ဃိၣ်ပူၤ တၫ်ကီၤ၀ံၤတၫ်အီၣ်ပာ်ဖျါထီၣ်တၫ်ဘၣ်သး(ထောင်တွင်းအစာငတ်ခံဆန္ဒပြ) တၫ်သံတၫ်ပှၫ်တၫ်ဂ့ၫ် တၫ်ကသမံသမိးဘၣ်အဂီၫ် ကၠီၣ်တဲၣ်ကိတိာ်ခိၣ်ကျၢၣ်နဲၣ်လီၤ

လါမ့ၤ(၁၆)သီ, ၂၀၂၄နံၣ်

ကီၫ်ကၠီၣ်တဲၣ်ပူၤ ပိာ်မုၣ်သးစၫ်လၢ သူၣ်ဆူၣ်သးဂဲၤတဂၤ လၢဃိၣ်ပူၤ ကီၤ၀ံၤတၫ်အီၣ် ပာ်ဖျါထီၣ်တၫ်ဘၣ် သး(အကျဉ်းထောင်အတွင်း အစာငတ်ခံဆန္ဒပြ) ဒီးသံ၀ဲအဖီခိၣ် တၫ်ကသမံသမိး၀ဲအဂ့ၫ် ကၠီၣ်တဲၣ်ကိတိာ်ခိၣ်ကျၢၫ် Srettha Thavisin တဲလီၤ၀ဲ ဖဲမဟါတနံၤန့ၣ်လီၤ .ကိတိာ်ခိၣ်ကျၢၫ်န့ၣ် တဲဘၣ်၀ဲဒၣ် ပှၤလၢဘၣ်သံအဟံၣ်ဖိဃီဖိတဖၣ်လၢ သူၣ်အုးသးအုးအဂ့ၫ်၀ံၤ တၫ်မၤအသးဒ်သိးအံၤ ဟံၣ်ဖိခီဖိနီတဒူၣ်မး တသးလီ၀ဲဘၣ်အဂ့ၫ်တဲ၀ဲလီၤ.

သးနံၣ်(၂၈)နံၣ်အိၣ် “Bung”(ကိး) Netiporn သံ၀ံၤအလီၫ်ခံ ဘၣ်ထွဲဒီး ကီၫ်ကၠီၣ်တဲၣ်အတၫ်စံၣ်ညီၣ်ပီတ့သနူ (ထိုင်းနိုင်ငံ တရားစီရင်ရေးစနစ်)စ့ၫ်ကီး လၢပှၤအါဂၤအကျါ ကဲထီၣ်တၫ်ဂ့ၫ်လိာ်ဘှီလိာ် လၢတၫ်ကဘၣ်တၢၣ်ပီၣ်တဲသကိး န့ၣ်လီၤ. Netiporn န့ၣ် ခီဖျိလၢဟးထၢကမျၢၫ်အတၫ်ထံၣ်လၢ စီၤပၤအဟံၣ်ဖိဃီဖိ(တော်ဝင်မိသားစု) အဖီခိၣ် လၢပှၤအါဂၤဟးထီၣ်က့ၤလီၤအလီၫ်အဃိ တၫ်ဟံးန့ၫ်အီၤဂ့ၫ်၀ီ ခီဖျိလၢမၤလီၤစီၤပၤဟံၣ်ဖိဃီဖိ(တော်ဝင်မိသားစု) သုးသ့ၣ်လၤကပီၤ(အကြည်ညိုဖျက်မှု) န့ၣ်လီၤ.

ဃိၣ်ပူၤ တၫ်ကီၤ၀ံၤတၫ်အီၣ်ပာ်ဖျါထီၣ်တၫ်ဘၣ်သး(ထောင်တွင်းအစာငတ်ခံဆန္ဒပြ) တၫ်သံတၫ်ပှၫ်တၫ်ဂ့ၫ် တၫ်ကသမံသမိးဘၣ်အဂီၫ် ကၠီၣ်တဲၣ်ကိတိာ်ခိၣ်ကျၢၣ်နဲၣ်လီၤ