫ်လၢဘၣ်တၫ်ထၢန့ၫ်ဆူၣ်သုးအကျါ ပှၤလၢတၫ်အိၣ်ဆူၣ်အိၣ်ချ့တဂ့ၤပာ်ဃုာ်၀ံၤ ပှၤလၢအိၣ်ဒီးသးတၫ်ဆါ, ဆံၣ်ဆၢ,က့ၫ်၀ီၤတလၢပှဲၤတဖၣ်စ့ၫ်ကီး ပာ်ဃုာ်၀ဲအဂ့ၫ် တၫ်သ့ၣ်ညါဘၣ်လီၤ.
အ့ၣ်ယၣ်၀တံၣ်ကီၫ်ခီအပူၤ နီၫ်ဂံၫ်(၄)ဒီး(၅)၀ီတ၀ီ ကမျၢၫ်လၢတၫ်ထၢဆူၣ်သုးတဖၣ် တၫ်ဟ့ၣ်အီၤသုးတၫ်မၤလိ၀ံၤ တၫ်ဟ့ၣ်တၫ်ဆီၣ်သနံးဆှၢအီၤဆူ ယိၤဒိၣ်ကီၫ်စဲၣ် လၢတၫ်ကလဲၤဟံးန့ၫ်မူဒါ လၢ ဒုးယၤတၫ်ရဲၣ်တၫ်ကျဲၤအပူၤအဂီၫ် အဂ့ၫ် တၫ်သ့ၣ်ညါဘၣ်လၢပှၤအိၣ်ဘူးဒီးသုးကီၣ်ကးတဖၣ်န့ၣ်လီၤ.
Ref:DVB
