လါအီကူး(၁၉)သီ,၂၀၂၄နံၣ်
တၫ်အီၣ်တၫ်အီတနီၤလၢ ပှၤအီၣ်န့ၫ်တဘျီဃီ လၢကီၫ်ပယီၤတီၣ်သွီနုာ်၀ဲအံၤ တၫ်အိၣ်ဆူၣ်အိၣ်ချ့အဂီၫ် တကြၢးအီၣ်ဘၣ်အဂ့ၫ် အမဲရကၤတၫ်အီၣ်တၫ်အီပူၤဖျဲးတၫ်ဘၣ်ယိၣ်ဒီးတၫ်သမံသမိး၀ဲၤကျိၤ(FSIS)ဟ့ၣ်ပလီၫ် ထုးထီၣ်ဘိးဘၣ်ရၤလီၤ၀ဲလီၤ.
တၫ်ဘိးဘၣ်ရၤလီၤစရီပူၤ တၫ်အီၣ်တၫ်အီလၢတကြၢးအီၣ်တဖၣ်မ့ၫ်၀ဲ (ခီနီလၢတၫ်အီၣ်န့ၫ်တဘျီဃီ, ဃီၤနုၫ်ထံခီနီ, တၫ်အီၣ်တၫ်အီတနီၤလၢတၫ်အီၣ်န့ၫ်တဘျီဃီ ပာ်ဃုာ်၀ဲ၀ံၤ တၫ်အီၣ်သ့အပတီၫ် ပူၤဖျဲးတၫ်ဘၣ်ယိၣ် တၫ်ဘံၣ်တၫ်ဘၢတအိၣ်ဘၣ်အဃိ တြီဃာ်၀ဲဒ်သိးအံၤန့ၣ်လီၤ.
တၫ်အီၣ်တၫ်အီလၢတၫ်တကြၢးအီၣ်စရီပူၤ ဘၣ်တၫ်ထုးထီၣ်လၢကီၫ်ပယီၤပူၤလၢအမ့ၫ် အဖွါလဲးယၣ် တၫ်အီၣ်တၫ်အီ ဒၢတဖၣ်(အဖွားလက်ရာ စည်သွတ်ဘူးဟင်းလျာတွေ),စၣ်ပၠးဒီၣ်ကၠံၣ်(စံပြဒေါ်ကြည်) ဒီးထံးမံးကွံးခီနီ(ထိမိဂွိမုန့် ဟင်းခါး)တဖၣ်ပာ်ဃုာ်၀ံၤ လၢအပူၤကွံာ်လံၤလံၤ တၫ်တဟ့ၣ်တၫ်တီၣ်သွီနုာ်တၫ်ပျဲဘၣ်ဆၣ် ဟဲနုာ်လီၤလၢတၫ်ဆါတၫ်ပှ့ၤအပူၤ လၢကျဲအကလုာ်ကလုာ်အဂ့ၫ် တၫ်သ့ၣ်ညါဘၣ်လီၤ.
ကီၫ်ပယီၤန့ၣ် မ့ၫ်ထံကီၫ်တဘ့ၣ်လၢ တၫ်တဟ့ၣ်တၫ်ပျဲလၢ ကတီၣ်သွီနုာ်ဆီညၣ်ဒီးတၫ်ညၣ်တဖၣ် ဆူကီၫ်အမဲရကၤဘၣ်၀ံၤ တၫ်ဖိတၫ်လံၤလၢဟဲနုာ်လီၤခဲအံၤစ့ၫ်ကီး တၫ်ကသမံသမိးကဒီး၀ဲအဂ့ၫ် တၫ်သ့ၣ်ညါဘၣ်လီၤ.
တၫ်ဖိတၫ်လံၤတဖၣ် လၢတၫ်တြီဃာ်ခဲအံၤန့ၣ် ပှၤကီၫ်ပယီၤဖိလၢလဲၤတုၤဆူ ကီၫ်အမဲရကၤတနီၤ ဆါလီၤကဒါက့ၤ၀ဲတဆီ၀ံၤ လၢကတီၫ်အံၤပှၤကီၫ်ပယီၤဖိအါတက့ၫ် အီၣ်၀ဲအဖၢမုၫ်ဒံးလီၤအဂ့ၫ် ပှၤကီၫ်ပယီၤဖိလၢလဲၤအိၣ် ဖဲအမဲရကၤတဂၤ ကွဲးဖျါဃာ်၀ဲဖဲအပှၤတ၀ၢလံာ်ကဘျံးပၤပူၤန့ၣ်လီၤ.
