၈.၇.၂၀၂၄
ကီၫ်ဘ့ကလါဒ့းရှ်အပူၤ လၢကတီၫ်အံၤထံဒိၣ်အဃိ ပှၤဘၣ်သံအိၣ်၀ဲ(၈)ဂၤ၀ံၤ ထံကျိထံတဖၣ်ဒိၣ်ထီၣ်စ့ၫ်ကီးအဃိ ပှၤ(၂)ကကွဲၫ်ဘျဲၣ် ကွၫ်ဆၢၣ်မဲာ်ဘၣ်ထံဒိၣ်နိယွၤတၫ်ဂ့ၫ်ကီအဂ့ၫ် ပှၤဘၣ်မူဘၣ်ဒါတဖၣ်တဲ၀ဲလီၤ.
ပှၤသံအကျါဃ့ၫ်ပူၤဖျဲးသးအကတီၫ် လီၤအုးသံထံအိၣ်အသိး,ဘၣ်လၢလီမ့ၣ်အူဒီးသံ၀ဲပာ်ဃုာ်အဂ့ၫ် ပှၤဘၣ်မူဘၣ်ဒါတဖၣ်တဲ၀ဲလီၤ. လၢကတီၫ်အံၤ ပှၤလၢကွၫ်ဆၢၣ်မဲာ်ဘၣ်ထံဒိၣ်နိယွၤတဖၣ်အဂီၫ် ဘၣ်တၫ်တ့ထီၣ်န့ၫ်အီၤတၫ်မၤပူၤဖျဲးအလီၫ်လၢအကယၤ၀ံၤ လၢထံကီၫ်ကလံၤစိးတကပၤ ပှၤလၢကွၫ်ဆၢၣ်မဲာ်ဘၣ်ထံဒိၣ်တဖၣ်အဂီၫ် တၫ်ဆှၢလီၤန့ၫ်အ၀ဲ သ့ၣ်တၫ်အီၣ်တၫ်အီဒီး ပှၤလၢကလဲၤမၤပူၤဖျဲးထီၣ်တၫ်တဖၣ်အဂ့ၫ်တဲ၀ဲလီၤ.
“ထံဒိၣ်အဃိ ပှၤ(၂)ကကွဲၫ်ကွၫ်ဆၢၣ်မဲာ်ဘၣ်တၫ်ကီတၫ်ခဲလီၤ.ထံကီၫ်ကီၫ်ရ့ၣ်(၆၄)ဘ့ၣ်အပူၤ(၁၇)ဘ့ၣ်န့ၣ် ကွၫ်ဆၢၣ်မဲာ်ဘၣ်ထံဒိၣ်နိယွၤအဂ့ၫ်”ဘ့ကလါဒ့းရှ် တၫ်ပၢဆှၢရဲၣ်ကျဲၤန့ဆၢၣ်တၫ်လီၤဘၣ်ယိၣ်၀ဲၤကျိၤဘၣ်မူဘၣ်ဒါတဖၣ်တဲ၀ဲလီၤ. ကီၫ်ရ့ၣ်ကူရံၣ်ကရၣ်(ကူရီဂရမ် ခရိုင်)တူၫ်ဘၣ်တၫ်နးကတၢၫ်အံၤအပူၤ ၀့ၫ်(၉)၀့ၫ်အကျါ(၈)၀့ၫ်န့ၣ် ထံလုၫ်ဘၢ၀ဲအဂ့ၫ်တဲ၀ဲလီၤ.
လီၫ်က၀ီၤပူၤဟံၣ်ဃီ(၈၀)မျးကယၤ ထံလုၫ်ဘၢအဂ့ၫ်တဲ၀ဲလီၤ.ပှၤနီၫ်ဂံၫ်အိၣ်အကကွၫ်(၁၇၀)ဘျဲၣ်၀ံၤ ကီၫ်ဘ့ကလါဒ့းရှ်လၢအိၣ်ဖဲကလံၤထံးအ့ရှၢၣ်ဟီၣ်က၀ီၤအံၤ ဖဲအပူၤကွံာ်အနံၣ်(၁၀)အတီၫ်ပူၤ ကွၫ်ဆၢၣ်မဲာ်ဘၣ်ထံနိၣ်နိယွၤခဲအံၤခဲအံၤန့ၣ်လီၤ.
မူခိၣ်ကလံၤသီၣ်ဂီၤတဘၣ်လိာ်ဘၣ်စး,ဟံးမ၀ၣ်တၣ်ကစၢၫ်ကလိအဖီခိၣ် ထံကျိထံလီၤသကၤတဖၣ် ပှံၫ်လီၤဒီးမူခိၣ်စူၤဖးဒိၣ်တဖၣ်အဃိ ကွၫ်ဆၢၣ်မဲာ်ဘၣ် ထံဒိၣ်နိယွၤတၫ်ဂ့ၫ်ကီတဖၣ်၀ံၤ ကိးနံၣ်ထံတၫ်လီၤဘၣ်ယိၣ်ဒီးဟီၣ်ခိၣ်လာ်တဖၣ်အဃိ ညီနုၫ်ပှၤဘၣ်သံဘၣ်ပှၫ်ကိးမုၫ်နံၣ်န့ၣ်လီၤ.
Ref: VOM
