လါယူၤလံ ၁၇သီ, ၂၀၂၄နံၣ်
ပယီၤသုးကီၣ်ကးအဂီၫ် တၫ်တီၣ်ဆှၢန့ၫ် ကဘီယူၤသိခီပနံၣ်စရီပူၤပာ်ဃုာ်၀ဲအဂ့ၫ် ထံဂုၤကီၫ်ဂၤသးသမူတၫ်ပူၤဖျဲးထီၣ် ခွဲးယာ် Amnesty Internationalကရၢအလံာ်ပာ်ဖျါန့ၣ် Sahara Energy International Pteသိခီပနံၣ်လၢ အိၣ်ဆီလီၤအသးဖဲကီၫ်စ့ၣ်ကပူၣ် ဖဲတယံာ်ဒံးဘၣ်န့ၣ် ဂ့ၫ်လိာ်ဃာ်၀ဲလီၤ. Amnesty Internationalန့ၣ် ဟံးန့ၫ်ခီၣ်တဃာ်တၫ်ဂ့ၫ်တၫ်ကျိၤလၢကမၣ်တဖၣ်၀ံၤ ထုးထီၣ်ပာ်ဖျါ၀ဲအဂ့ၫ်Sahara Energyခီပနံၣ်တကပၤ တဲဆၢက့ၤ၀ဲန့ၣ်ဘၣ်တၫ်ကွဲးဖျါ၀ဲဖဲ The Africa Reportတၫ်ကစီၣ်အပူၤန့ၣ်လီၤ.
ပယီၤသုးပညိၣ်ခးလီၤထံဖိကီၫ်ဖိကမျၢၫ်လၢကလံၤကျါ တၫ်တြီဆၢအီၤကန့ၫ်အဂီၫ် တၫ်သုတတီၣ်ဆှၢန့ၫ်ကဘီယူၤသိတဖၣ်အဂီၫ် ဖဲတၫ်ဃ့ထီၣ်အကတီၫ်ခီပနံၣ်လၢတီၣ်ဆှၢန့ၫ် သုးကီၣ်ကးကဘီယူၤသိအိၣ်၀ဲအဂ့ၫ် ထံဂုၤကီၫ်ဂၤသးသမူတၫ်ပူၤဖျဲးထီၣ်ခွဲးယာ် Amnesty Internationalကရၢ ဖဲလါယူၤထီၣ်သီန့ၣ်ဘိးဘၣ်ပာ်ဖျါ၀ဲလီၤ.
ထံဂုၤကီၫ်ဂၤခီပနံၣ်တဖၣ်အကျါ တရူးပၢ HUITONG 78ကဘီတီၣ်သိန့ၣ် ခီဖျိလၢကီၫ်ဘံၣ်ယဲးနၣ်တဆီတီၣ်ဆှၢန့ၫ် ပယီၤသုးကီၣ်ကးသိတဖၣ်၀ံၤ Sahara Energy International Pteသိခီပနံၣ်လၢ အိၣ်ဆီလီၤအသးဖဲကီၫ်စ့ၣ်ကပူၣ်, တရူးပဒိၣ်ပၢ CNOOC Trading (Singapore) Pte. Ltd.ခီပနံၣ်ဒီးခီပနံၣ်အဂၤ ပာ်ဃုာ်၀ဲအဂ့ၫ် အလံာ်ပာ်ဖျါအပူၤပာ်ဖျါ၀ဲလီၤ.
ကီၫ်ပယီၤပူၤကမျၢၫ်တၫ်ပညိၣ်လီၫ် တၫ်ဟဲခးလၢကလံၤကျါတဖၣ် လၢတနံၣ်အံၤနံၣ်တ၀ာ်အပူၤဒၣ်လဲၣ် အါဒိၣ်န့ၫ်ဒံးအပူၤကွံာ်(၅)ဘျီညါအဂ့ၫ်စ့ၫ်ကီး ဘၣ်ထွဲကီၫ်ပယီၤ ဘီမုၫ်စၢဖှိၣ်ကရၢပှၤဂ့ၫ်စီခွဲးယာ်ခၢၣ်စးလီၤဆီတဲဃာ်၀ဲလီၤ.
Ref :VOA
