လါအီကူး(၂၂)သီ,၂၀၂၄နံၣ်
တီအူကလံၤသုးကလၢၤလၢအိၣ်ဖဲပကိကီၫ်ခီ,တီအူကီၫ်ဆၣ်ပူၤ ဘၣ်တၫ်ဒုးအီၤလၢ (၁၀၇-မမ)မျိာ်သၣ်ယူၤတဖၣ်အဂ့ၫ် Brave Warriors For Myanmar (BWM)ကရၢ ထုးထီၣ်ပာ်ဖျါ၀ဲဖဲလါအီကူး(၂၁)သီနံၤန့ၣ်လီၤ.
ဖဲလါအီကူး(၂၀)သီနံၤ ဟါ(၁၁း၅၆)နၣ်ရံၣ်အကတီၫ် ခး၀ဲဒီးမျိာ်သၣ်ယူၤ(၇)ဖျၢၣ်၀ံၤ ဘၣ်တၫ်ပာ်ပနီၣ်အလီၫ်(၄)ဖျၢၣ်အဂ့ၫ် ထုးထီၣ်ပာ်ဖျါ၀ဲဘၣ်ဆၣ် တၫ်ဘၣ်ဒိဘၣ်ထံးလီၤတံၫ်တခီ သမံသမိး၀ဲအဖၢမုၫ်ဒံးလီၤ.
တၫ်လဲၤဒုးတဘျီအံၤ Brave Warriors For Myanmar (BWM)ကရၢအတၫ်တီခိၣ်ရိၣ်မဲအဖီခိၣ် Mountain Knights Civilian Defense Force (MKCDF)န့ၣ် ပာ်ဖှိၣ်လိာ်သးဒီး ဒီၣ်ဖးခိၣ်ကလံၤစိးဟီၣ်က၀ီၤသုးလီၤဆီ, သုးဟီၣ်က၀ီၤ(၃၁) ပၣ်တံၣ်သုးဖိတဖၣ်ဒီး Mercury Revolution Force (MRF)ကရၢတဖၣ်၀ံၤ မၤ၀ဲအဂ့ၫ်န့ၣ်လီၤ.
တတါအူတၫ်ဒီသဒၢကလံၤကျါတၫ်ဘၣ်ယိၣ်သုးကလၢၤ လၢအိၣ်ဖဲမါတလ့ကီၫ်ခီ,တတါအူကီၫ်ဆၣ်စ့ၫ်ကီး ဖဲလါအီကူး(၂၀)သီနံၤန့ၣ် ဟါ(၃)နၣ်ရံၣ်အဆၢကတီၫ်ဃၣ်ဃၣ်န့ၣ် ဘၣ်တၫ်ထီၣ်ဒုးမၤန့ၫ်၀ဲအဂ့ၫ် တၫ်သ့ၣ်ညါဘၣ်လၢ Natogyi People Defense Forceအိၣ်န့ၣ်လီၤ.
