လါမ့ၤ(၂၂)သီ, ၂၀၂၄နံၣ်
ကီၫ်စဲၣ်ရခၢၣ်, ကီၫ်ဆၣ်သၣ်တွဲ(သံတွဲမြို့နယ်), ရွှ့ၣ်လ့ၣ်(ရွှေလှေ)ဒီး လ့သံၣ်(လင်းသီ)သ၀ီတၫ်ဒုးပူၤ သုးကီၣ်ကးအသုးဖိဘၣ်သံ(၃၀)ဂၤ၀ံၤ ဃ့ၫ်ပူၤဖျဲးအသးအါမးန့ၣ်လီၤ.
အပူၤကွံာ် လါမ့ၤ(၁၈)သီ, ဂီၤ(၅)နၣ်ရံၣ်အကတီၫ်, သၣ်တွဲ(သံတွဲ) – တီၣ်ကိး(တောင်ကုတ်)ကျဲမုၫ် သူၣ်ထ့ခၠီ(သူဌေး ချောင်း)အကပၤ, ရွှ့ၣ်လ့ၣ်(ရွှေလှေ)ဒီး လ့သံၣ်(လင်းသီ)သ၀ီတဖၣ်ပူၤ သုးကီၣ်ကးအသုးဒီး AA အဘၢၣ်စၢၤ တၫ်ဒုးကဲထီၣ်၀ံၤ တၫ်ဒုးပူၤ သုးကီၣ်ကးအသုးဖိ ဘၣ်သံအါမးလီၤ.
တၫ်မၤန့ၫ်စ့ၫ်ကီး သုးကီၣ်ကးအသုးဖိ တၫ်စုက၀ဲ(၄၅)ခိၣ် ,ကျိချံပှာ်သၣ်ဒီး သုးတၫ်ပီးတၫ်လီတဖၣ်လီၤ. မ့ၫ်လၢသုးကီၣ် ကး အသုးဖိတဖၣ်ဃ့ၫ်ဖျိးနါစိၤဃုာ်ဒီးတၫ်စုက၀ဲၤတဖၣ်အဃိ ကမျၢၫ်တဖၣ် ကပလီၫ်ဘၣ်အသးန့ၣ်လီၤ.
သုးကီၣ်ကးအသုးခးနါစိၤတၫ်အဃိ ကီၫ်ဆၣ်သၣ်တွဲပူၤ ကမျၢၫ်ဘၣ်သံတစှၤန့ၫ် (၂၅)ဂၤ၀ံၤ ဘၣ်ဒိတစှၤန့ၫ်(၁၅)ဂၤ အသိး လီၫ်က၀ီၤကမျၢၫ်(၂)ကလးဂၤဃၣ်ဃၣ် ဘၣ်ဃ့ၫ်ပူၤဖျဲးသးန့ၣ်လီၤ.
ref:westernnews
