လါယူၤ(၅)သီ, ၂၀၂၄နံၣ်
ဖဲလါယူၤ(၄)သီနံၤ လၢ၀့ၫ်ဒ၀ဲၫ်(ထား၀ယ်မြို့) တီၤဖုၣ်ကၠိ(မူလတန်းကျောင်း)တဖျၢၣ်အပူၤ ဖဲတၫ်အိၣ်ဘှံးအီၣ်မ့ၤ အဆၢကတီၫ် မ့ၣ်ပိၫ် ပိၫ်ဖးထီၣ်အဃိ ကၠိဖိပိာ်ခွါတဂၤဘၣ်သံ၀ံၤ ဘၣ်ဒိဘၣ်ထံး၀ဲ(၂၅)ဂၤန့ၣ်လီၤ.
လၢဒ၀ဲၫ်၀့ၫ်သီ(ထားဝယ်မြို့သစ်), အ့ၣ်ရှ့းပၠ့ၣ်က၀ီၤဒ့(အိမ်ရှေ့ပြင်ရပ်ကွက်) တီၤဖုၣ်ကၠိ မ့ၣ်ပိၫ် ပိၫ်ဖးထီၣ်၀ံၤ ကၠိဖိပိာ်မုၣ်(၁၅)ဂၤဒီး ကၠိဖိပိာ်ခွါ(၁၀)ဂၤ ဘၣ်ဒိဘၣ်ထံး၀ဲအဂ့ၫ် ပှၤ၀့ၫ်ဖိဖဲန့ၣ်တဂၤတဲ၀ဲလီၤ.
ပှၤလၢဘၣ်သံန့ၣ် မ့ၫ်သးနံၣ်(၉)နံၣ်အိၣ် သၢတီၤကၠိဖိလီၤ. ဖိသၣ်လၢဘၣ်ဒိဘၣ်ထံးတဖၣ် တၫ်လဲၤဆှၢအီၤဆူ ၀့ၫ်ဒ၀ဲၫ် သုးကီၣ်ကး အနီၫ်ဂံၫ်(၁၂) လီၫ်မံ(၁၀၀)တၫ်ဆါဟံၣ်ဒီး ဒ၀ဲၫ်ကမျၢၫ်တၫ်ဆါဟံၣ်ဖးဒိၣ်တဖၣ်အဂ့ၫ် တၫ်သ့ၣ်ညါဘၣ်လီၤ. မ့ၣ်ပိၫ် ပိၫ်ဖး ကဲထီၣ်အသးဒ်လဲၣ်တခီ တၫ်တသ့ၣ်ညါဒံးဘၣ်.
ဖဲအပူၤကွံာ်လါမ့ၤ(၁၃)သီနံၤစ့ၫ်ကီး ၀့ၫ်ဒ၀ဲၫ်အနုာ်လီၤ အ့ၣ်ရှ့းပၠ့ၣ်သုးတၫ်သမံသမိးတြဲၤ(အိမ်ရှေ့ပြင်စစ်ဆေးရေးဂိတ်) တၫ်ပၢၫ်ဆၢသုးပာ်ဖှိၣ်တဖၣ် လဲၤခး၀ဲဒီးတၫ်ဒုးကဲထီၣ်အဂ့ၫ် လီၫ်က၀ီၤဖိတဖၣ်တဲ၀ဲလီၤ.
ref:mizzima
