လါနိၣ်၀့ဘၢၣ်(၁၄၀သီ,၂၀၂၄နံၣ်
မုၫ်ထီၣ်တၫ်ခၢၣ်သးဟီၣ်က၀ီၤ လၢယံၣ်မ့ၣ်အကပၤ ပီၣ်လဲၣ်ပူၤ အမဲရကၤ သုးကဘီ(၂)ဘ့ၣ်န့ၣ် ဟူၣ်သံၣ်ပှၤပူထီၣ် တၫ်ဖိတဖၣ် ခး၀ဲဒီးမျိာ်သၣ်အကလုာ်ကလုာ်အဂ့ၫ် ပ့ၣ်တခိၣ်သုး၀ဲၤလီၫ်ခိၣ်သ့ၣ် ဘိးဘၣ်ပာ်ဖျါ၀ဲလီၤ.
ဟူၣ်သံၣ်ပှၤပူထီၣ်တၫ်ဖိလၢအိၣ်ဆီလီၤအသးဖဲ ယံၣ်မ့ၣ်အံၤ ခး၀ဲအမဲရကၤ သုးကဘီ USS Stockdale ဒီး USS Spruanceတဖၣ်လၢ ဒြိ(၈)ခိၣ်,မျိာ်သၣ်လၢမၤဟးဂီၤကဘီ(၅)ခိၣ်ဒီးခရူးမျိာ်သၣ်(၃)ခိၣ်အဂ့ၫ် ပ့ၣ်တခိၣ်ပှၤတဲတဲပၢတဲ၀ဲလီၤ.
အမဲရကၤသုးကဘီတဖၣ် ခးဟးဂီၤကွံာ် ဟူၣ်သံၣ်အမျိာ်သၣ်တဖၣ်န့ၫ်၀ံၤ ကဘီဒီးပှၤကညီတၫ်ဘၣ်ဒိဘၣ်ထံး တအိၣ် ဘၣ်အဂ့ၫ်တဲ၀ဲလီၤ. လၢယံၣ်မ့ၣ်ဟူၣ်သံၣ်အတၫ်စုက၀ဲၤတၫ်ပာ်ကီၤအလီၫ်ဒီးတၫ်တ့ထီၣ်ဘှီထီၣ်စုက၀ဲၤတၫ်လီၫ်တဖၣ် အမဲရကၤလဲၤခး၀ဲတပယူာ်ဃီ၀ံၤအလီၫ်ခံ မ့ၫ်ဟူၣ်သံၣ်အတၫ်ခးဆၢကဒါက့ၤန့ၣ်လီၤ.
ပညိၣ်ခး၀ဲ အမဲရကၤ သုးကဘီ(၂)ခိၣ်ဒီး(၃)ခိၣ်တခိၣ်တဖၣ်၀ံၤ ကဘီတီၣ်ကဘီယူၤ ယူၣ်အဲးစ်အဲးစ် အ့ၣ်ဘြၣ်ဟ့ၣ် လ့ၣ်ကိစ့ၫ်ကီး ခး၀ဲဒီးမျိာ်သၣ်အါအါဂီၫ်ဂီၫ်အဂ့ၫ် ဟူၣ်သံၣ်တၫ်ကစီၣ်သန့၀ဲၤကျိၤတဖၣ်တဲ၀ဲလီၤ.
ပ့ၣ်တကိၣ်တခီ တၫ်ခး၀ဲန့ၣ် ကဘီတီၣ်ကဘီယူၤန့ၣ် ဂ့ၫ်လိာ်ဃာ်၀ဲလီၤ.ဟူၣ်သံၣ်ပှၤပူထီၣ်တၫ်ဖိန့ၣ် ပာ်ဃုာ်လၢ ဟံးစဘိၣ်လၣ်ဒီးဟါမးကရၢ လၢ အံၣ်ယၣ်ဆီၣ်ထွဲမၤစၢၤဃာ် မုၫ်ထီၣ်တၫ်ခၢၣ်သးဟီၣ်က၀ီၤ ပှၤပူထီၣ်တၫ်ဖိ ကရၢပှာ်ဘျးစဲအပူၤန့ၣ်လီၤ.
ကၣ်စၣ်တၫ်ဒုးစးထီၣ်၀ံၤအလီၫ်ခံ လၢတၫ်တူၫ်လိာ်ဆီၣ်ထွဲ ဟါမးတဖၣ်အဖီခိၣ် ပနံာ်ကဘီလၢ လ့ၤထီၣ်လ့ၤလိၤ ဖဲပီၣ်လဲၣ်ဂီၤဒီးအ့ၣ်ဒ့ၣ်ပီၣ်လဲၣ်က့ၣ်ကျိၤတဖၣ် ဟူၣ်သံၣ်ဒုး၀ဲ၀ံၤ ဖဲအပူၤကွံာ်နံၣ်န့ၣ် အမဲရကၤဒီးအဲကလံးပာ်ဃုာ် ထံကီၫ်(၁၂)ဘ့ၣ် အိၣ်ခိးဟံးန့ၫ်ဃာ်တၫ်ဘံၣ်တၫ်ဘၢ ဖဲထံကျဲ၀ဲအံၤန့ၣ်လီၤ.
Ref: BBC
