လါမ့ၤ(၂၉)သီ, ၂၀၂၄နံၣ်
သိၣ်မှံၤထံကီၫ်တဖၣ် ကဟ့ၣ်ကီၫ်ယူၣ်ကရ့တၫ်ပျဲလၢ ကခးကီၫ်ရၢရှၢၣ်ပူၤ တၫ်ပညိၣ်လီၫ်တဖၣ် ခီဖျိလၢ တၫ်စုက၀ဲၤလၢ ကီၫ်မုၫ်နုာ် ထုးထီၣ်တဖၣ်အဂီၫ် (NATO)ကရၢ နွဲၣ်ရွဲၣ်ခိၣ်ကျၢၫ် ကၠါစတိၣ်တၣ်ဘး အတၫ်ကတိၤန့ၣ် ရၢရှၢၣ်ကီၫ်ခိၣ်၀ဲၤဒၢး ထီဒါ၀ဲ၀ံၤ တဲ၀ဲလၢ (NATO)ကရၢအံၤ ဘၣ်သဂၢၫ်လိာ်သး ဒီးရၢရှၢၣ်လံန့ၣ်လီၤ.
NATO ကရၢထံကီၫ်လၢ ဆီၣ်ထွဲမၤစၢၤ ယူၣ်ကရ့တဖၣ် လၢတၫ်ခးတၫ်ပညိၣ်လီၫ် လၢကီၫ်ရၢရှၢၣ်ပူၤ အတၫ်တြီဃာ်ယူၣ်ကရ့တဖၣ် ကြၢးပတုာ်ကွံာ်လံအဂ့ၫ် စတိၣ်တၣ်ဘဲး တဲ၀ဲလီၤ. ဘၣ်ထွဲဒီးစတိၣ်တၣ်ဘဲး အတၫ်တဲအဖီခိၣ် ရၢရှၢၣ်ကီၫ်ခိၣ်၀ဲၤဒၢး ပှၤတဲတၫ်ပၢ ဒံၣ်မံၣ်ထရံၣ်ပဲးကီး (ဒီမီထရီ ပက်ရှ်ကော့ဗ်) တဲ၀ဲလၢ (NATO)ကရၢ မၤဆူၣ်ထီၣ်တၫ်သဘံၣ်သဘုၣ်တဖၣ်လီၤ. ဘၣ်ထွဲဒီးယူၣ်ကရ့ဂ့ၫ်၀ီ ဟီၣ်ခိၣ်တၫ်ဒုးကဲထီၣ်သ့၀ံၤ ရၢရှၢၣ်ဒီး NATOကရၢ အဘၢၣ်စၢၤ တၫ်သဘံၣ်သဘုၣ်မ့ၫ်အိၣ်ထီၣ်န့ၣ် ဟီၣ်ခိၣ်တၫ်ဒုးဖးဒိၣ်သၢဘျီတဘျီ ကကဲထီၣ်၀ဲအဂ့ၫ် ရၢရှၢၣ်ကီၫ်ခိၣ်ပူၣ်တ့ၣ် တဲဟ့ၣ်ပလီၫ်ကီၫ်မုၫ်နုာ်တဖၣ်လီၤ.
ယူၣ်ကရ့အတၫ်ခး၀ဲ ကမျၢၫ်အိၣ်တၫ်လီၫ်ဒီး နူကလံယါတၫ်သူၣ်ထီၣ်ပာ်ဃုာ် တုၤလၢကီၫ်ရၢရှၢၣ်အကိပူၤန့ၣ် မ့ၫ်တၫ်မၤဆူၣ်ထီၣ် တၫ်သဘံၣ်သဘုၣ်အသဟီၣ်အဂ့ၫ် ရၢရှၢၣ်ပှၤဘၣ်မူဘၣ်ဒါတဖၣ်တဲ၀ဲလီၤ.
ရၢရှၢၣ် အတၫ်နုာ်လီၤဒုးန့ၫ်ဆူၣ် ကီၫ်ယူၣ်ကရ့အဃိ ဖဲ၁၉၆၂နံၣ် ကၠူဘါ(ကျူးဘား) မျိာ်သၣ်တၫ်ဂ့ၫ်၀ံၤအလီၫ်ခံ ရၢရှၢၣ်ဒီး ကီၫ်မုၫ်နုာ်တဖၣ်အဘၢၣ်စၢၤ တၫ်ရ့လိာ်ဘၣ်ထွဲ တၫ်အိၣ်သးတဖၣ် တုၤလၢအအၢကတၢၫ်န့ၣ်လီၤ. ကီၫ်ရၢရှၢၣ်ပူၤ တၫ်ပနီၣ်လီၫ်တဖၣ် တၫ်ကခးလၢ တၫ်စုက၀ဲၤလၢကီၫ်မုၫ်နုာ် ဆီၣ်ထွဲမၤစၢၤတဖၣ်န့ၣ် ကီၫ်အမဲရကၤ တဟ့ၣ်ဂံၫ်ဟ့ၣ်ဘါ၀ဲဘၣ်အဂ့ၫ် တဲဃာ်၀ဲတလီၫ်လီၫ်လီၤ.
ref:Reuters
