လါမ့ၤ(၁၀)သီ, ၂၀၂၄နံၣ်
ကီၫ်ပယီၤမုၫ်နုာ်တကပၤ(မြန်မာနိုင်ငံအနောက်ပိုင်း) AA လၢဒုးထီဒါ သုးကီၣ်ကး ဆူၣ်ဆူၣ်ကလဲာ်တဖၣ်အံၤ သုးကလၢၤလၢအရ့ဒိၣ်တဖၣ် ထီၣ်ဒုးမၤန့ၫ်၀ဲ၀ံၤအလီၫ်ခံ ပယီၤ- ဘ့ကလါဒ့းရှ် (ဘင်္ဂလားဒေ့ရှ်) ကီၫ်ဆၢဒီတကျိၤ ဘူးထီၣ်လၢ ပၢဆှၢ၀ဲကန့ၫ်ခဲလၢာ်လီၤ.
ကီၫ်စဲၣ်ခၠီ(ချင်းပြည်နယ်), ပလဲး၀း(ပလက်၀)ဒီး ရခၢၣ်ကလံၤစိးတကပၤ(ရခိုင်မြောက်ပိုင်း) မီၣ်တီ(မောင်တော) ဒီး ဘူသံတီၣ်တဖၣ်န့ၣ် ထံကီၫ်ခံဘ့ၣ်ကီၫ်ဆၢ တၫ်ဘျးစဲလိာ်သးအိၣ်၀ဲ (၂၇၀)ကံၣ်လိၣ်မံထၢၣ်အဃိ မ့ၫ်၀့ၫ်အရ့ဒိၣ် တဖၣ်လၢဒုးယၤဂ့ၫ်၀ီအဂီၫ်လီၤ.
ဖဲတယံာ်ဒံးဘၣ် ၀့ၫ်မီၣ်တီ(မောင်တော)ဒီး ၀့ၫ်ဘူသံတီၣ်တဖၣ်အပူၤ သုးကီၫ်ကး အသုးကလၢၤဖးဒိၣ်တဖၣ် AA ထီၣ်ဒုး မၤန့ၫ်၀ံၤ သုးကီၣ်ကး အသုးကလၢၤလၢအိၣ်တ့ၫ်တဖၣ် လၢတယံာ်လၢၤဘၣ်အပူၤ တၫ်ကထီၣ်ဒုးဖျိးကွံာ်၀ဲအဂ့ၫ် တၫ်တယာ်ဃာ်၀ဲလီၤ.
သုးကလၢၤ လၢအိၣ်တ့ၫ်တဖၣ် AA မ့ၫ်မၤန့ၫ်န့ၣ် ဘ့ကလါဒ့းရှ် – ပယီၤ ကီၫ်ဆၢဒီတကျိၤ ထံကီၫ်ခံဘ့ၣ်ကီၫ်ဆၢန့ၣ် AA ပၢဆှၢဃာ်၀ဲ ကန့ၫ်လၢလၢပှဲၤပှဲၤလီၤ.
တၫ်လၢကပိာ်ထွဲထီၣ်အခံန့ၣ် လၢဘ့ကလါဒ့းရှ် တကပၤ တၫ်ကူၣ်လဲၤမၤကၤ ပနံာ်တဖၣ် လၢတၫ်သဘျ့အပူၤကန့ၫ်၀ဲ၀ံၤ ကီၫ်စဲၣ်ရခၢၣ်(ရခိုင်ပြည်နယ်)အပူၤ သုးကီၣ်ကး အတၫ်ကးတံာ်ကွံာ် တၫ်ကူၣ်လဲၤ မၤကၤပနံာ်အကျဲ(ကုန်သွယ်ရေးလမ်းကြောင်း)ခဲလၢာ် ကမၤလီၤကဆှၣ်(ဖြေလျော့)ကွံာ်၀ဲသ့အဂ့ၫ် ပှၤလၢတၫ်ဘၣ်ထွဲအိၣ်ဒီး AA လၢထံရူၫ်ကီၫ်သဲး တကပၤ, ရခၢၣ်ပှၤမၤထံရူၫ်ကီၫ်သဲး အူဖ့ၣ်သါ (ဦးဖေသန်း)တဲ၀ဲလီၤ.
ref:myanmarnow
