လါစပထ့ဘၢၣ်(၉)သီ,၂၀၂၄နံၣ်
ကမျၢၫ်တၫ်ရ့လိာ်ဘၣ်ထွဲဒီးတၫ်ဘိးဘၣ်ရၤလီၤတၫ်ကစီၣ်တၫ်ဖံးတၫ်မၤကမံးတံာ်(လီၫ်ခၢၣ်သး)တီခိၣ်ရိၣ်မဲမၤ၀ဲတၫ်အိၣ်ဖှိၣ်လၢပာ်ဃုာ် ကီၫ်ရ့ၣ်,၀ဲၤကျိၤ,ပၢပြးဂ့ၫ်၀ီ,သုးဂ့ၫ်၀ီဒီး တၫ်ဖံးတၫ်မၤ ကမံးတံာ်အံၤ မၤ၀ဲဖဲလါအီကူး(၂၆)သီနံၤတုၤ (၂၈)သီနံၤ လၢ(၃)သီအတီၫ်ပူၤအဂ့ၢ် ခ့ၣ်အဲၣ်ယူၣ်-လီၢ်ခၢၣ်သးထုးထီၣ်ပၥ်ဖျါဃၣ်၀ဲန့ၣ်လီၤ.
ခ့ၣ်အဲၣ်ယူၣ်-ခီကရဲး၀ံၤ(၁)နံၣ်ဘျဲၣ်အလီၫ်ခံမးဒီး တၫ်ကိးတၫ်အိၣ်ဖှိၣ်န့ၫ်၀ဲအဆိကတၢၫ်တဘျီအဂ့ၫ်, ကမျၢၢ်တၫ်ရ့လိာ် ဘၣ်ထွဲဒီးတၫ်ဘိးဘၣ်ရၤလီၤ တၫ်ကစီၣ်တၫ်ဖံးတၫ်မၤတဖၣ်, တၫ်ဆဲးကျိးဘျးစဲဒီးတၫ်ဒုးအိၣ်ထီၣ် အမိၫ်လံၤမိၫ်ပှၫ် တဖၣ် အဂံၫ်ကဆူၣ်ထီၣ်အဂီၫ်,ဒီးကလဲၤအသးဘၣ်ဘျီးဘၣ်ဒါအဂီၫ် ကီၫ်ရ့ၣ် ကမျၢၫ်တၫ်ရ့လိာ်ဘၣ်ထွဲဒီး တၫ်ဘိးဘၣ် ရၤလီၤတၫ်ကစီၣ်တၫ်ဖံးတၫ်မၤကမံးတံာ် ခၢၣ်စးခိၣ်နၫ်တဖၣ်ဒီးလီၫ်ခၢၣ်သး၀ဲၤကျိၤခိၣ်နၫ်တဖၣ် ထံၣ်ဖှိၣ်လိာ်အသး မၤတၫ်အိၣ်ဖှိၣ်၀ံၤ ခ့ၣ်အဲၣ်ယူၣ် ဒီတဖုအသုးဂ့ၫ်၀ီ,ထံရူၫ်ကီၫ်သဲးဂ့ၫ်၀ီ,ပၢပြးဂ့ၫ်၀ီတၫ်ဖံးတၫ်မၤတဖၣ် တၫ်မၤထွဲ၀ဲအပူၤ “တၫ်ဘိးဘၣ်ရၤလီၤန့ၫ် ကမျၢၫ်တၫ်ကစီၣ်တၫ်ဂ့ၫ်တၫ်ကျိၤကန့ၫ်၀ဲဂ့ၤဂ့ၤအဂီၫ်” ဘၣ်တၫ်မၤ၀ဲအဂ့ၫ် ကမျၢၫ်တၫ်ရ့လိာ်ဘၣ် ထွဲဒီးတၫ်ဘိးဘၣ်ရၤလီၤတၫ်ကစီၣ်တၫ်ဖံးတၫ်မၤကမံးတံာ် ပှၤပၢၤလီၫ်ဆ့ၣ်နီၤ ပဒိၣ်စီၤလးထိတဲ၀ဲလီၤ.
ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ပှၤပၢၤလီၫ်ဆ့ၣ်နီ(၂) ပဒိၣ်စီၤဆၢဂ့ၤတဲ၀ဲလၢ “ကမျၢၫ်တၫ်ရ့လိာ်ဘၣ်ထွဲဒီး တၫ်ဘိးဘၣ်ရၤလီၤတၫ်ကစီၣ် တၫ်ဖံးတၫ်မၤကမံးတံာ်န့ၣ် လၢကမျၢၫ်မ့ၫ်ဂ့ၤ,၀ဲၤကျိၤတခါစုာ်စုာ်မ့ၫ်ဂ့ၤ, သုးဂ့ၫ်၀ီတကပၤ မ့ၫ်ဂ့ၤ အရ့ဒိၣ်လၢ တၫ်ပာ်ဖှိၣ်မၤသကိးတၫ်အဂီၫ်အဂ့ၫ်,တမ့ၫ်ထဲ ထံရူၫ်ကီၫ်သဲးဂ့ၫ်၀ီဒီးတၫ်ကရၢကရိကမံးတံာ် တခါ ဘၣ်အမဲာ်ညါ လၢဒီကလုာ်တၫ်ဘံၣ်တၫ်ဘၢအပူၤစ့ၫ်ကီး မူဒါအိၣ်၀ဲအဂ့ၫ်,ကမျၢၫ်တၫ်ရ့လိာ်ဘၣ်ထွဲ တၫ်ဖံးတၫ်မၤတဖၣ်,တၫ်မၤထွဲန့ၫ်တၫ်လၢကမျၢၫ်အဂီၫ် တၫ်ဒုးအိၣ်ထီၣ်အမိၫ်လံၤမိၫ်ပှၫ်ကန့ၫ်အဂီၫ် တၫ်ဘိးဘၣ်ရၤ လီၤတၫ်ကစီၣ်န့ၣ် အမူဒါအိၣ်၀ဲအဂ့ၫ်,ကမျၢၫ်အတၫ်မိၫ်န့ၫ်သးလီတဖၣ် တၫ်မၤထွဲ၀ဲကန့ၫ်အဂီၫ် ဘၣ်မၤသကိးလၢ တၫ်ဃူတၫ်ဖိးအပူၤဒီးတၫ်အိၣ်ဖှိၣ်အပူၤ မုၫ်လၫ်၀ဲလၢကဒိးန့ၫ်ဘၣ် တၫ်အစၢလၢအဂ့ၤတဖၣ်အဂီၫ် တဲဆီၣ်တခူထီၣ်၀ဲလီၤ.
လၢတၫ်အိၣ်ဖှိၣ်တဘျီအံၤအပူၤ ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ-ပှၤပၢၤလီၫ်ဆ့ၣ်နီၤ(ခံ) ,တၢ်ဒီသဒၢ၀ဲၤကျိၤခိၣ် ပဒိၣ်စီၤဆၢဂ့ၤ, ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢနဲၣ်ရွဲၣ်သဃဲၤ(၂), ကမျၢၫ်တၫ်ရ့လိာ်ဘၣ် ထွဲဒီးတၫ်ဘိးဘၣ်ရၤလီၤတၫ်ကစီၣ် တၫ်ဖံးတၫ်မၤကမံးတံာ် ပှၤပၢၤလီၫ်ဆ့ၣ်နီၤ ပဒိၣ်စီၤလးထိ,လီၫ်ခၢၣ်သးကမျၢၫ် တၫ်ရ့လိာ်ဘၣ်ထွဲဒီးတၫ်ဘိးဘၣ်ရၤလီၤတၫ်ကစီၣ်တၫ်ဖံးတၫ်မၤ ကမံးတံာ် ကရၢဖိတဖၣ်, ကညီဒီကလုာ်တၫ်ထူၣ်ဖျဲး သုးမုၫ်ဒိၣ် လီၫ်ခၢၣ်သးသုး၀ဲၤလီၫ်ခိၣ်သ့ၣ်(သ.၀.ခ),ကညီဒီကလုာ်ဂၢၤသးကရၢ-လီၫ်ခၢၣ်သး၀ဲၤလီၫ်ခိၣ်သ့ၣ်(ဂ.၀.ခ), လီၫ်ခၢၣ်သး၀ဲၤကျိၤတဖၣ်,ကီၫ်ရ့ၣ်တဖၣ်,ကညီသးစၫ်ကရၢ,ကညီပိာ်မုၣ်ကရၢ,ကီၫ်သူလ့ၤပှၤမၤတၫ်ဖိကရၢ,တၫ်ဟ့ၣ်ပီညါတၫ်ကရၢကရိဒီးတၫ်ကရၢကရိဒုးအိၣ်ထီၣ်ဒုးအိၣ်ထီၣ်တၫ်ဖံးတၫ်မၤကမံးတံာ်ဒီး ကညီပှၤဂ့ၫ်၀ီခွဲးယာ် ကမံးတံာ် ခၢၣ်စးတဖၣ် ခဲလၢာ်ပာ်ဖှိၣ် ခိၣ်နၫ်ခၢၣ်စး(၅၅)ဂၤ ဟဲထီၣ်၀ဲအဂ့ၢ် ပၥ်ဖျါဃၣ်၀ဲန့ၣ်လီၤ.
ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ, အပူၤကွံာ်တၫ်ကရၢကရိဒီးတၫ်ဘိးဘၣ်ရၤလီၤအစုတီၤဖီလာ် တၫ်ကစီၣ် ဒီးတၫ်ဘိးဘၣ်ရၤလီၤ၀ဲၤကျိၤန့ၣ် ဖဲ(၁၇)၀ီတ၀ီ ခ့ၣ်အဲၣ်ယူၣ်-ခီကရဲး တၫ်က့ၤကရၢကရိဒုးအိၣ်ထီၣ်၀ဲ ထံရူၫ်ကီၫ်သဲးဒီး တၫ်ဘိးဘၣ်ရၤလီၤတၫ်ကစီၣ်တၫ်ဖံးတၫ်မၤ ကမံးတံာ်(လီၫ်ခၢၣ်သး)အစုတီၤဖီလာ် တၫ်ဖံးတၫ်မၤကမံးတံာ် (၁၁)ခါ အကျါ ပာ်ဃုာ်၀ဲဒ်တခါအသိးန့ၣ်လီၤ.
