လါမ့ၤ(၁၅)သီ, ၂၀၂၄နံၣ်
ကမျၢၫ်တၫ်ဘၣ်ကဲသုးတၫ်ဘျၢအဖီလာ် အဆိကတၢၫ်တ၀ီ သုးတၫ်မၤလိ ဘၣ်တၫ်စးထီၣ်အီၤ၀ံၤ ယံာ်တလါဘျဲၣ်န့ၣ် သုးတၫ်မၤလိ(၂)၀ီတ၀ီ ဘၣ်တၫ်စးထီၣ်အီၤအဂ့ၫ် တၫ်ကစီၣ်သန့လၢ သုးကီၣ်ကးပၢဃာ်တဖၣ် ဘိးဘၣ်ရၤလီၤ၀ဲလီၤ.
သုးကီၣ်ကးတကပၤ သုးတၫ်မၤလိ(၁)၀ီန့ၣ် ကမၤ၀ဲလၢကမျၢၫ်(၅)ကထိဂၤအဂ့ၫ် ဘိးဘၣ်ရၤလီၤဆိ၀ဲဘၣ်ဆၣ် တလါဘျဲၣ်အတီၫ်ပူၤ ကမျၢၫ်(၁)ကလးဂၤ တၫ်မၢကဲသုးန့ၣ်လီၤ.
ဖဲလါဖ့ၤဘြူၤအါရံၤ(၁၀)သီနံၤ သုးကီၣ်ကး ပာ်ဂၢၫ်ပာ်ကျၢၤ တၫ်ဘၣ်ကဲသုးတၫ်ဘျၢ၀ံၤအလီၫ်ခံ တါလီၤ(သင်္ကြန်)တၫ်အိၣ်ကသုၣ်သး၀ံၤ လါအ့ဖြ့ၣ်အပူၤ ကထၢသုးဖိအသီအဂ့ၫ် ဘိးဘၣ်ရၤလီၤ၀ဲဘၣ်ဆၣ် သုးတၫ်မၤလိအဆိကတၢၫ်(၁)၀ီန့ၣ် စးထီၣ်မၤ၀ဲဖဲ တချုး တါလီၤ(သင်္ကြန်) လါအ့ဖြ့ၣ်(၈)သီနံၤန့ၣ်လီၤ.
ကမျၢၫ်တၫ်ဘၣ်ကဲသုးတၫ်ဘျၢ အတၫ်သိၣ်တၫ်သီတၫ်ဘျၢတဖၣ် တၫ်ပာ်ဂၢၫ်ပာ်ကျၢၤအီၤ တ၀ံၤဒံးဘၣ်အဃိ တၫ်ဘၣ်ယိၣ်သုတအိၣ်တဂ့ၤအဂီၫ် သုးကီၣ်ကးတကပၤ တဲ၀ဲဘၣ်ဆၣ် အနီၫ်နီၫ်တခီ ဖီၣ်န့ၫ်ဆူၣ်တၫ်၀ံၤ ဟ့ၣ်၀ဲသုးတၫ်မၤလိလီၤ.
ဖဲတၫ်စးထီၣ်မၤ၀ဲ သုးတၫ်မၤလိအဆိကတၢၫ်(၁)၀ီအကတီၫ်န့ၣ် သုးကီၣ်ကးမၢကမျၢၫ် ဖီၣ်တၫ်ဖး၀ံၤ ဘၣ်ကဲသုးဘၣ်ဆၣ် ပှၤလၢဖီၣ်တၫ်ဖးဘၣ်တဖၣ် ဃ့ၫ်အိၣ်ခူသူၣ်အဃိ လၢကျဲအကလုာ်ကလုာ် သုးကီၣ်ကးထၢသုးဖိအသီတဖၣ်န့ၣ်လီၤ.
ref:myanmarnow
