လါမ့ၤ(၆)သီ, ၂၀၂၄နံၣ်
၀့ၫ်ရၤမတံ, ရွ့ၣ်ကိကိၣ်မၠဲၣ်(ရွှေကုက္ကိုလ်မြိုင်)အပူၤ ပှၤကီၫ်ချၢဖိလၢအမၤကၠါဖၠးတၫ်ဖံးတၫ်မၤတဖၣ် ကဟးထီၣ်ကွံာ်အဂီၫ် BGF/KNA ဟ့ၣ်ပလီၫ်ဒုးသ့ၣ်ညါဃာ်၀ဲဘၣ်ဆၣ် ၀့ၫ်ရွ့ၣ်ကိကိၣ်အနုာ်လီၤဟးထီၣ်တဖၣ် တၫ်အိးထီၣ်ဃာ်အဖၢမုၫ်ဒံးလီၤအဂ့ၫ် ၀့ၫ်ရွ့ၣ်ကိကိၣ်ကမျၢၫ်တဂၤ စံး၀ဲန့ၣ်လီၤ.
ပှၤကီၫ်ချၢဖိလၢ အမၤအိၣ်လဲတၫ်လံၣ်တၫ်လီတၫ်ဖံးတၫ်မၤတဖၣ် တၫ်ကဟးထီၣ်ကွံာ်လၢ(၆)လါအတီၫ်ပူၤအဂီၫ် တၫ်ဟးကျးလီၤဃာ် လံာ်တယၫ်သ့ၣ်ဘ့ၣ်ဘၣ်(ပိုစတာဆိုင်းဘုတ်)တဖၣ်ဘၣ်ဆၣ် မ့မ့ၫ်ခီပနံာ်ပှၤမၤတၫ်ဖိတခီ နုာ်လီၤဟးထီၣ်သ့လၢ ယးထဲးခီပနံၣ်သိၣ်လ့ၣ် (ရထိုက်ကုမ္ပဏီကား)အဂ့ၫ် ဂံၫ်ခီၣ်ထံးလီၫ်က၀ီၤတၫ်ကစီၣ်တဖၣ် စံး၀ဲန့ၣ်လီၤ.
“ပတီၫ်မုၫ်သိလ့ၣ်ဒိးဟံၣ်(ရိုးရိုးအိမ်စီးကား)န့ၣ် မၤတၫ်သမံသမိးလီၤ. ၀့ၫ်ပူၤတၫ်နုာ်လီၤအိၣ်ဆိးတၫ်ပျဲမ့ၫ်အိၣ်မး တၫ်နုာ်လီၤဟးထီၣ်သ့လၢ ၀့ၫ်ပူၤလီၤ. အပူၤကွံာ် မ့မ့ၫ်သိလ့ၣ်ဒိးဟံၣ်(အိမ်စီးကား)တဖၣ်အပူၤ ပှၤကညီမ့ၫ်ပာ် တသမံသမိး၀ဲဘၣ်. အခဲအံၤပှၤကညီမ့ၫ်ပာ် သမံသမိး၀ဲ”အဂ့ၫ် ၀့ၫ်ရွ့ၣ်ကိကိၣ်ကမျၢၫ်ဖိတဂၤ စံး၀ဲန့ၣ်လီၤ.
“ရွ့ၣ်ကိကိၣ်အပူၤ တၫ်နုာ်လီၤအိၣ်ဆိး တၫ်ပျဲကန့ၫ်အဂီၫ် တညီဒ်သိးလၢအပူၤကွံာ်ဘၣ်. အပူၤကွံာ် တၫ်မ့ၫ်လဲၤမၤတၫ်နုာ်လီၤအိၣ်ဆိးတၫ်ပျဲလၢ က၀ီၤဒ့ခိၣ်န့ၣ်ညီလီၤ. အခဲအံၤတညီလၢၤဘၣ်” အဂ့ၫ် အ၀ဲစံးကဒီး၀ဲန့ၣ်လီၤ.
မုၫ်ဆါအကတီၫ်တၫ်အိးထီၣ်ဃာ် ၀့ၫ်ရွ့ၣ်ကိကိၣ်အနုာ်လီၤဟးထီၣ်တဖၣ်ဒီး တၫ်ကးတံာ်ဃာ်အီၤလၢ ဟါ(၆)နၣ်ရံၣ်တုၤ ဂီၤ(၆)နၣ်ရံၣ်အဂ့ၫ် စံး၀ဲန့ၣ်လီၤ.
“တၫ်ကးတံာ်ဃာ်အနုာ်လီၤဟးထီၣ် လၢဂီၤ(၆)နၣ်ရံၣ်တုၤ ဟါ(၆)နၣ်ရံၣ်လီၤ. ဂီၤ(၆)နၣ်ရံၣ်အဆၢကတီၫ်န့ၣ် သိလ့ၣ်တဖၣ်နုာ်လီၤဟးထီၣ်သ့လီၤ” အဂ့ၫ် ၀့ၣ်ရွ့ၣ်ကိကိၣ်ကမျၢၫ်ဖိတဂၤ စံး၀ဲန့ၣ်လီၤ.
၀့ၫ်ရၤမတံဟီၣ်က၀ီၤပူၤ ပှၤကီၫ်ချၢဖိတနီၤလၢ အမၤတၫ်လၢ ကၠါဖၠးတၫ်ဖံးတၫ်မၤ တၫ်မၤလီၫ်တဖၣ် စံး၀ဲလၢတၫ်ဖှီၣ်တူၫ်သံဃာ်ဂီၤအီၤအဂ့ၫ်ဒီး ဟးထီၣ်ကွံာ်အိၣ်၀ဲတနီၤလံန့ၣ်လီၤ.
စးထီၣ်လၢ ၂၀၂၄နံၣ်, လါမ့ၤဒီး တုၤလါအီးကထိဘၢၣ်အတီၫ်ပူၤ ပှၤလၢအမၤကၠါဖၠးတၫ်ဖံးတၫ်မၤတဖၣ် ကဟးထီၣ်ကွံာ်လၢ ရၤမတံဟီၣ်က၀ီၤပူၤအဂီၫ် BGF/KNA ဒုးသ့ၣ်ညါဟ့ၣ်ပလီၫ်ဃာ်၀ဲ ပှၤကီၫ်ချၢဖိ(၆)ကထိန့ၣ်လီၤ. တၫ်မ့ၫ်တဟးထီၣ်န့ၣ် တၫ်ကဖီၣ်န့ၫ်အီၤ၀ံၤ တၫ်ကဆှၢအီၤဆူ ဘၣ်ထွဲထံကီၫ်တဘ့ၣ်စုာ်စုာ်မီၫ်သီ၀ဲၤဒၢးအဂ့ၫ် BGF ပှၤတဲတၫ်ပၢ သုးခိၣ်ဒိၣ်စိ နၢၤမီၣ်စီၣ်(ဗိုလ်မှူးကြီး နိုင်မော်ဇော်)စံးပာ်၀ဲဆူ People’s Spring တၫ်ကစီၣ်သန့အအိၣ်န့ၣ်လီၤ.
ref:salweenpress
