လါယူၤလံ(၁၆)သီ,၂၀၂၄နံၣ်
တရူးခီၣ်မၠူၣ်နံးပၣ်တံၣ်အသၢ၀ီတ၀ီတၫ်အိၣ်ဖှိၣ်ဖးဒိၣ် ဘၣ်တၫ်စးထီၣ်မၤ၀ဲဖဲ၀့ၫ်ပ့ၣ်ကၠ့(ပေကျင်းမြို့) ,ဖဲလါယူၤလံ (၁၅)သီနံၤ၀ံၤ ဘၣ်ထွဲဒီးတူၫ်ယံာ်မုာ်ကျိၤ၀ဲၤကွာ် တၫ်ဘျၢတဖၣ် တၫ်ကဆၢတဲာ်ပာ်လီၤအိၣ်၀ဲလီၤ.
တၫ်အိၣ်ဖှိၣ်လၢကယံာ်(၄)သီအံၤ တၫ်ကမၤ၀ဲတုၤလါယူၤလံ(၁၈)နံၤ၀ံၤ တၫ်ကတၢၣ်ပီၣ်တဲသကိးစ့ၫ်ကီး၀ဲတၫ်ဘှီဘၣ်ဆီတလဲလၢတၫ်ကိးကပၤဒဲး, ဒ်တရူးလုၫ်လၫ်ချူးစိၤဂုၤထီၣ်ပသီထီၣ်ဒီး ပၣ်တံၣ်အတၫ်ဘျၢတဖၣ် ဒိၣ်ဒိၣ်မုာ်မုာ်န့ၣ်လီၤ.
တကးဘၣ် ပၣ်တံၣ်အပူၤ လီၫ်လၤတၫ်ဆီတလဲတဖၣ်အိၣ်ထီၣ်သ့၀ံၤ ဖဲတယံာ်ဒံးဘၣ် ထံဂုၤကီၫ်ကၤကိတိာ်ခိၣ် ကျၢၫ်လီၫ်လံၤခၠ့ၣ်ကါ(ချင်ဂန်း)ဒီး တၫ်ဒီသဒၢကိတိာ်ခိၣ်ကျၢၫ်လီၫ်လံၤ လံၣ်ရှၣ်ဖူၣ်(လီရှန်ဖူ)တဖၣ်လၢတၫ်ထုးထီၣ် ကွံာ်အီၤလၢလီၫ်လၤတဖၣ်စ့ၫ်ကီး တၫ်ထုးထီၣ်ကွံာ်အီၤလၢ လီၫ်ခၢၣ်သးကမံးတံာ်ကရၢဖိအပူၤသ့၀ဲအဂ့ၫ် တၫ်ကစီၣ်သန့တခါလၢအိၣ်ဆီလီၤအသးဖဲ၀့ၫ်ဟီၣ်ကီၣ်ပာ်ဖျါ၀ဲလီၤ.
တရူးဟံၣ်ဟီၣ်ခိၣ်လီၫ် အပှ့ၤကလံၤလီၤတကတီၫ်ဃီ တၫ်မုၫ်လၫ်အဖီခိၣ်လၢမုာ်ကျိၤ၀ဲၤကွာ်အဖီခိၣ် ဖဲတဂၢၫ်တကျၢၤအိၣ်အါထီၣ်အကတီၫ် တရူးကီၫ်ခိၣ် ရှံၣ်ကၠ့ပ့ၣ်အတၫ်တီခိၣ်ရိၣ်မဲထံကီၫ် တၫ်ဘျၢအသီအဖီခိၣ် ပှၤအါဂၤပာ်သူၣ်ပာ်သး၀ဲလီၤ.
တၫ်အိၣ်ဖှိၣ်န့ၣ် ကကးတံာ်ကွံာ်တြဲၤအိၣ်ဖှိၣ်တဲသကိးတၫ်၀ံၤ တၫ်အိၣ်ဖှိၣ်အလီၫ်ခံကတၢၫ်တသီ ဖဲမုၫ်လွံၫ်နံၤန့ၣ်တခီ ကထုးထီၣ်ဘိးဘၣ်ရၤလီၤ၀ဲ၀ံၤ တရူးကီၫ်အတၫ်ဘျၢတၫ်ဆီတလဲအဖီခိၣ် ပှၤပဲာ်ထံနီၤဖးထံရူၫ်ကီၫ်သဲးတဖၣ်စ့ၫ်ကီး အိၣ်ခိးကွၫ်၀ဲန့ၣ်လီၤ.
Ref : VOM
