လါအီးကထိဘၢၣ်(၉)သီ,၂၀၂၄နံၣ်
ယိၤဒိၣ်ကီၢ်စဲၣ်တၢ်ဂုၤထီၣ်ပသီထီၣ်ကီၣ်ကး, ယိၤဒိၣ်ကီၢ်စဲၣ်သုးမုၢ်ဒိၣ်(RCSS/SSA) လဲၤထီၣ်၀ဲ တၢ်တၢၣ်ပီၣ်တဲသကိးကီၢ်ပယီၤဂ့ၢ်၀ီ လၢတၢ်မၤအီၤ ဖဲကီၢ်အ့ၣ်ဒိၣ်နံရှါအဂ့ၢ် (RCSS) ဘိးဘၣ်ရၤလီၤဃၣ်၀ဲ ဖဲလါအီးကထိဘၢၣ်(၈)သီအနံၤ လၢအပှၤတ၀ၢလံၥ်ကဘျံးပၤပူၤန့ၣ်လီၤ.
ကလုၥ်ဒူၣ်ပှၤဖီၣ်စုက၀ဲၤ တၢ်ပၢၢ်ဆၢဂံၢ်ဘါကရူၢ်တဖၣ်စ့ၢ်ကီး လဲၤထီၣ်၀ဲ တၢ်တၢၣ်ပီၣ်တဲသကိးကီၢ်ပယီၤဂ့ၢ်၀ီတၢ်အိၣ်ဖှိၣ် လၢတၢ်မၤအီၤဖဲကီၢ်အ့ၣ်ဒိၣ်နံရှါ လၢတၢ်မၤအီၤဖဲ စးထီၣ်လၢလါအီးကထိဘၢၣ်(၃)သီတုၤ(၅)သီအနံၤအတီၢ်ပူၤအဂ့ၢ် RCSS ပၥ်ဖျါဃၣ်၀ဲန့ၣ်လီၤ.
လၢတၢ်အိၣ်ဖှိၣ်အပူၤ တၢ်တၢၣ်ပီၣ်တဲသကိး တၢ်ဂ့ၢ်တၢ်ကျိၤမနုတဖၣ်တခီ တပၥ်ဖျါဃၣ်၀ဲဘၣ်.
ဘီမုၢ်စၢဖှိၣ်ကရၢ, ယူရပၤစၢဖှိၣ်ကရၢ(EU), အၣ်စံၣ်ယၣ်ဒီး ကီၢ်အ့ၣ်ဒိၣ်နံရှါခၢၣ်စးတဖၣ်ပၥ်ဃုၥ် တၢ်ပၢၢ်ဆၢဂံၢ်ဘါကရူၢ်တဖၣ် ဒီးဒီကလုၥ်ဃူးဖိးပဒိၣ်(NUG)စ့ၢ်ကီး ဟဲထီၣ်၀ဲတၢ်အိၣ်ဖှိၣ်အံၤန့ၣ်လီၤ.
ယိၤဒိၣ်ကီၢ်စဲၣ်တၢ်ဂုၤထီၣ်ပသီထီၣ်ကီၣ်ကး, ယိၤဒိၣ်ကီၢ်စဲၣ်သုးမုၢ်ဒိၣ်(RCSS/SSA) အံၤ မ့ၢ်ကလုၥ်ဒူၣ်ပှၤဖီၣ်စုက၀ဲၤကရၢတဖုလၢ အဆဲးလီၤပၥ် ထံကီၢ်ဒီတဘ့ၣ်တၢ်ပတုၥ်တၢ်ခးလံၥ်ဃံးဃၥ်(NCA)န့ၣ်လီၤ.
Ref: RFA
