လါမ့ၤ(၇)သီ, ၂၀၂၄နံၣ်
သုးတၫ်ဂဲၤလိလၢ တၫ်ဒုးလီၤပှီၫ်ကွံာ် တၫ်နုာ်လီၤဂုၫ်န့ၫ်ဆူၣ်ပီၣ်လဲၣ်အပူၤ အမဲရကၤဒီး ဖံးလံးပံးသုးမုၫ်ဒိၣ်တဖၣ် ဂဲၤလိ၀ဲလၢကလံၤထံးတရူးပီၣ်လဲၣ်နံၤ(တောင်တရုတ်ပင်လယ်) ဖဲလါမ့ၤ(၆)သီအနံၤန့ၣ်လီၤ.
တၫ်မၤ၀ဲသုးတၫ်ဂဲၤလိဖဲ ထဲၣ်၀ၣ် (Taiwan) အကပၤ ဖံးလံပံးကလံၤစိး, ကီၫ်စဲၣ် Ilocos Norte ပီၣ်လဲၣ်နံၤလၢ ကွၫ်ဆၢၣ်မဲာ်လိာ်သးဒီး ကလံၤထံးတရူးပီၣ်လဲၣ်နံၤန့ၣ်လီၤ.
တၫ်ခးလိတၫ်မၤဟးဂီၤ ကၠဲးပလ့ၣ်မျိာ်သၣ်(ဂျက်ဗလင်ဒုံးကျည်)တဖၣ်ဒီး ဟီၣ်၀့ၣ်စၣ်ကျိဖးဒိၣ်(ဟောင်ဝှစ်ဇာအမြောက်)တဖၣ် တၫ်ခးလိအီၤလၢ အိၣ်စီၣ်စုာ်ဒီးပီၣ်လဲၣ်နံၤတုၤ(၁)ကံလိမံၣ်ထၣ်အသိး တၫ်ဂဲၤလိလၢတၫ်ဒီသဒၢ ဒုၣ်ဒါတဖၣ်ဟဲလီၤလၢပီၣ်လဲၣ်နံၤ တၫ်ဂဲၤလိတဖၣ်န့ၣ်လီၤ.
ဘၣ်ထွဲဒီးကလံၤထံးတရူးပီၣ်လဲၣ်(တောင်တရုတ်ပင်လယ်)ဂ့ၫ်၀ီအဖီခိၣ် ဖံးလံးပံးဒီးတရူးအဘၢၣ်စၢၤ တၫ်ဖ့ၣ်ဆၢဒိၣ်ထီၣ်အဆၢကတီၫ် အမဲရကၤဒီး ဖံးလံးပံး ပာ်ဖှိၣ်ဂဲၤလိ၀ဲ သုးတၫ်ဂဲၤလိန့ၣ်လီၤ.
ဖဲလါအ့ဖြ့ၣ်(၃၀)သီအနံၤန့ၣ် တရူးသုးခိးပီၣ်လဲၣ်နံၤအံၤ ဖဲလၢထံကီၫ်(၂)ဘ့ၣ်တၫ်သဘံၣ်သဘုၣ်ကဲထီၣ်သးအလီၫ် စကါဘီးမဲးမုၫ်ခိၣ်(စကားဘော့သောင်ခုံ)အပူၤ ခး၀ဲဖံးလံးပံးကဘီၤဆှၣ်ပီၣ်လဲၣ်လၢ ထံသုးကျိဖးဒိၣ်န့ၣ်လီၤ.
တၫ်မၤသုးတၫ်ဂဲၤလိအံၤ တၫ်ပညိၣ်မၤတရူးအဂ့ၫ်န့ၣ် အမဲရကၤပှၤဘၣ်မူဘၣ်ဒါတဖၣ် တဲဖျါထီၣ်၀ဲတအိၣ်ဘၣ်ဆၣ် တၫ်ကဒီသဒၢ ဖံးလံးပံးအဂီၫ် ခံခီယၫ်ဘးတၫ်ဒီသဒၢလံာ်ဃံးဃာ်(အပြန်အလှန်ကာကွယ်ရေးစာချုပ်)အဖီခိၣ် မူဒါအိၣ်၀ဲအဂ့ၫ် စံး၀ဲန့ၣ်လီၤ.
ကလံၤထံးတရူးပီၣ်လဲၣ်အပူၤ တရူးသုးဂ့ၫ်၀ီတၫ်ဟူးတၫ်ဂဲၤတဖၣ် ဒိၣ်ထီၣ်အဆၢကတီၫ် အမဲရကၤဒီး ဖံးလံးပံးတဖၣ်အံၤ တၫ်ခီၣ်ဆၢက့ၤတရူးချ့ချ့န့ၫ်၀ဲအဂ့ၫ် တၫ်ပညိၣ်ဒုးဖျါထီၣ်လီၤအဂ့ၫ် ပှၤလၢပဲာ်ထံနီၤဖးသုးဂ့ၫ်၀ီတဖၣ် ပဲာ်ထံနီၤဖး၀ဲန့ၣ်လီၤ.
ref:NHK
photo:AFP
