လါစဲးပထ့ဘၢၣ်(၁၇)သီ,၂၀၂၄နံၣ်
FBIတဲ၀ဲလၢ အမဲရကၤကီၫ်ခိၣ်(လီၫ်လံၤ) ဒီနၢၣ်ထရၢးန့ၣ် လၢအနီၣ်ကစၫ် ကိးပျီပူၤပူၤဖျဲးထီၣ်လၢ ပှၤဖီၣ်ကျိတဂၤအတၫ်ဂုၫ်ကျဲးစၢးတၫ်ကူၣ်မၤသံအဂ့ၫ်န့ၣ်လီၤ.
ကီၫ်ခိၣ်လီၫ်လံၤ ထရၢးန့ၣ် ဖဲအပူၤကွံာ် လါယူၤလံအပူၤစ့ၫ်ကီးလၢကီၫ်စဲၣ်ပ့ၣ်ဆဲၣ်ပ့နံယါ ဖဲကရၢကရိတၫ်ဖးမူးအကတီၫ် ဘၣ်တၫ်ဂုၫ်ကျဲးစၢးကူၣ်ခးသံအီၤလၢကျိ၀ံၤ ဘၣ်ဒိတဆံးတက့ၫ်လီၤ.
ဖဲထရၢးလိာ်ကွဲညီနုၫ် တၫ်ပူၤတခါအကပၤ လၢတဃၣ်ကျါ AA-47 ကျိအပျီတခါ ဟဲထီၣ်၀ဲန့ၣ် ထရၢးအတၫ်ဘံၣ်တၫ်ဘၢဘၣ်မူဘၣ်ဒါတဂၤ ထံၣ်၀ဲ၀ံၤအလီၫ်ခံ ဖဲခး၀ဲအကတီၫ် ပှၤဖီၣ်ကျိဖိန့ၣ် ဃ့ၫ်ဖျိးကွံာ်၀ဲန့ၣ်လီၤ.
နံၣ်စၣ်သိလ့ၣ်အလွဲၫ်သူ လၢပှၤဖီၣ်ကျိဖိက့ၤဒိး၀ဲန့ၣ် ပှၤထံၣ်တ့ၫ်တၫ်တဂၤ မၤနီၣ်မၤဃါ၀ဲ၀ံၤ လဲၤတၢၣ်၀ဲဆူ ပၢၤကီၫ်အိၣ်၀ံၤ တၫ်ဖီၣ်၀ဲန့ၫ်၀ဲပှၤဖီၣ်ကျိဖိန့ၣ် လီၤ.
စံၣ်ဘံၣ်အဲးတၫ်ကစီၣ်သန့ ပာ်ဖျါဃာ်၀ဲလၢ ကိးပျီအဆၢတဃၣ်ကျါန့ၣ် တၫ်ထံၣ်န့ၫ်၀ဲကျိတခိၣ်,ထၢၣ်၀ံချၢဒီးခဲမရၣ်တဖၣ်န့ၣ်လီၤ. ပှၤဖီၣ်ကျိဖိန့ၣ် မ့ၫ်သးနံၣ်အိၣ်(၅၀)နံၣ် Ryan Wesley Routhန့ၣ်လီၤ.
ရၢရှၢၫ်တၫ်ဒုးအပူၤ အ၀ဲန့ၣ် မ့ၫ်ပှၤကီၫ်ချၢဖိလၢဟဲဒုးစၢၤ ယူၣ်ကရ့အဂ့ၫ် တၫ်သ့ၣ်ညါဘၣ်လၢ အနီၫ်ကစၫ် ကွဲးဖျါ၀ဲလၢ ပှၤတ၀ၢပှာ်ဘျးစဲအပူၤန့ၣ်လီၤ.ခး၀ဲတၫ်ပညိၣ်တခီဒု တၫ်တသ့ၣ်ညါဘၣ်ပျီပျီဆှဲဆှဲဒံးဘၣ်န့ၣ်လီၤ.
Ref: BBC
