လါမ့ၤ(၂၃)သီ, ၂၀၂၄နံၣ်
ဒ်သိးဒီးတၫ်ခးလိနူကလံယါ တၫ်စုက၀ဲၤတဖၣ်အသိး သုးဂ့ၫ်၀ီတၫ်ဂဲၤလိ စးထီၣ်မၤ၀ဲလံအဂ့ၫ် ရၢရှၢၣ်တၫ်ဒီသဒၢ၀ဲၤ ကျိၤ(ရုရှားကာကွယ်ရေးဝန်ကြီးဌာန) ဘိးဘၣ်ပာ်ဖျါ၀ဲလီၤ. ရၢရှၢၣ်(ရုရှား)သုးတကပၤ တဲဃာ်၀ဲလၢ ဒ်သိးကတြီဆၢ မုၫ်နုာ်ထံကီၫ်(အနောက်အုပ်စုနိုင်ငံ)တဖၣ် အတၫ်မၤပျံၤမၤဖုးအဂီၫ် မၤ၀ဲလီၤ၀ံၤ အဆိကတၢၫ်တပတီၫ် တၫ်ဂဲၤလိသး တၫ်ဂီၤမူစ့ၫ်ကီး ပာ်ဖျါ၀ဲလီၤ.
သုးဂ့ၫ်၀ီတၫ်ဂဲၤလိန့ၣ် ဘၣ်တၫ်မၤ၀ဲဖဲ ရၢရှၢၣ်တၫ်ပၢအဖီလာ် လၢပာ်ဃုာ်ဒီး ယူၣ်ကရ့(ယူကရိန်း)တၫ်လီၫ် ကီၫ်ဆၢဟီၣ်က၀ီၤ လၢအမ့ၫ် ကလံၤစိးသုး၀ဲၤလီၫ်ခိၣ်သ့ၣ်ဟီၣ်က၀ီၤ(တောင်ပိုင်းစစ်ဌာနချုပ်နယ်မြေ)ပူၤအဂ့ၫ် ရၢရှၢၣ်တၫ်ဒီသဒၢ၀ဲၤကျိၤ(ရုရှားကာကွယ်ရေးဝန်ကြီးဌာန) တဲ၀ဲလီၤ.
တၫ်ဂဲၤလိအပူၤ ခးလိ၀ဲ Iskander တၫ်ဒ့စၢၤဘူးမျိာ်သၣ်(တာတိုပစ်ဒုံးကျည်)တဖၣ် ပာ်ဃုာ်အသိး, Kinzhal ဟဲၣ်ပၣ် ဆိနံးမျိာ်သၣ် (ဟိုက်ပါ ဆိုးနစ်ဒုံးကျည်) လၢချ့န့ၫ်ဒံးတၫ်ကလုၫ်တဖၣ်ဒီး ထီထီၣ်တၫ်စုက၀ဲၤ လၢပာ်ဃုာ်ဒီး နူကလံယါတဖၣ်စ့ၫ်ကီး ဂဲၤလိ၀ဲအဂ့ၫ် တဲ၀ဲလီၤ.
တၫ်ကမၤတၫ်ဂဲၤလိလၢအကတီၫ်(၃)ပတီၫ်အဂီၫ် ကီၫ်ခိၣ်ပူၣ်တ့ၣ်(သမ္မတပူတင်) ဟ့ၣ်လီၤဃာ်တၫ်ကလုၫ်၀ံၤ ခံပတီၫ် တပတီၫ်တခီ သိၣ်မှံၤထံကီၫ် ဘဲလရူး(မဟာမိတ် ဘီလာရုစ်နိုင်ငံ)စ့ၫ်ကီး ကွဲမုာ်ဃာ်၀ဲလီၤ. လၢကီၫ်ဘဲလရူး(ဘီလာရုစ်)ပူၤ ရၢရှၢၣ်(ရုရှား) အနူကလံယါတၫ်စုက၀ဲၤတနီၤ ဘၣ်တၫ်ဆီလီၤပာ်လီၤဃာ်၀ဲလီၤ.
တၫ်မၤနူကလံယါသုးဂ့ၫ်၀ီတၫ်ဂဲၤလိအံၤ မ့ၫ်တၫ်ပညိၣ်ဟ့ၣ်ပလီၫ်၀ဲ မုၫ်နုာ်ထံကီၫ်(အနောက်အုပ်စုနိုင်ငံ)တဖၣ်ဒီး ယူၣ်ကရ့ပဒိၣ်(ယူကရိန်းအစိုးရ)တဖၣ်လီၤအဂ့ၫ် ရၢရှၢၣ်တၫ်ဒီသဒၢ၀ဲၤကျိၤ ဘိးဘၣ်ရၤလီၤဃာ်၀ဲလီၤ.
ref:vom
