လါမ့ၤ(၁၆)သီ, ၂၀၂၄နံၣ်
ကီၫ်ကၠီၣ်တဲၣ်ပူၤ ပိာ်မုၣ်သးစၫ်လၢ သူၣ်ဆူၣ်သးဂဲၤတဂၤ လၢဃိၣ်ပူၤ ကီၤ၀ံၤတၫ်အီၣ် ပာ်ဖျါထီၣ်တၫ်ဘၣ် သး(အကျဉ်းထောင်အတွင်း အစာငတ်ခံဆန္ဒပြ) ဒီးသံ၀ဲအဖီခိၣ် တၫ်ကသမံသမိး၀ဲအဂ့ၫ် ကၠီၣ်တဲၣ်ကိတိာ်ခိၣ်ကျၢၫ် Srettha Thavisin တဲလီၤ၀ဲ ဖဲမဟါတနံၤန့ၣ်လီၤ .ကိတိာ်ခိၣ်ကျၢၫ်န့ၣ် တဲဘၣ်၀ဲဒၣ် ပှၤလၢဘၣ်သံအဟံၣ်ဖိဃီဖိတဖၣ်လၢ သူၣ်အုးသးအုးအဂ့ၫ်၀ံၤ တၫ်မၤအသးဒ်သိးအံၤ ဟံၣ်ဖိခီဖိနီတဒူၣ်မး တသးလီ၀ဲဘၣ်အဂ့ၫ်တဲ၀ဲလီၤ.
သးနံၣ်(၂၈)နံၣ်အိၣ် “Bung”(ကိး) Netiporn သံ၀ံၤအလီၫ်ခံ ဘၣ်ထွဲဒီး ကီၫ်ကၠီၣ်တဲၣ်အတၫ်စံၣ်ညီၣ်ပီတ့သနူ (ထိုင်းနိုင်ငံ တရားစီရင်ရေးစနစ်)စ့ၫ်ကီး လၢပှၤအါဂၤအကျါ ကဲထီၣ်တၫ်ဂ့ၫ်လိာ်ဘှီလိာ် လၢတၫ်ကဘၣ်တၢၣ်ပီၣ်တဲသကိး န့ၣ်လီၤ. Netiporn န့ၣ် ခီဖျိလၢဟးထၢကမျၢၫ်အတၫ်ထံၣ်လၢ စီၤပၤအဟံၣ်ဖိဃီဖိ(တော်ဝင်မိသားစု) အဖီခိၣ် လၢပှၤအါဂၤဟးထီၣ်က့ၤလီၤအလီၫ်အဃိ တၫ်ဟံးန့ၫ်အီၤဂ့ၫ်၀ီ ခီဖျိလၢမၤလီၤစီၤပၤဟံၣ်ဖိဃီဖိ(တော်ဝင်မိသားစု) သုးသ့ၣ်လၤကပီၤ(အကြည်ညိုဖျက်မှု) န့ၣ်လီၤ.
ဖဲအပူၤကွံာ် လါယနူၤအါရံၤပူၤ အ၀ဲအတၫ်အုၣ်ကီၤ(အာမခံ)အဂီၫ် တၫ်ထုးကွံာ်၀ံၤအလီၫ်ခံ Netiporn န့ၣ် လၢဃိၣ်ပူၤကီၤ၀ံၤတၫ်အီၣ်ပာ်ဖျါထီၣ်အတၫ်ဘၣ်သးလီၤ. ဘၣ်ဆၣ်သနာ်က့ ဖဲလါအ့ဖြ့ၣ်(၄)သီနံၤန့ၣ် အ၀ဲက့ၤအီၣ်က့ၤတၫ်အီၣ်အဂ့ၫ် ဃိၣ်ဘၣ်မူဘၣ်ဒါ(ထောင်တာ၀န်ရှိသူ) တကပၤ ပာ်ဖျါ၀ဲလီၤ. ဘၣ်ဆၣ် အ၀ဲန့ၣ် ကီၤ၀ံၤတၫ်အီၣ်အဖၢမုၫ်ဒံးလီၤအဂ့ၫ် ကၠီၣ်တဲၣ်ပှၤဂ့ၫ်၀ီခွဲးယာ်ပီၫ်ရီကရၢ (ထိုင်းလူ့အခွင့်အရေးရှေ့နေအဖွဲ့) ဘိးဘၣ်ရၤလီၤ၀ဲဖဲ လါအ့ဖြ့ၣ်(၂၅)သီအနံၤန့ၣ်လီၤ.
Netiporn န့ၣ် လၢတၫ်ဃ့ထီၣ် တၫ်ကဆီတလဲဘှီဘၣ် ကၠီၣ်တဲၣ်စီၤပၤသနူ (ထိုင်းတော်ဝင်ဘုရင်စံနစ်) Thaluwang ပှၤဟူးဂဲၤကရၢ (တတ်ကြွလှုပ်ရှားမှုအဖွဲ့)အပူၤ မ့ၫ်၀ဲကရၢဖိ(အဖွဲ့၀င်)တဂၤစ့ၫ်ကီးန့ၣ်လီၤ.ဖဲလါမ့ၤ(၁၄)သီနံၤ အသးစံၣ်အိၣ်ပတုာ်သတူၫ်ကလာ်၀ံၤ ကသ့ၣ်နီၣ်ထီၣ်က့ၤတၫ်အဂီၫ် တၫ်ကျဲးစၢး၀ဲလၢအနၣ်ရံၣ်အါမးပူၤအဂ့ၫ် ဃိၣ်ဘၣ်မူဘၣ်ဒါ တကပၤ ဘိးဘၣ်ပာ်ဖျါ၀ဲလီၤ.
ref:voa
