လါအီးကထိဘၢၣ်(၁၈)သီ,၂၀၂၄နံၣ်
စးထီၣ်လၢ ၂၀၂၄နံၣ်, လါယနူၤအါရံၤဒီးတုၤလါအီးကထိဘၢၣ်(၁၆)သီအနံၤ (၉)လါအတီၢ်ပူၤ ခီဖျိလၢသုးကီၣ်ကးအသုးခးလီၤကျိဖးဒိၣ်တဖၣ်အဃိ ဘၣ်သံ၀ဲပိၥ်မုၣ်(၂၂၆)ဂၤအဂ့ၢ် ပှၤမၤစၢၤထံရူၢ်ကီၢ်သဲးပှၤလီၢ်ဃိၣ်ဖိကရၢ (AAPP)ထုးထီၣ်ပၥ်ဖျါဃၣ်၀ဲန့ၣ်လီၤ.
ပိၥ်မုၣ်လၢသံတ့ၢ်တဖၣ်အကျါ ပၥ်ဃုၥ်၀ဲ ဖိသၣ်လၢသးနံၣ်တပှဲၤဒံး အဂၤ(၃၀)ဂၤန့ၣ်လီၤ. စကဲကီၢ်ခီအပူၤ သံ၀ဲ(၆၃)ဂၤဒီးမ့ၢ်သံအအါကတၢၢ်လီၤ၀ံၤ မမ့ၢ်ရၢၢ်ခၢၣ်ကီၢ်စဲၣ်ပူၤတခီ သံ၀ဲ(၄၆)ဂၤဒီး မ့ၢ်သံအအါကတၢၢ်ကီၢ်စဲၣ်န့ၣ်လီၤ.
လါအီးကထိဘၢၣ်(၃)သီအနံၤ, သုးကီၣ်ကးအသုးလၢအိၣ်ဆီလီၤပၥ်သးလၢ စကဲကီၢ်ခီ, ယ့ၣ်အူကီၢ်ဆၣ်, တဲယ့တၢ်ဆါဟံၣ်တဖၣ် ခီဖျိခးလီၤကျိဖးဒိၣ်တဖၣ်အဃိ လဲၤလီၤတဲၥ်ပိၥ်ဖးထီၣ်၀ဲဒၣ် ဖဲသၣ်သံၣ်သ၀ီ စံၣ်ပျီပူၤအဃိ ဘၣ်ဒိ၀ဲ ကမျၢၢ်ပိၥ်မုၣ်အခိၣ်သၣ်ဃံ၀ံၤ ဘၣ်သံ၀ဲအဂ့ၢ်(AAPP)ပၥ်ဖျါဃၣ်၀ဲလၢ အလံၥ်ပၥ်ဖျါအပူၤန့ၣ်လီၤ.
စးထီၣ်လၢ ၂၀၂၁နံၣ် သုးဟံးန့ၢ်ဆူၣ်ထံကီၢ်တၢ်စိတၢ်ကမီၤဒီးတုၤ ၂၀၂၄နံၣ်လါအီးကထိဘၢၣ် ခံနွံတနွံအတီၢ်ပူၤ ပှၤလၢဟူးဂဲၤဒံၣ်မိၣ်ခြ့ၣ်စံၣ်ဂ့ၢ်၀ီဒီးထံဖိကမျၢၢ်ဖိ ခဲလၢၥ်ပၥ်ဖှိၣ်(၅,၈၅၁)ဂၤ ဘၣ်သံ၀ဲအဂ့ၢ် ထုးထီၣ်ပၥ်ဖျါဃၣ်၀ဲန့ၣ်လီၤ.
