လါမ့ၤ(၈)သီ, ၂၀၂၄နံၣ်
စးထီၣ်လၢ ၂၀၂၁နံၣ်, လါဖ့ၤဘြူၤအါရံၤ(၁)သီ သုးဟံးန့ၫ်ဆူၣ်ထံကီၫ်တၫ်စိတၫ်ကမီၤဒီးတုၤ ၂၀၂၄နံၣ်, လါမ့ၤ(၇)သီအနံၤ ကီၫ်ပယီၤဒီတဘ့ၣ် ပှၤဟူးဂဲၤဒံၣ်မိၣ်ကရ့ၣ်စံၣ်ဂ့ၫ်၀ီတဖၣ်ဒီး ကမျၢၫ်ထံဖိကီၫ်ဖိခဲလၢာ်ပာ်ဖှိၣ် ဘူးထီၣ်(၅)ကထိဃၣ်ဃၣ်သံတ့ၫ်လံအဂ့ၫ် တၫ်မၤစၢၤထံရူၫ်ကီၫ်သဲးပှၤလီၫ်ဃိၣ်ဖိကရၢ (AAPP) ထုးထီၣ်ပာ်ဖျါဃာ်၀ဲဖဲ လါမ့ၤ(၇)သီအနံၤန့ၣ်လီၤ.
တကးဒံးဘၣ် ဘၣ်ထွဲဒီးတၫ်ဟံးန့ၫ်ဆူၣ်ထံကီၫ်တၫ်စိတၫ်ကမီၤအဖီခိၣ် ပှၤလၢတၫ်ဖီၣ်န့ၫ်ဆူၣ်အီၤခဲလၢာ်အိၣ်၀ဲ(၂၆၆၃၁)ဂၤ ဒီး ဖဲန့ၣ်အကျါ ပှၤ(၂၀၄၅)ဂၤအံၤ တၫ်ဖီၣ်ပၢဆှၢဃာ်အီၤ၀ံၤ ဖဲလၢတၫ်ဖီၣ်ပၢဆှၢဃာ်အီၤအကျါ ပှၤ(၈၉၇၃)ဂၤန့ၣ် တၫ်ပာ်လီၤဃာ်လၢဃိၣ်ပူၤန့ၣ်လီၤ.
၂၀၂၄နံၣ်, တုၤ လါမ့ၤ(၇)သီအနံၤ ဘၣ်ထွဲဒီး နွ့ၣ်အူတၫ်ပၢၫ်ဆၢ(နွေဦးတော်လှန်ရေး)အဖီခိၣ် တၫ်ပာ်လီၤတၫ်စံၣ်ညီၣ်သံ၀ံၤ တၫ်ပၢဆှၢဃာ်အီၤလၢဃိၣ်ပူၤ ခဲလၢာ်အိၣ်၀ဲ(၁၂၃)ဂၤန့ၣ်လီၤ. ပှၤလၢတၫ်ပာ်သဒၢမဲာ်တၫ်စံၣ်ညီၣ်သံ(မျက်ကွယ်သေဒဏ်ချမှတ်ခံရသူ) အိၣ်၀ဲ(၄၃)ဂၤပာ်ဃုာ် ပှၤ(၁၁၉)ဂၤ တၫ်ပာ်သဒၢမဲာ်တၫ်ပာ်လီၤတၫ်ကမၣ်န့ၣ်လီၤ.
လၢတၫ်န့ၣ်အဃိ ပှၤလၢတၫ်ပာ်လီၤတၫ်စံၣ်ညီၣ်သံ(သေဒဏ်ချမှတ်ခံရသူ)ခဲလၢာ်အိၣ်၀ဲ(၁၆၆)ဂၤန့ၣ်လီၤ. ဒီးတကးဒံးဘၣ် တၫ်ဖီၣ်န့ၫ်အီၤ၀ံၤ ပှၤလၢဘၣ်တၫ်ဘျၣ်ကဒါက့ၤအီၤ(ပြည်လည်လွတ်မြောက်လာသူ)အိၣ်၀ဲ (၆၂၁၆)ဂၤန့ၣ်လီၤ.
တလါအံၤ စးထီၣ်လၢ လါမ့ၤ(၁)သီတုၤ (၇)သီအနံၤ (၇)သီအတီၫ်ပူၤ သုးကီၣ်ကး လဲၤခးလီၤတၫ်လၢကလံၤကျါအဃိ ကီၫ်ပယီၤဒီတဘ့ၣ် ပိာ်မုၣ်(၂)ဂၤပာ်ဃုာ် လီၫ်က၀ီၤကမျၢၫ်(၉)ဂၤဘၣ်သံ၀ဲဒီး ဖဲလၢပှၤ(၉)ဂၤအကျါ ရခၢၣ်ကီၫ်စဲၣ်အပူၤ ပာ်ဃုာ်၀ဲ(၄)ဂၤအဂ့ၫ် တၫ်မၤစၢၤထံရူၫ်ကီၫ်သဲးပှၤလီၫ်ဃိၣ်ဖိကရၢ(AAPP) စံး၀ဲန့ၣ်လီၤ.
တၫ်ဂီၤ- သုးကီၣ်ကးလဲၤခးလီၤတၫ်လၢကလံၤကျါ ဖဲရခၢၣ်ကီၫ်စဲၣ်အပူၤအဃိ ကၠိတၫ်သူၣ်ထီၣ်ဒီးပှၤကညီတၫ်ဘၣ်ဒိဘၣ်ထံးတဖၣ်.
photo:AA Info Desk
