လါမ့ၤ(၁၇)သီ, ၂၀၂၄နံၣ်
ရၢရှၢၣ်ကီၫ်ခိၣ်(ရုရှားသမ္မတ) ပူၣ်တ့ၣ် ကထံၣ်လိာ်သးဒီး တရူးကီၫ်ခိၣ် ရှံၣ်ကၠ့ ပ့ၣ် (တရုတ်သမ္မတရှီကျင်းပင်)အဂီၫ် လဲၤတုၤဆူ တရူး၀့ၫ်ခိၣ်ပ့ၣ်ကၠ့ (တရုတ်နိုင်ငံမြို့တော်ပေကျင်း ) န့ၣ်လီၤ. ဘၣ်ထွဲဒီးကၣ်စၣ်တၫ်ဒုး(ဂါဇာစစ်ပွဲ) ထံကီၫ်ခံဘ့ၣ် ကဃုအစၢအဂီၫ် ဖဲရၢရှၢၣ်ကီၫ်ခိၣ် ပူၣ်တ့ၣ် တဲဆီၣ်တခူထီၣ်အကတီၫ် တရူးကီၫ်ခိၣ် ရှံၣ်ကၠ့ပ့ၣ်စ့ၫ်ကီး ယူၣ်ကရ့တၫ်ဒုး(ယူကရိန်းစစ်ပွဲ)အဖီခိၣ် ဖဲအဲၣ်ဒိးဃု၀ဲ ထံရူၫ်ကီၫ်သဲးအစၢတဖၣ်အကတီၫ် အ၀ဲသ့ၣ်ခံဂၤ ကထံၣ်လိာ်တၢၣ်ပီၣ်တဲသကိးတၫ်န့ၣ်လီၤ.
တၫ်အံၤ ရၢရှၢၣ်ကီၫ်ခိၣ်တၫ်ဃုထၢ(ရုရှားသမ္မတရွေးကောက်ပွဲ)၀ံၤအလီၫ်ခံ ပူၣ်တ့ၣ်ဟံးထီၣ်မူဒါ ဒ်(၅)၀ီတ၀ီကီၫ်ခိၣ် အကတီၫ် ဆိၣ်တၫ်အၢၣ်လီၤ၀ံၤအလီၫ်ခံ မ့ၫ်တၫ်အဆိကတၢၫ်တဘျီလၢ တၫ်လဲၤဆူထံဂုၤကီၫ်ဂၤန့ၣ်လီၤ. ရၢရှၢၣ်နုာ်လီၤဒုးန့ၫ်ဆူၣ်ယူၣ်ကရ့ (ယူကရိန်း) ယံာ်(၂)နံၣ် ဘျဲၣ်အတီၫ်ပူၤ ဖဲတၫ်ဒုးကဲထီၣ် တပယူာ်ဃီအဖၢမုၫ် တနံၣ်ဘျဲၣ်အတီၫ်ပူၤ မ့ၫ်ကီၫ်ခိၣ်ခံဂၤ (၃)ဘျီတဘျီ အတၫ်ထံၣ်လိာ်သးန့ၣ်လီၤ.
ရၢရှၢၣ်သုးဂ့ၫ်၀ီတကပၤ ဒ်သိးအဂံၫ်ကလီၤစၫ်အဂီၫ် အမဲရကၤဒီး မုၫ်နုာ်သိၣ်မှံၤ(အနောက်မဟာမိတ်)တဖၣ် ပညိၣ်ကးတံာ်ကွံာ်မုာ်ကျိၤ၀ဲၤကွာ်(စီးပွါးရေး) ဟံးန့ၫ်ဂ့ၫ်၀ီ(အရေးယူပိတ်ဆို့မှု)အဃိ ရၢရှၢၣ်လၢဘၣ်ကွၫ်ဆၢၣ်မဲာ်တၫ်အဂီၫ်တခီ တရူးကီၫ်န့ၣ် မ့ၫ်အသိၣ်မှံၤလၢ အရ့ဒိၣ်၀ဲန့ၣ်လီၤ. အ၀ဲသ့ၣ်ခံဂၤ အတၫ်ထံၣ်လိာ်တၢၣ်ပီၣ်တဲသကိးတၫ်တဘျီအံၤ ယူၣ်ကရ့ဂ့ၫ်၀ီ(ယူကရိန်းအရေး), ကၣ်စၣ်တၫ်ဒုး (ဂါဇာစစ်ပွဲ)ဒီး ထံဂုၤကီၫ်ဂၤဂ့ၫ်၀ီတကးဘၣ် လီၫ်က၀ီၤပူၤတၫ်ဂ့ၫ်တဖၣ်(ဒေသတွင်းကိစ္စ)စ့ၫ်ကီး ကတၢၣ်ပီၣ် တဲသကိး၀ဲ ကဒဲကဒဲအိၣ်၀ဲန့ၣ်လီၤ.
ref:vom
