လါမ့ၤ(၂၂)သီ, ၂၀၂၄နံၣ်
ပှၤသးစၫ်လၢအိၣ်ဖဲ ကီၫ်ကၠီၣ်တဲၣ်ကီၫ်ဆၢ ပှၤဘၣ်ကီဘၣ်ခဲဒဲက၀ီၤအပူၤတဖၣ် GED – General Education Development Test တၫ်ဒိးစဲးအဂီၫ် သူ၀ဲ (UNHCR Card)၀ံၤ ဒိးစဲး၀ဲသ့အဂ့ၫ် တၫ်သ့ၣ်ညါဘၣ်န့ၣ်လီၤ.
တကးဒံးဘၣ် ပှၤသးစၫ်လၢအိၣ်ဖဲ ပှၤဘၣ်ကီဘၣ်ခဲဒဲက၀ီၤပူၤတဖၣ်သူ၀ဲ UN ဒီး တၫ်ကဒိးစဲး တၫ်ဒိးစဲးကန့ၫ်ကသ့အဂီၫ် သပၠ့ၣ်တၫ်ကူၣ်ဘၣ်ကူၣ်သ့လီၫ်ခၢၣ်သး(သပြေပညာရေးစင်တာ)လၢ အိၣ်ဆီလီၤသးဖဲ ကီၫ်ကၠီၣ်တဲၣ်, ၀့ၫ်မဲဆီး ဆီၣ်ထွဲမၤစၢၤ၀ဲအဂ့ၫ် တၫ်သ့ၣ်ညါဘၣ်န့ၣ်လီၤ.
UN Card လၢဒ်သိးဒီး UNHCR လံာ်အုၣ်သးအံၤ ပှၤလၢအိၣ်ဖဲပှၤဘၣ်ကီဘၣ်ခဲအဂီၫ် ကဒိးန့ၫ်ဘၣ်ဂံၫ်ခီၣ်ထံးတၫ်ကူၣ်ဘၣ်ကူၣ်သ့(အခြေခံပညာရေး)ဒီး တၫ်အိၣ်ဆူၣ်အိၣ်ချ့တၫ်ကဟုကယာ်(ကျန်းမားရေးစောင့်ရှောက်မှု)တဖၣ်၀ံၤ တၫ်ကတီၣ်ထီၣ်ဆူထံကီၫ်သၢဘ့ၣ်တဘ့ၣ်အဂီၫ်စ့ၫ်ကီး တၫ်ခွဲးတၫ်ယာ်အိၣ်၀ဲန့ၣ်လီၤ.
မ့မ့ၫ်ကတီၫ်ခဲအံၤ ဘီမုၫ်စၢဖှိၣ်ကရၢဘၣ်ထွဲပှၤဘၣ်ကီဘၣ်ခဲ၀ဲၤဒၢးခိၣ်ကျၢၫ်(ဒုက္ခသည်များဆိုင်ရာ မဟာမင်းကြီးများရုံး)တခီ ပှၤသးစၫ်လၢအိၣ်ဖဲဒဲက၀ီၤပူၤတဖၣ် တၫ်ကဒိးန့ၫ်ဘၣ်ခွဲးယာ်လၢ GED တၫ်ဒိးစဲးအဂီၫ် UN Card အံၤ တၫ်သူအီၤသ့ဒ်သိးလံာ်အုၣ်ကီၤတခါအသိးအဂ့ၫ် ဆၣ်သူလ့ၤကၠိပှၤဘၣ်မူဘၣ်ဒါတဂၤ တဲ၀ဲန့ၣ်လီၤ.
ကၠီၣ်တဲၣ်ကီၫ်ဆၢ တၫ်ကူၣ်ဘၣ်ကူၣ်သ့အတ၀ၢပူၤတခီ တၫ်သူ UNHCR Card ဒီး တၫ်ကဒိးစဲးန့ၫ်ဘၣ် GED န့ၣ် ထဲဒၣ်သပၠ့ၣ်တၫ်ကူၣ်ဘၣ်ကူၣ်သ့လီၫ်ခၢၣ်သးတခါဧိၤ တူၫ်လိာ်၀ဲန့ၣ်လီၤ.
တၫ်အိၣ်သးဒ်အံၤတဖၣ်န့ၣ် ပှၤသးစၫ်လၢအိၣ်ဖဲ ကီၫ်ကၠီၣ်တဲၣ်ပူၤ စဲၤသွဲၣ်(၃)စဲၤသွဲၣ်အိၣ် ပှၤဘၣ်ကီဘၣ်ခဲဒဲက၀ီၤအတ၀ၢအပူၤတဖၣ် တၫ်အိးထီၣ်န့ၫ်တၫ်ခွဲးတၫ်ယာ်ကျဲလီၤအဂ့ၫ် ဆၣ်သူလ့ၤကၠိပှၤဘၣ်မူဘၣ်ဒါတဂၤ တဲအါထီၣ်၀ဲန့ၣ်လီၤ.
အမဲရကၤတီၤထီကၠိလံာ်အုၣ်သး(အမေရိကန်အထက်တန်းအောင်လက်မှတ်) လၢတၫ်သ့ၣ်ညါဃာ်အီၤ ဒ်သိးဒီး GED တၫ်ဒိးစဲးအံၤ ကၠီၣ်တဲၣ်ကီၫ်ဆၢ, ၀့ၫ်မဲဆီးခီကီၫ်ပှၤကၠိဖိတဖၣ်တကးဘၣ် ပှၤကၠိဖိလၢအိၣ်ဖဲပှၤဘၣ်ကီဘၣ်ခဲဒဲက၀ီၤပူၤတဖၣ် တၫ်ကဒိးန့ၫ်ဘၣ်ပတီၫ်ထီတၫ်ကူၣ်ဘၣ်ကူၣ်သ့(အဆင့်မြင့်ပညာရေး)အဂီၫ် တၫ်ဃုထၢအီၤဒ် ဂံၫ်ခီၣ်ထံးခွဲးယာ်ခီၣ်ခါတခါအသိးန့ၣ်လီၤ.
ref:borderecho
