အမဲရကၤဒီကလုၥ်တၢ်ဘံၣ်တၢ်ဘၢပှၤဟ့ၣ်ကူၣ်တၢ်ဒီး တရူးကိတိၥ် တၢၣ်ပီၣ်တဲသကိးကီၢ်ပယီၤဂ့ၢ်၀ီ

လါအီကူး(၂၉)သီ,၂၀၂၄နံၣ်

ဘၣ်ထွဲဒီး ကီၢ်ပံၤယီၤ, ကလံၤစိးကီၢ်ခိရံယါဒီးမုၢ်ထီၣ်ခၢၣ်သးဟီၣ်က၀ီၤဂ့ၢ်၀ီအဖီခိၣ် တၢ်ဘၣ်ယိၣ်အိၣ်၀ဲအဂ့ၢ် အမဲရကၤကီၢ်စၢဖှိၣ် ဒီကလုၥ်တၢ်ဘံၣ်တၢ်ဘၢပှၤဟ့ၣ်ကူၣ်တၢ် ကၠ့းဆူၣ်လံၣ်ဘၣ်(Jake Sullivan) ဒီး တရူးထံဂုၤကီၢ်ဂၤကိတိၥ် ၀ၣ်ယံးတၢၣ်ပီၣ်တဲသကိး၀ဲအဂ့ၢ် အမဲရကၤကီၢ်ခိၣ်ဟံၣ်၀ါ ပၥ်ဖျါဃၣ်၀ဲဖဲ လါအီကူး(၂၈)သီအနံၤ လံၥ်ဘိးဘၣ်ရၤလီၤအပူၤန့ၣ်လီၤ.

ဖဲ၂၀၁၆နံၣ်လၢစးထီၣ်ဟံးန့ၢ်မူဒါဒ် ထံကီၢ်တၢ်ဘံၣ်တၢ်ဘၢပှၤဟ့ၣ်ကူၣ်တၢ် ကၠ့းဆူၣ်လံၣ်ဘၣ်အံၤ အတၢ်ဟဲအဆိကတၢၢ်လၢတရူးတၢ်ဟဲအပူၤ ဖဲလၢလါအီကူး(၂၇)သီအနံၤဒီး(၂၈)သီအနံၤန့ၣ် ထံၣ်လိၣ်သးဒီး တရူးထံဂုၤကီၢ်ဂၤကိတိၥ်၀ၣ်ယံးအဂ့ၢ် ကီၢ်ခိၣ်ဟံၣ်၀ါ ထုးထီၣ်ပၥ်ဖျါ၀ဲ လံၥ်ဘိးဘၣ်ရၤလီၤန့ၣ်လီၤ.

ဖဲလၢတၢ်ထံၣ်လိၥ်အပူၤ တၢၣ်ပီၣ်တဲသကိး၀ဲဘၣ်ထွဲဒီး တၢ်ကမၤစှၤလီၤ တဖိးသဲစး ဂၥ်ကသံၣ်မူၤဘှီး အတၢ်ယွၤလီၤတၢ်ဂ့ၢ်တဖၣ်အဂ့ၢ် ပၥ်ဖျါဃၣ်၀ဲန့ၣ်လီၤ. တကးဘၣ် ကအိၣ်ဆိးအဂီၢ ပှၤလၢလံၥ်အုၣ်သးတအိၣ်တဖၣ် တၢ်ကဆှၢက့ၤအဂီၢ် ဒီးသဲစးတၢ်ဘျၢဂ့ၢ်၀ီတၢ်ပၥ်ဖှိၣ်မၤသကိးဂ့ၢ်၀ီတဖၣ် တၢၣ်ပီၣ်တဲသကိး၀ဲန့ၣ်လီၤ.

ဘၣ်ထွဲ ထံကီၢ်ခံဘ့ၣ်ဂ့ၢ်၀ီ, လီၢ်က၀ီၤဂ့ၢ်၀ီဒီး ဟီၣ်ခိၣ်ဒီဘ့ၣ်ဂ့ၢ်၀ီတဖၣ်အဖီခိၣ် ကၠ့းဆူၣ်လံၣ်ဘၣ်ဒီး၀ၣ်ယံး တၢၣ်ပီၣ်တဲသကိး၀ဲဖျိဖျိဖျါဖျါလီၤအဂ့ၢ် ကီၢ်ခိၣ်ဟံၣ်၀ါ ဘိးဘၣ်ပၥ်ဖျါဃၣ်၀ဲန့ၣ်လီၤ.

Ref: RFA