လါယူၤ(၅)သီ, ၂၀၂၄နံၣ်
ကီၫ်ပယီၤဒီတဘ့ၣ်အပူၤ ထံဖိကီၫ်ဖိကမျၢၫ်အဖီခိၣ် တၫ်မၤအၢမၤသီတဖၣ် အိၣ်ကဒီး၀ဲတပယူာ်ဃီ၀ံၤ တၫ်မၤကမၣ် တဖၣ်အဂီၫ် တၫ်ကဘၣ်တူၫ်မူတူၫ်ဒါအဂ့ၫ် ဖဲလါယူၤ(၄)သီနံၤ ဘၣ်ထွဲကီၫ်ပယီၤ အဲကလံးမီၫ်သီ၀ဲၤဒၢး(မြန်မာနိုင်ငံဆိုင်ရာ ဗြိတိန်သံရုံး) ဘိးဘၣ်ပာ်ဖျါ၀ဲလီၤ.
ကီၫ်စဲၣ်ရခၢၣ်, လၢ၀့ၫ်စံးတွ့ၣ်(စစ်တွေမြို့) တၫ်မၤသံမၤ၀ီ လီၤရၢၫ်လီၤစၢၤတဖၣ်အဖီခိၣ် အဲကလံးပဒိၣ်(ဗြိတိန်အစိုးရ)တကပၤ သူၣ်အုးသးအုးအဂ့ၫ်ဒီး ဟံၣ်ဖိဃီဖိလၢတူၫ်ဘၣ်တၫ်တဖၣ်အဂီၫ်စ့ၫ်ကီး သ့ၣ်နီၣ်ဃ့န့ၫ်တၫ်ထုကဖၣ်လၢအ၀ဲသ့ၣ်အဂီၫ်အဂ့ၫ် ကွဲးဖျါဃာ်၀ဲလီၤ. ဒ်န့ၣ်အသိး တၫ်ကဘၣ်ဒီသဒၢန့ၫ်တၫ်လၢ ထံဖိကီၫ်ဖိကမျၢၫ်ခဲလၢာ်အဂီၫ်အဂ့ၫ် တဲဆီၣ်တခူထီၣ်ဃာ်၀ဲလီၤ.
၀့ၫ်စံးတွ့ၣ်(စစ်တွေမြို့)အကပၤ ဆးယိကၠးက၀ီၤဒ့(ဆတ်ရိုးကျရပ်ကွက်) လၢညါတၣ်သ့ၣ်ညါဒ် ပၠဲဖၠူၣ်သ၀ီ (ဗျိုင်းဖြူရွာ), စးထီၣ်ဖဲလါမ့ၤ(၂၉)သီ သုးကီၣ်ကး အသုးတဖၣ်ဖီၣ်မၤသံတၫ်၀ံၤ ကမျၢၫ်လၢဘၣ်တၫ်မၤသံအီၤ အိၣ်ထီၣ်၀ဲ(၇၆)ဂၤလံအဂ့ၫ် ရခၢၣ်သုးမုၫ်ဒိၣ်(AA) ဘိးဘၣ်ပာ်ဖျါဃာ်၀ဲ ဖဲလါယူၤ(၄)သီနံၤန့ၣ်လီၤ.
ပၠဲဖၠူၣ်သ၀ီဖိတဖၣ် ဘၣ်တၫ်မၤသံအီၤ ဒီဒူၣ်ဒီထၢဒ်သိးအံၤအဖီခိၣ် ထီဒါ၀ဲဆူၣ်ဆူၣ်ကလဲာ်အဂ့ၫ် ဒီကလုာ်ဃူဖိးပဒိၣ်(NUG)စ့ၫ်ကီး ဖဲလါယူၤ(၃)သီနံၤန့ၣ် ဘိးဘၣ်ပာ်ဖျါဃာ်၀ဲလီၤ.
ref:rfa
