လါမ့ၤ(၃)သီ, ၂၀၂၄နံၣ်
တၫ်ခီဆၢ ကၣ်စၣ်ဟီၣ်က၀ီၤအပူၤ အံၣ်စရ့-ဟါမးတၫ်ဒုး(အစ္စရေး-ဟားမတ်စ်စစ်ပွဲ)အဖီခိၣ် တၫ်ကဒီၣ်တဲာ်ကွံာ်မီၫ်သီတၫ်ရ့လိာ်ဒီး အံၣ်စရ့အဂ့ၫ် ကိၣ်လၣ်ဘံၣ်ယၣ်ကီၫ်ခိၣ်(ကိုလံဘီယာသမ္မတ) Gustavo Petro တဲလီၤ၀ဲဖဲ လါမ့ၤ(၁)သီအနံၤန့ၣ်လီၤ.
အံၣ်စရ့ထံကီၫ်ခိၣ်နၫ်တဖၣ်အံၤ ဘၣ်ထွဲလိာ်သးဒီး တၫ်မၤသံလီၤတုာ်ပှၤဟီၣ်ခိၣ်ဖိစၢၤသွဲၣ်(လူမျိုးတုံးသတ်ဖြတ်မှု )အဂ့ၫ် ကီၫ်ကိၣ်လၣ်ဘံၣ်ယၣ်(ကိုလံဘီယာ)၀့ၫ်ခိၣ် ဘိၣ်ကိၣ်တၣ်, ဖဲလါမ့ၤ(၁)သီအနံၤ တၫ်မၤ၀ဲ ပှၤမၤတၫ်ဖိမုၫ်နံၤတၫ်ရဲၣ်တၫ်ကျဲၤအပူၤ တဲလီၤ၀ဲန့ၣ်လီၤ.
ပှၤပၣ်လဲးစတဲး(ပါလက်စတိုင်း)ဖိ တဖၣ်မ့ၫ်သံန့ၣ် မ့ၫ်ဒၣ်ပှၤဟီၣ်ခိၣ်ဖိစၢၤသွဲၣ်တဖၣ်(လူသားမျိုးနွယ်တွေ)စ့ၫ်ကီး သံ၀ဲလီၤ၀ံၤ ပ၀ဲတခီပတတူၫ်လိာ် တၫ်ကကဲထီၣ်သးဒ်အံၤဘၣ်အဂ့ၫ် ကီၫ်ခိၣ် Petro စံး၀ဲန့ၣ်လီၤ. ကိၣ်လၣ်ဘံၣ်ယၣ်ကီၫ်ခိၣ်(ကိုလံဘီယာသမ္မတ) အတၫ်ဆၢတဲာ်အံၤ မ့ၫ်ဒၣ်တၫ်ဟ့ၣ်လီၤ တၫ်ဟ့ၣ်ကနၢၤဆူ Hamas တဖၣ်လီၤအဂ့ၫ် အံၣ်စရ့ထံဂုၤကီၫ်ဂၤကိတိာ်(အစ္စရေးနိုင်ငံခြားရေးဝန်ကြီး) Israel Katz ခီၣ်ဆၢက့ၤတဘျီဃီန့ၣ်လီၤ.
Gustavo Petro တခီ တၫ်မ့ၫ်ဆၢတဲာ်အိၣ်ဆၢထၢၣ်လၢ ပှၤလၢတၫ်ဒွဲၣ်အူမၤသံကွံာ်ဖိသၣ်တဖၣ်, တၫ်မၤတရီတပါပိာ်မုၣ်တဖၣ်၀ံၤ ကမျၢၫ်လၢတၫ်ကမၣ်တအိၣ်တဖၣ် တၫ်က့ၤဖီၣ်န့ၫ်ဆူၣ်အီၤတဖၣ်တကပၤန့ၣ် တၫ်ကသ့ၣ်နီၣ်အီၤလၢ တၫ်စံၣ်စိၤတဲစိၤအပူၤအဂ့ၫ် အံၣ်စရ့ထံဂုၤကီၫ်ဂၤကိတိာ် Katz တဲလီၤ၀ဲဖဲ X ပှၤတ၀ၢပှာ်ဘျးစဲ (X လူမှုကွန်ရက်)အပူၤန့ၣ်လီၤ.
အံၣ်စရ့တပၤ တၫ်ကဒုး Rafah လၢသုးဂ့ၫ်ဂီအဂီၫ် ကတဲာ်ကတီၤ၀ဲအဆၢကတီၫ်တကတီၫ်ဃီ, အမဲရကၤတၫ်ဒီသဒၢကိတိာ်(အမေရိကန်ကာကွယ်ရေးဝန်ကြီး) Lloyd Austin အံၤ တဲတၫ်ဒီး အံၣ်စရ့တၫ်ဒီသဒၢကိတိာ် Yoav Gallant လၢ လီတဲစိ(ဖုန်း) ဖဲမဟါအနံၤန့ၣ်လီၤ.
အံၣ်စရ့တပၤ တၫ်တၢၣ်ပီၣ်တဲသကိးလၢ သုးဂ့ၫ်၀ီအတၫ်လိၫ်ဘၣ်တဖၣ်အပူၤ ပၣ်လဲးစတဲ လီၫ်က၀ီၤကမျၢၫ်တဖၣ် တၫ်ကသုးကွံာ်အီၤလၢတၫ်လီၫ်လၢအပူၤဖျဲးအဂီၫ်, တၫ်ကအိးထီၣ်န့ၫ် ကျဲလၢတၫ်ကဟ့ၣ်မၤစၢၤ ပှၤဟီၣ်ခိၣ်ဖိတၫ်ဒိသူၣ်ဒိသးတၫ်မၤစၢၤတၫ်ရဲၣ်တၫ်ကျဲၤတဖၣ် ကပာ်ဃုာ်၀ဲအဂီၫ်တဲလီၤ၀ဲအဂ့ၫ် အမဲရကၤသုး၀ဲၤလီၫ်ခိၣ်သ့ၣ်(အမေရိကန်စစ်ဌာနချုပ်) ပ့ၣ်တကိၣ် (ပင်တဂွန်) ပှၤတဲတၫ်ပၢတဲ၀ဲန့ၣ်လီၤ.
ref:voa
