လါအီကူး(၂၈)သီ,၂၀၂၄နံၣ်
လၢကီၫ်လၣ်အိၣ်,၀့ၫ်ခိၣ်ဘံၣ်ယၣ်ကၠ့အပူၤ တၫ်မၤဖဲ(၅၇)၀ီတ၀ီ အၣ်စံၣ်ယၣ်ထံဂုၤကီၫ်ဂၤကိတိာ်တဖၣ် တၫ်အိၣ်ဖှိၣ်အပူၤ ထံဂုၤကီၫ်ဂၤကိတိာ် မၣ်ရံးဆၣ်ကံၣ်ယၣ်ပီၣ်ဆၣ်(မာရစ်ဆန်ဂီယမ်ပေါင်ဆာ) ဒ်ဟ့ၣ်ဃးတၫ်အၢၣ်လီၤအသိး ကီၫ်ကၠီၣ်တဲၣ်န့ၣ်ဟ့ၣ်မၤစၢၤဆီၣ်ထွဲကဒီး၀ဲ ပှၤကီၫ်ပယီၤဖိဟီၣ်ခိၣ်ဖိတၫ်မၤစၢၤ ကၠီၣ်တဲၣ်စ့(၉)ကကွဲၫ်ဘးန့ၣ်လီၤ.
တၫ်ကမၤစၢၤကီၫ်ပယီၤထံဖိကီၫ်ဖိအဂီၫ် တၫ်ဟ့ၣ်မၤစၢၤ ကၠီၣ်တဲၣ်စ့(၉)ကကွဲၫ်ဘးဆူ အၣ်စံၣ်ယၣ်ဘၣ်ထွဲတၫ်ပၢဆှၢ ရဲၣ်ကျဲၤတၫ်လီၤဘၣ်ယိၣ် တၫ်တၢၣ်ပီၣ်တဲသကိးစ့ၣ်တၣ်(AHA Centre)အိၣ်အပူၤ ထံဂုၤကီၫ်ဂၤကိတိာ်၀ဲၤကျိၤ အဲးဆံၣ်ရံၣ်ပ့ၣ်တၣ်ရှူၣ်ခၠံၣ်(အက်ဆီရီပင်တာရူချီ)န့ၣ် ကဲခၢၣ်စးလၢကီၫ်ကၠီၣ်တဲၣ်န့ၣ်လီၤ.
ကီၫ်ပယီၤအပှၤဟီၣ်ခိၣ်ဖိတၫ်မၤစၢၤ တၫ်ကဆီၣ်ထွဲမၤစၢၤအဂီၫ် ၂၀၂၁နံၣ်အလီၫ်ခံ ကီၫ်ကၠီၣ်တဲၣ်န့ၣ် ဟ့ၣ်မၤစၢၤ၀ဲစ့ဒီၣ်လၣ်(၄၅၀၀၀၀)အဂ့ၫ် အ၀ဲတဲ၀ဲလီၤ.
တၫ်မၤစၢၤတဖၣ်န့ၣ် ဘီမုၫ်စၢဖှိၣ်ကရၢတၫ်ကရၢကရိတဖၣ်ဒီးထံဂုၤကီၫ်ဂၤဂာ်တဲာ်ဂီၤကမံးတံာ်(ICRC)တဖၣ်တဆီ ဟ့ၣ်လီၤ၀ဲဆူ ထံဂုၤကီၫ်ဂၤတၫ်ကရၢကရိလၢ ဘၣ်ထွဲတဖၣ်အိၣ်အဂ့ၫ် တဲ၀ဲလီၤ.
“ဟီၣ်ခိၣ်ဖိတၫ်မၤစၢၤ၀ဲအံၤအဃိ အၣ်စံၣ်ယၣ်တၫ်ဟ့ၣ်တၫ်မၤစၢၤလီၫ် ထံဖိကီၫ်ဖိတူၫ်ဘၣ်တၫ်တဖၣ် လၢလဲၤ၀ဲတတုၤတဖၣ်အအိၣ် တၫ်ကဆီၣ်ထွဲမၤစၢၤအါထီၣ်အဂီၫ် ကၠီၣ်တဲၣ်မုၫ်လၫ်၀ဲအဂ့ၫ်”တဲ၀ဲလီၤ.
ကီၫ်ကၠီၣ်တဲၣ်န့ၣ် ဟ့ၣ်ဆီၣ်ထွဲမၤစၢၤ ပှၤကီၫ်ပယီၤဖိဟီၣ်ခိၣ်ဖိတၫ်မၤစၢၤကန့ၫ်အါထီၣ်အဂီၫ် ဒီးတၫ်မုၫ်လၫ်အံၤ ကကဲထီၣ်လိၣ်ထီၣ်အဂီၫ် ကမၤသကိးတၫ်ဒီးအသိၣ်မှံၤထံကီၫ်တဖၣ်အဂီၫ်န့ၣ် ဆၢတဲာ်ဃး၀ဲလံအဂ့ၫ်တဲ၀ဲလီၤ.
တၫ်ကဲဘျူးကဲဖှိၣ်လၢ ပှၤကီၫ်ပယီၤဖိအဂီၫ် ကၠီၣ်တဲၣ်အတၫ်ပာ်ဖှိၣ်မၤသကိးတၫ်ဒီးအၣ်စံၣ်ယၣ်န့ၣ် ကဲထီၣ်ဂံၫ်ဘါအဂ့ၫ် AHA Centreအပှၤနဲၣ်တၫ် လံၣ်ယၣ်မ့ၣ်(လီယမ်မင်)တဲ၀ဲလီၤ.
Ref: Ayeyarwaddy Times
