လါအီကူး(၁၆)သီ,၂၀၂၄နံၣ်
တရူးတၢ်ရ့လိၥ်ဘၣ်ထွဲလၢကီၢ်ပယီၤအဖီခိၣ်န့ၣ် တၢ်ကွၢ်လီကီၢ်ပယီၤထံဖိကီၢ်ဖိအတၢ်ဘၣ်သးလီၤအဂ့ၢ် ထံဂုၤကီၢ်ဂၤကိတိၥ်၀ၣ်ယံးတဲလီၤ၀ဲဆူ ကီၢ်ပံၤယီၤသုးအခိၣ်အဂ့ၢ် တရူးထံဂုၤကီၢ်ဂၤ၀ဲၤကျိၤ ပၥ်ဖျါဃၣ်၀ဲန့ၣ်လီၤ.
ဘၣ်ထွဲဒီး ၂၀၂၄နံၣ်, လါအီကူး(၁၄)သီအနံၤ ထံၣ်လိၥ်သးဒီးသုးရိၣ်မဲခိၣ်ကျၢၢ်မ့အီၣ်လဲၢ် ဖဲန့ၣ်ပၠံၣ်တီၣ်တၢ်တဲသကိးအဖီခိၣ် တရူးထံဂုၤကီၢ်ဂၤကိတိၥ်၀ဲၤကျိၤ တၢ်ဘိးဘၣ်ရၤလီၤအပူၤ ပၥ်ဖျါဃၣ်၀ဲဒ်အံၤန့ၣ်လီၤ.
ဘၣ်ထွဲဒီး ထံဂုၤကီၢ်ဂၤကိတိၥ် ၀ၣ်ယံးအတၢ်တဲလီၤအဖီခိၣ် သုးကီၣ်ကးတၢ်ကစီၣ်သန့တဖၣ်အပူၤ ပၥ်ဖျါဃၣ်၀ဲတအိၣ်ဘၣ်.
ဘၣ်ထွဲဒီး ယိၤဒိၣ်ကီၢ်စဲၣ်ကလံၤစိးတပၤ EAOကရၢတဖၣ် လဲၤထီၣ်ဒုး၀ဲ၀့ၢ်တဖၣ်အဖီခိၣ် တရူးထီဒါ၀ဲအဂ့ၢ် သုးကီၣ်ကးပၥ်ဖျါဃၣ်အဂ့ၢ်စ့ၢ်ကီး တရူးထံဂုၤကီၢ်ဂၤ၀ဲၤကျိၤ အတၢ်ဘိးဘၣ်ရၤလီၤအပူၤ တၢ်တထံၣ်ဘၣ်၀ဲဘၣ်. တကးဘၣ် တၢ်ဃုထၢလၢသုးကီၣ်ကးကတဲၥ်ကတီၤအဖီခိၣ် ကဆီၣ်ထွဲ၀ဲအဂ့ၢ်စ့ၢ်ကီး တၢ်ပၥ်ဖျါအပူၤတထံၣ်ဘၣ်၀ဲဘၣ်.
လၢတၢ်န့ၣ်အလီၢ် တရူးတခီဆီၣ်ထွဲ၀ဲ ကီၢ်ပံၤယီၤတၢ်သဘျ့, ထံကီၢ်တၢ်စိတၢ်ကမီၤ, ထံရူၢ်ကီၢ်သဲးတၢ်ဘၣ်လိၥ်ဖိးဒ့, တၢ်ဆီတလဲဆူဒံၣ်မီၣ်ကရ့ၣ်စံၣ်အဂ့ၢ်, ကီၢ်ပယီၤတအိၣ်ဂၢၢ်ဆိးကျၢၢ်ဒီးတၢ်ဒုးကဲထီၣ်သး, ထံကီၢ်အဂၤအတၢ်နုၥ်လီၤဂိၥ်စုဂိၥ်ခီၣ်တဖၣ်ထီဒါ၀ဲအဂ့ၢ် တရူးထံဂုၤကီၢ်ဂၤကိတိၥ်တဲ၀ဲဆူ သုးရိၣ်မဲခိၣ်ကျၢၢ်မ့အီၣ်လဲၣ်အဂ့ၢ် ပၥ်ဖျါဃၣ်၀ဲန့ၣ်လီၤ.
လၢန့ၣ်အမဲၥ်ညါ တၢ်တဲအၢတဲသီ တရူးထံကီၢ်တဖၣ်တၢ်ထီဒါ၀ဲအဂ့ၢ် ၀ၣ်ယံးတဲလီၤ၀ဲအဂ့ၢ် ပၥ်ဖျါဃၣ်၀ဲန့ၣ်လီၤ.သုးကီၣ်ကးအတၢ်ပၥ်ဖျါပူၤတခီ ဘၣ်ထွဲဒီးတၢ်ဂ့ၢ်တၢ်ကျိၤလီၤတံၢ်လီၤဆဲးတဖၣ် တၢ်တထံၣ်ဘၣ်၀ဲဘၣ်.
တရူးထံကီၢ် ဆ့ၣ်ဟွၣ်တၢ်ကစီၣ်သန့၀ဲၤကျိၤ ပယီၤလံၥ်ကဘျံးပၤဒီး တရူးမီၢ်သီဘၣ်ထွဲကီၢ်ပယီၤစ့ၢ်ကီး ဘၣ်ထွဲဒီးတရူးထံဂုၤကီၢ်ဂၤ တၢ်ဘိးဘၣ်ရၤလီၤအံၤ ကျိၥ်ထံက့ၤဆူ ပံၤယီၤကျိၥ်၀ံၤ ပၥ်ဖျါဃၣ်၀ဲတနံၤအံၤန့ၣ်လီၤ.
Ref: RFA
