လါယူၤလံ၁၂သီ, ၂၀၂၄နံၣ်
သုးကီၣ်ကးန့ၣ် ထံကီၫ်လၢအနီၫ်ကစၫ်ပၢဆှၢ၀ဲတန့ၫ်ဘၣ်န့ၣ် မၤဟးဂီၤကွံာ်၀ဲလံအဂ့ၫ် ဘၣ်ထွဲကီၫ်ပယီၤဂ့ၫ်၀ီ ပှၤဂ့ၫ်၀ီခွဲး ယာ်ခၢၣ်စးလီၤဆီ Tom Andrews တဲဟ့ၣ်ပလီၫ်၀ဲဖဲထံၣ်လိာ်အသးဒီး ကီၫ်ကၠီၣ်တဲၣ်ဒီကလုာ်တၫ်ဘံၣ်တၫ်ဘၢကီၣ်ကး ဖဲလါယူၤလံအသီ(၁၀)အနံၤန့ၣ်လီၤ.
ဖဲအပူၤကွံာ် လါယနူၤအါရံၤအပူၤ ကီၫ်ပယီၤကလံၤစိးတကပၤ ကီၫ်တရူးအတၫ်မၤဃူမၤဖိးအဖီခိၣ် ဒိးန့ၫ်၀ဲတၫ်ပတုာ် တၫ်ခးစ့ၫ်ကီး ဟးဂီၤလီၤပှီၫ်ကွံာ်၀ဲ တက့ဘၣ်တက့အဂ့ၫ် Tom Andrewsတဲ၀ဲလီၤ.
သုးကီၣ်ကးန့ၣ် အသုးကလၢၤတဖၣ်,ဟီၣ်က၀ီၤလၢပၢဆှၢ၀ဲတဖၣ် ဒီး တၫ်စုက၀ဲၤတဖၣ် ဘၣ်ပာ်တ့ၫ်ကွံာ်၀ဲဒီး ထံကီၫ် လၢအနီၫ်ကစၫ်ပၢဆှၢ၀ဲတန့ၫ်လၢၤဘၣ်တဘ့ၣ်အံၤ မၤဟးဂီၤကွံာ်၀ဲလံအဂ့ၫ် တဲ၀ဲလီၤ.တၫ်ဒုးအပူၤ သုးကီၣ်ကးလၢ ဘၣ် ဃၣ်ကွံာ်အသးတဖုအံၤ ဒုးဒီးခးလီၤမၤဟးဂီၤကၠိ,တၫ်ဆါဟံၣ်ဒီးတၫ်ဘူၣ်တၫ်ဘါတၫ်သူၣ်ထီၣ်အလီၫ်တဖၣ်အါထီၣ်၀ံၤ အိၣ်ဒီးတၫ်သူၣ်ဆါသးဆါဒီးဒုးဃီၤ ထံဖိကီၫ်ဖိကမျၢၫ်လံအဂ့ၫ် တဲ၀ဲန့ၣ်လီၤ.သုးကီၣ်ကးတကပၤဒု ဘၣ်ထွဲဒီးတၫ်ဂ့ၫ်အံၤန့ၣ် တထုးထီၣ်တဲဖျါတၫ်နီတမံၤဒံးဘၣ်.
စးထီၣ်ဖဲလါယူၤ(၂၅)သီ ၁၀၂၇ ဒုးယၤတၫ်ရဲၣ်တၫ်ကျဲၤ အတၫ်ပိာ်ထွဲထီၣ်အခံတကတီၫ်ဃီ တအါဒီကလုာ်တၫ်ထူၣ် ဖျဲးသုးမုၫ်ဒိၣ်(TNLA),ကိကးသုး(MNDAA), ဒီး ကမျၢၫ်တၫ်ဒီသဒၢသုး(PDF)သုးပာ်ဖှိၣ်တဖၣ် နုာ်လီၤထီၣ်ဒုးဃီၤ၀ဲ ယိၤဒိၣ်ကီၫ်စဲၣ်ကလံၤစိးတကပၤဒီးမါတလကီၫ်ခီတဖၣ်န့ၣ်လီၤ.
Ref: RFA
