လါစဲးပထ့ဘၢၣ်(၁၃)သီ,၂၀၂၄နံၣ်
ဖဲလါစဲပထ့ဘၢၣ်(၁၂)သီအနံၤ, ဂီၤအဆၢကတီၢ် KNLAဒီးသိၣ်မှံကရၢသုးပၥ်ဖှိၣ်တဖၣ် ထီၣ်ဒုးမၤန့ၢ်၀ဲ သုးကီၣ်ကးလိးရှါသုးကလၢၤလၢအိၣ်ဖဲ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်ဒူပျၥ်ယၥ်, ၀ီၢ်ရ့ၣ်ကီၢ်ဆၣ်ဟီၣ်က၀ီၤပူၤအဂ့ၢ် သုးကျိၤပၥ်ဖှိၣ်ပှၤဘၣ်မူဘၣ်ဒါတဂၤ တဲ၀ဲန့ၣ်လီၤ.
သုးကျိၤပၥ်ဖှိၣ်ပှၤဘၣ်မူဘၣ်ဒါတဂၤတဲ၀ဲလၢ တၢ်ထီၣ်ဒုးမၤန့ၢ်သုးကလၢၤ၀ံၤအလီၢ်ခံ တၢ်မၤ၀ဲ တၢ်မၤရှဲပျီဟီၣ်က၀ီၤအဂ့ၢ်န့ၣ်လီၤ.
“သုးကီၣ်ကးဆီလီၤပၥ်သုးကလၢၤလၢ လိးရှါသ၀ီခိၣ်ထီးန့ၣ်လီၤ. ပက၀ီၤကးတံၥ်ဃၣ်အီၤ အိၣ်၀ဲ(၁)လါတခီဃၣ်ဃၣ်လံ. သုးကလၢၤလၢ အပၢၤဃၣ်၀ဲ ဃိၣ်သၢဖျၢၣ်ဒီးလၢၢ်ကတံၤကျဲမုၢ်န့ၣ်လီၤ. ပသုးပၥ်ဖှိၣ်တဖၣ် ပၥ်လီၤဒြိလၢ သုးကလၢၤပူၤဒီး က၀ီၤဒုးအီၤအဃိ ဃ့ၢ်ပဒ့ၣ်အသးလံ, အ၀ဲသ့ၣ်ဃ့ၢ်ပဒ့ၣ်သး၀ံၤအလီၢ်ခံ တၢ်မၤ၀ဲ တၢ်မၤရှဲပျီဟီၣ်က၀ီၤအဂ့ၢ်” န့ၣ်လီၤ.
သုးကလၢၤအံၤ ဘၣ်တၢ်လဲၤထီၣ်ဒုးအီၤလၢ (၁)လါတခီဘျဲၣ်၀ံၤ လၢတၢ်ဒုးအပူၤ သုးကီၣ်ကးဟဲတ့ၢ်လီၤမ့ၣ်ပိၢ်အဃိ သီခါဖၠၣ်, ခရံၥ်ဖိတၢ်ဘါယွၤသရိၥ်, တၢ်သိၣ်လိကၠိဒီး လီၢ်က၀ီၤကမျၢၢ်ဟံၣ်ဃီတဖၣ် ဘၣ်ဟးဂီၤကွံၥ်၀ဲ၀ံၤ လိးရှါလီၢ်က၀ီၤကမျၢၢ်တဖၣ်စ့ၢ်ကီး ဘၣ်ဃ့ၢ်ပူၤဖျဲးသးန့ၣ်လီၤ.
KNLAသုးရ့ၣ်(၁၆)ဒီး သိၣ်မှံသုးပၥ်ဖှိၣ် ကမျၢၢ်တၢ်ဒီသဒၢသုးတဖၣ်, ဒြိသုးတဖၣ် ပၥ်ဃုၥ်၀ဲလၢ တၢ်လဲၤထီၣ်ဒုး သုးကလၢၤအံၤအပူၤန့ၣ်လီၤ.
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်ဒူပျၥ်ယၥ်ဟီၣ်က၀ီၤအပူၤ ဃိၣ်သၢဖျၢၣ်-လၢၢ်ကတံၤကျဲမုၢ်အဖီခိၣ် သုးကီၣ်ကးသုးတၢ်တိၥ်ကျဲၤသုးကလၢၤတဖၣ်အကျါ အိၣ်တ့ၢ်ဒၣ်ထဲ အနါကွ့သုးတၢ်တိၥ်ကျဲၤသုးကလၢၤဒီး ဃိၣ်သၢဖျၢၣ်ပယိၤကစၢၢ်သုးတၢ်တိၥ်ကျဲၤသုးကလၢၤ(၂)ဖျၢၣ်န့ၣ်လီၤ.
Ref: RFA
