လါစဲးပထ့ဘၢၣ်(၁၇)သီ,၂၀၂၄နံၣ်
ကခၠ့ၣ်ကီၫ်စဲၣ်,ဖါကးအပူၤ သုးကီၣ်ကးဒီးတၫ်ပၢၫ်ဆၢသုးပာ်ဖှိၣ်တဖၣ်အဘၢၣ်စၢၤ တၫ်ဒုးယံာ်(၁)နွံဘျဲၣ်အတီၫ်ပူၤ ကမျၢၫ်တစှၤန့ၣ်(၃၀)ဂၤ ဘၣ်သံ၀ဲအဂ့ၫ် လီၫ်က၀ီၤဖိတဖၣ်တဲ၀ဲလီၤ.
“လၢဆဲတီၣ်(ဆိုင်းတောင်)တၫ်ဒုးဆူၣ်၀ဲဒီး တုၤလၢခဲအံၤန့ၣ် အိၣ်လံအသီ(၁၀)လံလီၤ.လၢအသီ(၁၀)အံၤအတီၫ်ပူၤ သုးကီၣ်ကးဒီးယိၤဂီၤဂၢၤကီၫ်သုးတဖၣ် ပာ်ဖှိၣ်ထီၣ်သး၀ံၤ ဒွဲၣ်အူဟံၣ်ဃီဖဲဆဲတီၣ်(ဆိုင်းတောင်)က၀ီၤဒ့(၄)တကပၤဒီး ဟံၣ်ဃီ(၁၅၀)ဖျၢၣ် မ့ၣ်အူအီၣ်ကွံာ်၀ဲလီၤ.တၫ်ဒုးအသီ(၁၀)အတီၫ်ပူၤ သုးကီၣ်ကးအတၫ်မၤသံဒီးတၫ်ခးလီၤ တဖၣ်အဃိ ကမျၢၫ်ဘၣ်သံအဂၤ(၃၀)ဘျဲၣ်လံန့ၣ်လီၤ. ပှၤဘၣ်ဒိဘၣ်ထံးဒီးကမျၢၫ်ဟံၣ်ဃီ ဘၣ်ဒိဟးဂီၤအိၣ်၀ဲအါမးန့ၣ်လီၤ.”
သုးကီၣ်ကးအသုးကလၢၤ ခးလီၤကျိဖးဒိၣ်အချံတဖၣ်န့ၣ် လီၤတဲာ်ပိၫ်ဖးထီၣ်၀ဲဒၣ် ဖဲဖါကးကမျၢၫ်အိၣ်က၀ီၤဒ့တဖၣ်အပူၤ သကုၤဆးဒးအဂ့ၫ် ပှၤလၢထံၣ်၀ဲလၢနီၫ်ကစၫ်တဂၤတဲ၀ဲလီၤ.
ဖဲလါစဲးပထ့ဘၢၣ်(၇)သီနံၤဖါကးဆဲတီၣ်(ဆိုင်းတောင်)တၫ်ဒုးတဖၣ်အဃိကခၠ့ၣ်ကီၫ်စဲၣ်ပူၤသုးဂ့ၫ်၀ီတၫ်ဖ့ၣ်စၢဆူၣ်ထီၣ်၀ံၤ ခံခီခံကပၤလၢာ်ခးလိာ်သးလၢကျိဖးဒိၣ်အိၣ်၀ဲအဂ့ၢ် လီၢ်က၀ီၤကမျၢၢ်တဖၣ်တဲ၀ဲန့ၣ်လီၤ.
၂၀၂၁နံၣ် သုးဟံးန့ၫ်ဆူၣ်ထံကီၢ်တၫ်စိတၫ်ကမီၤ၀ံၤအလီၫ်ခံ လၢထံကီၫ်ဒီတဘ့ၣ်အပူၤ စုက၀ဲၤတၫ်သဘံၣ်သဘုၣ်ဒိၣ်ထီၣ်တကတီၫ်ဃီ သုးကလၢၤတဖၣ် ဖဲဘၣ်ပျၫ်ကွံာ်၀ဲအကတီၫ် ကမၤဆၢက့ၤ၀ဲဆူၣ်ဆူၣ်ကိၢ်ကိၢ်အဂ့ၫ် သုးကီၣ်ကးခိၣ်နၫ် ဟ့ၣ်ပလီၫ်၀ဲ၀ံၤအလီၫ်ခံ မၤအါထီၣ်ကလံၤကျါတၫ်ခးလီၤတၫ်တဖၣ်လီၤ.
Ref: VOA
