လါယူၤ(၃)သီ, ၂၀၂၄နံၣ်
ကီၫ်ကရ့ၣ်နံၣ်ဟီၣ်က၀ီၤအပူၤ သုးကီၣ်ကးတပၤဟဲပညိၣ်ဒုး၀ဲတၫ်ဆါဟံၣ်တဖၣ်အဃိ လီၫ်က၀ီၤပူၤတၫ်ကဟုးကယၤတၫ်အိၣ်ဆူၣ်အိၣ်ချ့တပၤ ဘၣ်ကွၫ်ဆၢၣ်မဲာ်ဘၣ်ဒီးတၫ်ကီတၫ်ခဲအဂ့ၫ် တၫ်သ့ၣ်ညါဘၣ်န့ၣ်လီၤ.
ကီၫ်ကရ့ၣ်နံၣ်ဟီၣ်က၀ီၤပူၤ သုးကီၣ်ကးတပၤဟဲပညိၣ်ဒုး၀ဲ တၫ်ဆါဟံၣ်ဒီး တၫ်ဟ့ၣ်ကသံၣ်ဒၢးတဖၣ် ခဲအံၤခဲအံၤအဃိ တၫ်ကဟုးကယၤလီၫ်က၀ီၤ ကမျၢၫ်တၫ်အိၣ်ဆူၣ်အိၣ်ချ့တၫ်ဖံးတၫ်မၤတဖၣ်အပူၤ ဘၣ်ကွၫ်ဆၢၣ်မဲာ်ဘၣ်တၫ်တၤတၫ်ဒီး တၫ်ကီတၫ်ခဲအကလုာ်ကလုာ်လီၤအဂ့ၫ် ကသံၣ်သရၣ်တဂၤလၢတအဲၣ်ဒိးပာ်ဖျါအမံၤ လၢအဟ့ၣ်တၫ်အိၣ်ဆူၣ်အိၣ်ချ့တၫ်ကဟုးကယၤတဂၤတဲ၀ဲန့ၣ်လီၤ.
“ပကသုးလီၫ်သုးကျဲဆူတၫ်လီၫ်အသီတတီၤအဂီၫ် ဘၣ်ဟံးတၫ်ဆၢကတီၫ်အါးမ. တၫ်ဆါဟံၣ်ဟးဂီၤကွံာ်ဒီး နမ့ၫ်တဟ့ၣ် လီၫ်က၀ီၤကမျၢၫ်တဖၣ်လၢတၫ်အိၣ်ဆူၣ်အိၣ်ချ့တၫ်ကဟုးကယၤဘၣ်ဒီး တသ့စ့ၫ်ဘၣ်. တပၤန့ၣ်ဒ်သိးတၫ်ကဟ့ၣ်တၫ်ကဟုးကယၤအဂီၫ် ဘၣ်ဂုာ်ကျဲးစၢး၀ဲအသိး တပၤစ့ၫ်ကီးတၫ်ကသူၣ်ထီၣ်တၫ်ဆါဟံၣ်အသီအဂီၫ် ဘၣ်ပာ်ဃုာ်ပာ်ဂီၤလၢကျိာ်စ့မ့ၫ်ဂ့ၤ, နီၫ်ခိဂံၫ်ဘါမ့ၫ်ဂ့ၤ, ၀ံစိာ်တီဆှၢမ့ၫ်ဂ့ၤခဲလၢာ်န့ၣ် တၫ်ကီတၫ်ခဲဒိၣ်မးလီၤ. ဒ်န့ၣ်အသိး ကသံၣ်ကသီဒီး ကျိာ်စ့တလၢတပှဲၤဘၣ်အဃိ အၢထီၣ်အၢထီၣ်လီၤ.”
သုးဟံးန့ၫ်ဆူၣ်ထံကီၫ်တၫ်စိတၫ်ကမီၤ၀ံၤအလီၫ်ခံ ကီၫ်ကရ့ၣ်နံၣ်ဟီၣ်က၀ီၤပူၤ CDM ကသံၣ်သရၣ်ပာ်ဃုာ် တၫ်ပၢၫ်ဆၢဂံၫ်ဘါကရူၫ်တဖၣ် ပာ်ဖှိၣ်ထီၣ်သးဒီး ဒုးအိၣ်ဃာ်တၫ်ဆါဟံၣ်, တၫ်ဟ့ၣ်ကသံၣ်ဒၢး အိၣ်၀ဲတစှၤန့ၣ်(၁၃)ဖျၢၣ်အဂ့ၫ် ဟီၣ်ခိၣ်မဲာ်ဖံးခိၣ် ကသံၣ်သရၣ်တဂၤ လၢအဟ့ၣ်တၫ်အိၣ်ဆူၣ်အိၣ်ချ့ ကဟုးကယၤတဂၤ တဲ၀ဲန့ၣ်လီၤ.
တၫ်ဆါဟံၣ်(၁)ဖျၢၣ်န့ၣ် (၁)လါအတီၫ်ပူၤ တၫ်ကူစါယါဘါန့ၫ်၀ဲ ပှၤဆါအဂၤ(၃၀)တုၤ (၁၀၀)အဘၢၣ်စၢၤ၀ံၤ ပှၤဃ့ၫ်သုးပှၤလီၫ်အိၣ်ကမှံတဖၣ်ဒီး ဒူဖိသ၀ီဖိတဖၣ် ဘၣ်ဒိးသန့ထီၣ်အသးဒၣ်ထဲ တၫ်ဆါဟံၣ်တဖၣ်န့ၣ်လီၤ.
ref:voa
