လါအီကၢး(၇)သီ,၂၀၂၄နံၣ်
ယိၤဒိၣ်ကီၢ်စဲၣ်ကလံၤစိး,၀့ၢ်လါရှိအိၣ်သူၣ်လီၤ မုၢ်ထီၣ်ကလံၤစိးကီၢ်ခီသုး၀ဲၤလီၢ်ခိၣ်သ့ၣ်အံၤ MNDAAထီၣ်ဒုးမၤန့ၢ်အီၤလၢတၢ်ဆၢကတီၢ်ဖုကိၣ်အပူၤန့ၣ်မ့ၢ်ဒၣ်သုးမုၢ်ဒိၣ်တၢ်ဆဲးကျိၤတၢ်ဘံၣ်တၢ်ဘၢလီၤတုၤလီၤကၤအဃိ၀ံၤ တၢ်ဆဲးကျိးလီၤတုၤလီၤကၤအံၤန့ၣ် ခီဖျိလၢ တဲၥ်တီသၣ်(ကိး)တၢ်မဲၥ်ချံတဖၣ် ဟ့ၣ်တၢ်ကစီၣ်အဃိအဂ့ၢ် သုးပူၤလံတၢ်ပၥ်ဖျါအပူၤ ပဲၥ်ထံနီၤဖးဃၣ်၀ဲအဂ့ၢ် တၢ်သ့ၣ်ညါဘၣ်န့ၣ်လီၤ.
တၢ်လဲၤမၤပှဲၤအါထီၣ်သုးအဂံၢ်အဘါဆူ လါရှိမုၢ်ထီၣ်ကလံၤစိးကီၢ်ခီသုး၀ဲၤလီၢ်ခိၣ်သ့ၣ်တဖၣ်, တၢ်နီၤဖးလီၤဃၣ်သုးအဂံၢ်အဘါဖဲကီၢ်ဆၣ်လါရှိဟီၣ်က၀ီၤပူၤတၢ်ကစီၣ်တဖၣ်အံၤတၢ်ဆဲးကျိးလီၤတုၤလီၤကၤဒီးတၢ်ကစီၣ်လဲၤတုၤဆူ တၢ်ကရၢကရိအဂၤတဖုအဂ့ၢ်, သုးကျိၤလၢလဲၤမၤပှဲၤအါထီၣ်ဂံၢ်ဘါတဖၣ်တၢ်ဒုးသဘှံးအီၤတဖၣ်, သုးကျိၤတဖၣ်လၢတၢ်က၀ီၤတံၢ်ဃၣ် မုၢ်ထီၣ်ကလံၤစိးကီၢ်ခီသုး၀ဲၤလီၢ်ခိၣ်သ့ၣ်တဖၣ် တၢ်ဒုးဖျိးကွံၥ်အီၤလၢညီညီအပူၤန့ၣ် မ့ၢ်ဒၣ်သုးပူၤ တဲၥ်တီသၣ်(ကိး)တၢ်မဲၥ်ချံပှၤဟ့ၣ်တၢ်ကစီၣ်တဖၣ်အဃိ တၢ်ဆဲးကျိးတၢ်ဘံၣ်တၢ်ဘံၣ်လီၤတုၤလီၤကၤအဃိအဂ့ၢ် တၢ်သ့ၣ်ညါဘၣ်လၢလံပၥ်ဖျါအပူၤန့ၣ်လီၤ.
ယိၤဒိၣ်ကီၢ်စဲၣ်ကလံၤစိး, ၀့ၢ်လါရှိအိၣ်သူၣ်လီၤ မုၢ်ထီၣ်ကလံၤစိးကီၢ်ခီသုး၀ဲၤလီၢ်ခိၣ်သ့ၣ်အံၤ သုးကီၣ်ကးဘၣ်တၢ်ပျၢ်ကွံၥ်အီၤ၀ံၤအလီၢ်ခံ နီၣ်ဂံၢ်(၂) ကစထအခိၣ် သုးခိၣ်ကျၢၢ်စိနၢၤနၢၤအူဒီး ကကတၢ်ဆဲးကျိးပှၤနဲၣ်တၢ်အခိၣ် သုးခိၣ်ကျၢၢ်ဂီၢ်ဂ့ၢ်ယဲမၠ့းနဲၣ်တဖၣ် သုးမုၢ်ဒိၣ်ဖီၣ်န့ၢ်အီၤ၀ံၤအလီၢ်ခံ မၤ၀ဲတၢ်သမံသမိးအဂ့ၢ် တၢ်သ့ၣ်ညါဘၣ်န့ၣ်လီၤ.
တကးဘၣ် သုးမုၢ်ဒိၣ်ဒီးကိတိၥ်၀ဲၤကျိၤတဖၣ်အပူၤ တၢ်ကစီၣ်ခူသူၣ်တဖၣ်ဟးထီၣ်ကွံၥ်လၢတၢ်ချၢအဃိ တၢ်ကဟူန့ၢ် တဲၥ်တီသၣ်(ကိး)တၢ်မဲၥ်ချံ ဒီး “ တၢ်ကမၤပျီကွံၥ် တၢ်မဲၥ်ချံ”တၢ်တိၥ်ကျၢၤတဖၣ်အဂ့ၢ် နဲၣ်လီၤဃၣ်၀ဲန့ၣ်လီၤ.
