လါယူၤလံ(၃၁)သီ, ၂၀၂၄နံၣ်
ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ, ကီၫ်ရ့ၣ်ဘျံး-ဒ၀ဲၫ်,ကီၫ်ဆၣ်လၢၫ်မုၫ်ပျီ,ပလီကိသ၀ီလၢ သုးကီၣ်ကးနုာ်လီၤ ဟံးန့ၫ်ဃာ်တၫ်လီၫ်အံၤ အသုးဖိတဖၣ် ပာ်တ့ၫ်ကွံာ်သုးကလၢၤ ဃ့ၫ်ပူၤဖျဲးကွံာ်အဃိ ကညီဒီကလုာ်တၫ်ဒီသဒၢသုး (KNDO),သုးရ့ၣ်နီၫ်ဂံၫ်(၇),သုးဒ့(၅)သုးဖိတဖၣ် ပၢဆှၢကဒါက့ၤ၀ဲန့ၫ်၀ံၤ မၤဟီၣ်က၀ီၤတၫ်အိၣ်ဂၢၫ်ဆိးကျၢၤ တၫ်ဖံးတၫ်မၤတဖၣ်အဂ့ၢ် ခ့ၣ်အဲၣ်ယူၣ်-လီၢ်ခၢၣ်သးထုးထီၣ်ပၥ်ဖျါဃၣ်၀ဲန့ၣ်လီၤ.
သုးဟံးန့ၫ်ဆူၣ်ထံကီၫ်တၫ်စိတၫ်ကမီၤ အသုးဖိတဖၣ် စးထီၣ်ဖဲသုးဟံးန့ၫ်တၫ်စိတၫ်ကမီၤ ၂၀၂၁နံၣ်န့ၣ် ဟဲဆီလီၤဃာ် အသုးနုာ်လီၤအိၣ်ဆိး၀ဲ ဖဲပလီကိသ၀ီပူၤ၀ံၤ ပာ်လီၤတြဲၤတဖၣ်ဒီး ဃ့ကျိာ်စ့လၢကမျၢၫ်အိၣ်,ပှၤလၢတၫ်ကမၣ် တအိၣ်ဖီၣ်န့ၫ်ဆူၣ်၀ဲတလီၫ်လီၫ်ဒီး မ့ၫ်တၫ်လီၫ်တတီၤလၢ တၫ်ကရၢကရိဒုးအိၣ်ထီၣ် ဂၢၤကီၫ်သုး(ပြည်သူ့စစ်)ဒီးမၤတံာ် တာ် ကမျၢၫ်လၢဟးထီၣ်ဟးလီၤတဖၣ်အဂ့ၢ် စံး၀ဲန့ၣ်လီၤ.
ဖဲတချူးဟးထီၣ်လၢ ပလီကိသ၀ီပူၤဒံးဘၣ်အကတီၫ် သုးကီၣ်ကးအသုးဖိတဖၣ်ဒီး ကညီဒီကလုာ်တၫ်ဒီသဒၢသုး (KNDO),သုးရ့ၣ်နီၫ်ဂံၫ်(၇),သုးဒ့(၅)သုးဖိတဖၣ်အဘၢၣ်စၢၤတၫ်ဘၣ်သဂၢၫ်ခးလိာ်သးအိၣ်တလီၫ်လီၫ်၀ံၤ လၢအ၀ဲသ့ၣ်အဂီၫ် စုက၀ဲၤဒီးတၫ်အီၣ်တၫ်အီကျဲလၢအရ့ဒိၣ်တဖၣ် တၫ်ကးတံာ်ကွံာ်၀ဲန့ၫ်၀ံၤအလီၫ်ခံ ဖဲ၂၀၂၄နံၣ်, လါယူၤလံ(၂၉)သီ နံၤန့ၣ် သုးကီၣ်ကးအသုးတဖၣ်ဃ့ၫ်ဖျိးကွံာ်အသုးကလၢၤ၀ံၤ တၫ်စုက၀ဲၤကျိချံပှာ်သၣ်ဒီးသုးတၫ်ပီတၫ်လီတဖၣ် ဖဲတၫ်မၤဟီၣ်က၀ီၤတၫ်အိၣ်ဂၢၫ်ဆိးကျၢၤအကတီၫ် တၫ်မၤန့ၫ်၀ဲအဂ့ၢ်စ့ၢ်ကီး ပၥ်ဖျါဃၣ်၀ဲန့ၣ်လီၤ.
