လါမ့ၤ(၂၀)သီ, ၂၀၂၄နံၣ်
Helicopter ကဘီယူၤလၢ အံၣ်ရၣ်(အီရန်)ကီၫ်ခိၣ်ဒီး ပတီၫ်ထီခိၣ်နၫ်အဂၤတဖၣ် ဟဲဒိးပိာ်၀ဲအခံတဖၣ် လဲၤလီၤတဲာ်၀ဲဖဲထံကီၫ်မုၫ်နုာ်ကလံၤစိးတကပၤ(အနောက်မြောက်ပိုင်း)အပူၤ ဖဲမုၫ်အိၣ်ဘှံးနံၤန့ၣ် ဘၣ်တၫ်လူၤဃု၀ဲအဂ့ၫ် အံၣ်ရၣ်ပှၤဘၣ်မူဘၣ်ဒါတဖၣ်တဲ၀ဲလီၤ.
ဖဲလါမ့ၤ(၁၉)သီ, မုၫ်အိၣ်ဘှံးနံၤဂီၤခီအကတီၫ် လၢကီၫ်အံၣ်ရၣ်(အီရန်), မုၫ်ထီၣ်အစၣ်ဘဲၣ်ကၠၣ်ကီၫ်ဆၣ်(အရှေ့အဇာဘိုင်ဂျန်ပြည်နယ်)ပူၤ မူခိၣ်ကလံၤသီၣ်ဂီၤ(ရာသီဥတု) တၫ်အိၣ်သးအၢ၀ဲအဃိ Helicopter ကဘီယူၤ ဘၣ်လီၤတဲာ်ကွံာ်၀ဲအဂ့ၫ် အံၣ်ရၣ်ပဒိၣ်(အီရန်အစိုးရ) တဲဘၣ်တၫ်ကစီၣ်သန့တဖၣ်န့ၣ်လီၤ. Helicopter ကဘီယူၤပူၤ ကီၫ်ခိၣ်(သမ္မတ) Raisi, ထံဂုၤကီၫ်ဂၤကိတိာ်(နိုင်ငံခြားရေးဝန်ကြီး) Hossein Amir-Abdollahianဒီး ပတီၫ်ထီခိၣ်နၫ်အဂၤ(၂)ဂၤ ဟဲဒိးပိာ်၀ဲအခံအဂ့ၫ် တဲ၀ဲလီၤ.
ထံကီၫ်ခံဘ့ၣ်ကီၫ်ဆၢ တၫ်အိးထီၣ်ထံတမၢၣ်တၫ်တိာ်ကျဲၤမူး(ရေကာတာစီမံကိန်းဖွင့်ပွဲ)အဂီၫ် လဲၤထံၣ်လိာ်သးဒီး အစၣ်ဘဲၣ်ကၠၣ်ကီၫ်ခိၣ်(အဇာဘိုင်ဂျန်သမ္မတ) Ilham Aliyev ၀ံၤအလီၫ်ခံ ဖဲဟဲက့ၤအကတီၫ် လီၤတဲာ်၀ဲဒၣ်ဖဲ ထံကီၫ်ခံဘ့ၣ် ကီၫ်ဆၢအကပၤန့ၣ်လီၤ. ကီၫ်ခိၣ် Raisi ကလဲၤဆူကီၫ်ဆၢ လၢတၫ်အိးထီၣ်ထံတမၢၣ်တၫ်တိာ်ကျဲၤအမူးအဂီၫ် အံၣ်ရၣ်ပဒိၣ် ဘိးဘၣ်ရၤလီၤဃာ်၀ဲဖဲလါမ့ၤ (၁၈)သီနံၤန့ၣ်လီၤ.
Helicopter ကဘီယူၤ လီၤတဲာ်တၫ်ကစီၣ်အဖီခိၣ် သူၣ်ကိၫ်သးဂီၤတၫ်ဒိၣ်မးအဂ့ၫ် အစၣ်ဘဲၣ်ကၠၣ်ကီၣ်ခိၣ် Ilham Aliyev ကွဲးဖျါဃာ်၀ဲလၢအ “X” ပှၤတ၀ၢပှာ်ဘျးစဲ(လူမှုကွန်ယက်)ပူၤန့ၣ်လီၤ. ဃ့ထုကဖၣ်န့ၫ်၀ဲတၫ်လၢအဂီၫ်အသိး တၫ်မ့ၫ်လိၣ်ဘၣ်တၫ်မၤစၢၤစ့ၫ်ကီး ကမၤစၢၤ၀ဲအိၣ်န့ၣ်လီၤ. Helicopter ကဘီယူၤလီၤတဲာ်အလီၫ် တၫ်ကသွံတဖၣ်လီၤဒီး တၫ်တထံၣ်ဘၣ်တၫ်ဂ့ၤဂ့ၤဘၣ်အဃိ ပှၤလၢလဲၤဃုတၫ်တဖၣ် ဘၣ်လဲၤ၀ဲလၢအခီၣ်အဂ့ၫ် အံၣ်ရၣ်တၫ်ကစီၣ်သန့တဖၣ် ပာ်ဖျါ၀ဲလီၤ.
ref:voa
