လါယူၤ(၃)သီ, ၂၀၂၄နံၣ်
လၢတၫ်မုာ်တၫ်ခုၣ်အပူၤ တၫ်ကပာ်ဖှိၣ်ထီၣ်က့ၤသးဒီး ထဲၣ်၀ဲၣ်(ထိုင်ဝမ်)အဂီၫ် ထဲၣ်၀ဲၣ်ပှၤလၢအဲၣ်ဒိးထုးဖးအသး (ထိုင်၀မ်ခွဲထွက်ရေးသမား)ဒီး ကီၫ်ချၢဂံၫ်ဘါကရၢ(ပြည်ပအင်အားစု) အတၫ်မၤဟးဂီၤတဖၣ် တူၫ်ဘၣ်၀ဲအဂ့ၫ် တရူးတၫ်ဒီသဒၢကိတိာ် ဒီၣ်ကၠိၣ် (ဒေါင်ဂျွန်) တဲလီၤ၀ဲလီၤ.
လၢစ့ၣ်ကဖူၣ်(စင်ကာပူ) တၫ်မၤ၀ဲ အ့ရှၢၣ်တၫ်ဘံၣ်တၫ်ဘၢတၫ်ထံၣ်လိာ်တၢၣ်ပီၣ်တဲသကိး (အာရှလုံခြုံရေးဆွေးနွေးပွဲ)အပူၤ တရူးတၫ်ဒီသဒၢကိတိာ် တဲဖျါထီၣ်၀ဲဒ်သိးအံၤ၀ံၤ ထဲၣ်၀ဲၣ်တၫ်ထုးဖးသး (ထိုင်ဝမ်ခွဲထွက်ရေး) တူၫ်လိာ်၀ဲတသ့လ့ၤတက့ၤဘၣ်အဂ့ၫ် တဲ၀ဲလီၤ.
တၫ်ကတြီဃာ် ထဲၣ်၀ဲၣ်တၫ်သဘျ့အဂီၫ် ပဟံးန့ၫ်ဂ့ၫ်၀ီ တုၤလီၤတီၤလီၤ၀ံၤ တၫ်ကူၣ်ထီၣ်ဖးလီၤဒ်သိးအံၤ တမ့ၫ်လၢကကဲထီၣ်လိာ်ထီၣ်ဘၣ်အဂ့ၫ် တရူးတၫ်ဒီသဒၢကိတိာ် တဲ၀ဲလီၤ.
ထဲၣ်၀ဲၣ်ဂ့ၫ်၀ီ(ထိုင်၀မ်အရေး)န့ၣ် လၢတရူးကီၫ်(တရုတ်နိုင်ငံ)အဂီၫ် ကဲထီၣ်တၫ်ဂ့ၫ်ကီဖးဒိၣ်ဘၣ်ဆၣ် လၢကတီၫ်အံၤ ထဲၣ်၀ဲၣ် ပှၤန့ၫ်စိန့ၫ်ကမီၤ ဒံၣ်မိၣ်ကရဲးတံးတၫ်လဲၤထီၣ်လဲၤထီပၣ်တံၣ်(ဒီမိုကရက်တစ်တိုးတက်ရေးပါတီ)တခီ ဒုးအိၣ်ထီၣ်၀ဲ တၫ်ထုးဖးသး အမိၫ်လံၤမိၫ်ပှၫ်ကယီကယီ၀ံၤ ဂုၫ်ကျဲးစၢး၀ဲဒ်သိးကမၤဟးဂီၤ တရူး(တရုတ်) လုၫ်လၫ်, ထူသနူတၫ်ဆဲးတၫ်လၤအဂီၫ်အဂ့ၫ် တရူးတၫ်ဒီသဒၢကိတိာ် တဲ၀ဲလီၤ.
တရူး(တရုတ်)န့ၣ် တဲ၀ဲဒၣ်လၢ ပၢ၀ဲ ထဲၣ်၀ဲၣ်ကီးလၢအိၣ်ဒီး နီၣ်ကစၫ်တၫ်စံၣ်ညီၣ်ပၢလီၤသး (ကိုယ်ပိုင်အုပ်ချုပ်ခွင့်ရ ထိုင်ဝမ်ကျွန်း)အံၤ၀ံၤ ထဲၣ်၀ဲၣ်ကီၫ်ခိၣ်(ထိုင်၀မ်သမ္မ) လဲၣ်ကၠ့တံၣ် (လိုင်ကျင်းတီ)လၢထံၣ်၀ဲဒ် ပှၤထုးဖးအသး ကဲထီၣ် ကီၫ်ခိၣ်၀ံၤအလီၫ်ခံ လၢကီး(ကျွန်း)အကပၤ မၤသုးဂ့ၫ်၀ီတၫ်ဂဲၤလိ ဒိၣ်ဒိၣ်မုာ်မုာ်န့ၣ်လီၤ.
တရူးန့ၣ် လၢတၫ်ကပာ်ဖှိၣ်ထီၣ်လိာ်က့ၤသးဒီး ထဲၣ်၀ဲၣ်လၢတၫ်မုာ်တၫ်ခုၣ်ပူၤအဂီၫ် အိၣ်ဒီးတၫ်အၢၣ်လီၤဘၣ်ဆၣ် ကီၫ်ချၢဂံၫ်ဘါကရၢဒီး ပှၤလၢထုးဖးအသးတဖၣ်အဃိ တၫ်အိၣ်သးဘၣ်နးထီၣ်၀ဲအဂ့ၫ် တရူးတၫ်ဒီသဒၢကိတိာ် တဲ၀ဲလီၤ.
ref:cna
