လါနိၣ်၀့ဘၢၣ်(၁၄)သီ,၂၀၂၄နံၣ်
စးထီၣ်လၢ ၂၀၂၁နံၣ်, လါဖ့ၤဘြူၤအါရံၤတုၤ ၂၀၂၄နံၣ်, လါနိၣ်၀့ဘၢၣ်(၁၂)သီအနံၤ, သုးဟံးန့ၢ်ဆူၣ်ထံကီၢ်တၢ်စိတၢ်ကမီၤ(၃)နံၣ်ဘျဲၣ်အတီၢ်ပူၤ ခီဖျိလၢသုးကီၣ်ကးအတၢ်မၤသံမၤ၀ီတဖၣ်အဃိ ထံကီၢ်ဒီတဘ့ၣ်အပူၤ ပိၥ်မုၣ်ဘၣ်သံ၀ဲ(၁၂၇၀)အဂ့ၢ် တၢ်မၤစၢၤထံရူၢ်ကီၢ်သဲးပှၤလီၤဃိၣ်ပူၤကရၢ(AAPP) ဘိးဘၣ်ရၤလီၤဃၥ်၀ဲ ဖဲလါနိၣ်၀့ဘၢၣ်(၁၂)သီအနံၤန့ၣ်လီၤ.
AAPP အလံၥ်ပၥ်ဖျါအဖီခိၣ် စးထီၣ်လၢ ၂၀၂၄နံၣ်လါယနူၤအါရံၤတုၤ လါနိၣ်၀့ဘၢၣ်(၁၂)သီအနံၤ, ပိၥ်မုၣ်ဘၣ်သံ၀ဲ(၅၆၀)ဂၤ၀ံၤ ၂၀၂၃နံၣ်အတီၢ်ပူၤ ဘၣ်သံ၀ဲ(၄၀၂၀)ဂၤ, ၂၀၂၂နံၣ်အတီၢ်ပူၤ (၂၁၃)ဂၤ, ၂၀၂၁နံၣ် လါဖ့ၤဘြူၤအါရံၤတုၤ လါဒံၣ်စ့ဘၢၣ်အတီၢ်ပူၤ ဘၣ်သံ၀ဲ(၉၅)ဂၤအဂ့ၢ် ပၥ်ဖျါဃၥ်၀ဲန့ၣ်လီၤ.
ပှၤသံတဖၣ်အကျါ ပိၥ်မုၣ်သံအအါကတၢၢ် (၄၆၃)ဂၤလၢ စကဲကီၢ်ခီအပူၤဒီး ပှၤသံတဖၣ်အံၤ တၢ်ပၥ်ဂၢၢ်ပၥ်ကျၢၤန့ၢ်ဃုၥ်ဒီး အမံၤအသၣ်တဖၣ်အဂ့ၢ် စံး၀ဲန့ၣ်လီၤ.
AAPP အလါနိၣ်၀့ဘၢၣ်(၁၂)သီအနံၤအလံၥ်ပၥ်ဖျါအဖီခိၣ် သုးဟံးန့ၢ်ဆူၣ်ထံကီၢ်တၢ်စိတၢ်ကမီၤအတီၢ်ပူၤ သုးကီၣ်ကးအသုးဒီးအစုတီၤဖီလၥ် တၢ်ကရၢကရိတဖၣ်အတၢ်မၤသံတၢ်မၤ၀ီတဖၣ်အဃိ ပှၤဘၣ်သံ၀ဲ(၅၉၄၄)ဂၤအကျါ ပၥ်ဃုၥ်၀ဲပှၤပိၥ်မုၣ်(၁၂၇၀)ဂၤန့ၣ်လီၤ.
