လါမ့ၤ(၇)သီ, ၂၀၂၄နံၣ်
ကၠီၣ်တဲၣ်-ပယီၤကီၫ်ဆၢ လၢ၀့ၫ်ရၤမတံ(မြ၀တီမြို့) တၫ်ကဒိးန့ၫ်ဘၣ် Unique Identification Number (UID) လၢအဆိအချ့အဂီၫ် တၫ်ဘၣ်ဟ့ၣ်(၂)ကလီၫ်ညါအဂ့ၫ် တၫ်သ့ၣ်ညါဘၣ်လီၤ. လၢကီၣ်ကးရၤမတံအကီၫ်ဆၣ်၀ဲၤဒၢး(စစ်ကောင်စီမြဝတီမြို့နယ် လဝကရုံး) ပဒိၣ်ပှၤမၤတၫ်ဖိတဖၣ်စ့ၫ်ကီး တမၤ၀ဲဒ် တိၣ်က့ၣ်(တိုကင်) နီၫ်ဂံၫ် အသိးဘၣ်အမဲာ်ညါ တၫ်မ့ၫ်ဟ့ၣ်ဆိအ၀ဲသ့ၣ်စ့န့ၣ် မၤဆိန့ၫ်၀ဲအိၣ်၀ဲလီၤ.
လၢသူမှဲကျိ၀ၫ်ဘးခီ(သောင်ရင်းမြစ်တဖက်ကမ်း) UID စမးကးဒ်လၢ တၫ်မ့ၫ်မၤလၢအဆိအချ့တၫ်ဘၣ်ဟ့ၣ်စ့ (၂)ကလီၫ်အံၤ မ့ၫ်ဒၣ်လံာ်ကဘျံး၀ါ အလီၫ်ခံ ပှၤဆဲးလီၤဃာ်စုမုၫ်ကျၢၫ် လံာ်ပျဲက့ဖိ (ဖြတ်ပိုင်းစာရွက်) တခါလီၤ. တၫ်လဲၤ ထီၣ်က့ၤလီၤကဘၣ်လိာ်ဖိးဒ့အဂီၫ် တၫ်ဘၣ်မၤအီၤလီၤဘၣ်ဆၣ် သုးကီၣ်ကးအရၤမတံကီၫ်ဆၣ်၀ဲၤဒၢး, ၀ဲၤဒၢးပှၤမၤတၫ်ဖိတဖၣ် အတၫ်ပာ်သူၣ်ပာ်သးတဂ့ၤဘၣ် အဂ့ၫ် လီၫ်က၀ီၤဖိတဖၣ် တဲ၀ဲလီၤ.
သုးကီၣ်ကး အပှၤဘၣ်မူဘၣ်ဒါတဖၣ် ဟဲက့ၤအိးထီၣ်ကဒါက့ၤ ကၠီၣ်တဲၣ်-ပယီၤ နီၫ်ဂံၫ်-၁ တိၤ(အမှတ်-၁ တံတား)၀ံၤ စှၤသီအတီၫ်ပူၤ နဲၣ်လီၤ၀ဲလၢ တၫ်ဘၣ်မၤလၢ UIDသနူ (စနစ် )န့ၣ်လီၤ. တၫ်အိၣ်သးဒ်သိးအံၤတဖၣ်အဃိ ကမျၢၫ်လၢဟးထီၣ်က့ၤလီၤတဖၣ်အဂီၫ် ကဲထီၣ်တၫ်ကီတၫ်ခဲလီၤ.
ပှၤလၢပတံထီၣ် Unique Identification Number (UID) စမးကးဒ်တဖၣ် ကဘၣ်ဖီၣ်ဃာ် ဟံၣ်ဖိဃီဖိဖးဖီမုၫ်စရီ (သန်းခေါင်စာရင်း)ဒီး ခိၣ်ဂီၤ(မှတ်ပုံတင်)တဖၣ်၀ံၤ တၫ်ဟံးန့ၫ်ဃာ်အ၀ဲသ့ၣ်ဂ့ၫ်တၫ်ကျိၤခီဖျိ တၫ်သမံသမိးမဲာ်ချံဒီး တၫ်ဘၣ်ဆီၣ်လီၤစုမုၫ်ကျၢၫ် တဖၣ်န့ၣ်လီၤ. ဟံၣ်ဖိဃီဖိဖးဖီမုၫ်စရီ(သန်းခေါင်စာရင်း) ဒီးခိၣ်ဂီၤ(မှတ်ပုံတင်) တၫ်ဂ့ၫ် တၫ်ကျိၤတဖၣ် ဘၣ်လိာ်ဖိးမံလိာ်သးမ့ၫ်တအိၣ်န့ၣ် တၫ်ပတံထီၣ် UID တန့ၫ်ဘၣ်အမဲာ်ညါ တၫ်ဘၣ်က့ၤဘှီဘၣ်က့ၤဆူ နီၫ်ကစၫ်အိၣ်ဆိးကီၫ်ဆၣ်၀ဲၤဒၢး(မြို့နယ်ရုံး)အိၣ်န့ၣ်လီၤ.
လၢရၤမတံ(မြ၀တီ)တၫ်ကမၤန့ၫ် UID ကးဒ်အဂီၫ် လၢတဖိးသဲစးအပူၤ ပှၤမၤန့ၫ်ခဲးတၫ်လၢ တၫ်ဘၢၣ်စၢၤ(ပွဲစားဝန်ဆောင်မှု) အိၣ်၀ဲ၀ံၤ တၫ်ကမၤန့ၫ်အဂီၫ် တၫ်ဆၢကတီၫ်ယံာ်၀ဲတသီအသိး တၫ်ကဒိးန့ၫ်အဂီၫ် တလီၤတံၫ်၀ဲဘၣ်အဂ့ၫ် လီၫ်က၀ီၤဖိတဖၣ်တဲ၀ဲလီၤ.
ref:borderecho
photo:thephuketnews
