လါမ့ၤ(၁၀)သီ, ၂၀၂၄နံၣ်
ကၠီၣ်တဲၣ်-ပယီၤကီၫ်ဆၢ ကီၫ်ရ့ၣ်တးခ်(တာ့ခ်ခရိုင်) လၢ၀့ၫ်မဲဆီး(မဲဆောက်မြို့)တဆီ အ့ၣ်ထၢၣ်နဲးတၫ်ဆဲးကျိး(အင်တာ နက်လိုင်း)လၢ တၫ်ဆဲးကျိးဟ့ၣ်ခူသူၣ်ဆူ ရွှ့ၣ်ကိးကိၣ်(ရွှေကုက္ကိုလ်) ဒီး (KK Park)တဖၣ် ကၠီၣ်တဲၣ်ဘၣ်မူဘၣ်ဒါတဖၣ် ဒီၣ်တဲာ်ကွံာ်၀ဲလီၤ.
ကီၫ်ကၠီၣ်တဲၣ် ကီၫ်ရ့ၣ်တးခ်, ကီၫ်ဆၣ်မဲဆီး, ဖဲမဲၫ်လမး(မယ်ရမတ်) ဒီး ဘၣ်မဲၫ်ကူထဆိၣ် (ဘန်မယ်ကူထဆွန်)တၫ်လီၫ်န့ၣ် အ့ၣ်ထၢၣ်နဲးတၫ်ဆဲးကျိးတဖၣ် တၫ်ဟ့ၣ်ခူဆူၣ်ဆူ ရွှ့ၣ်ကိးကိးဒီး (KK Park)တၫ်လီၫ်တဖၣ်အအိၣ်န့ၣ်လီၤ.
တၫ်လီၫ်လၢ တၫ်ဟ့ၣ်အ့ၣ်ထၢၣ်နဲးတၫ်ဆဲးကျိးတဖၣ်အပူၤ လၢကၠီၣ်တဲၣ်-ပယီၤကီၫ်ဆၢဒီတကျိၤ(နယ်စပ်တလျှောက်) အါတက့ၫ် မ့ၫ်တၫ်လီၫ်တဖၣ်လၢ တၫ်မၤ၀ဲအိၣ်လဲတၫ်လိာ်ခိၣ်လိာ်ကွဲ(အွန်လိုင်းလောင်းကစား)ဒီး တၫ်လံၣ်အီၣ်လီအီၣ်ကျိာ်စ့ တၫ်ဖံးတၫ်မၤ(ငွေကြေးလိမ်လည်မှုလုပ်ငန်း)တဖၣ်န့ၣ်လီၤ.
ကီၫ်ကၠီၣ်တဲၣ် အဒီကလုာ်တၫ်ဆဲးကျိး(ထိုင်းနိုင်ငံ အမျိုးသားဆက်သွယ်ရေး)ဒီး တဲၣ်လံၣ်ကိၣ် (တယ်လီကွန်) တၫ်ဆဲးကျိးခီၣ်မံးရှၢၣ် (NBTC) ဒၣ်ရဲးထၢၣ်(ဒါရိုက်တာ) ပၣ်နူၣ်ပိၣ်ခၠဲၣ်ဆရံၣ်ထံး(ပန်နူပွန် ချိုင်ဆရီထစ်ပ်) ဒီး ပၢၤကီၫ် (ရဲတပ်ဖွဲ့), Cyber တၫ်ဘံၣ်တၫ်ဘၢဘၣ်မူဘၣ်ဒါ(ဆိုက်ဘာလုံခြုံရေးအာဏာပိုင်)တဖၣ် ဟဲဆူ ကီၫ်ရ့ၣ်တးခ်, ၀့ၫ်မဲဆီး၀ံၤ အ၀ဲသ့ၣ် အအ့ၣ်ထၢၣ်နဲးတၫ်ဆဲးကျိးတဖၣ် ဒီၣ်တဲာ်ကွံာ်၀ဲ ဖျိဖျိဖျါဖျါန့ၣ်လီၤ.
ref:borderecho
