လါမ့ၤ(၂)သီ, ၂၀၂၄နံၣ်
ကီၫ်ပယီၤပာ်ဃုာ် ထံကီၫ်(၁၇)ဘ့ၣ်န့ၣ် မၤကမၣ်တၫ်ဘူၣ်တၫ်ဘါတၫ်သဘျ့(ဘာသာရေးလွတ်လပ်ခွင့်) အဃိ မ့ၫ်ထံကီၫ်တဖၣ်လၢ လီၤဘၣ်ယိၣ်၀ဲအဂ့ၫ် အမဲရကၤကီၫ်စၢဖှိၣ် ဘၣ်ထွဲတၫ်ဘူၣ်တၫ်ဘါတၫ်သဘျ့ခီမံးရှၢၣ် (အမေရိကန်ပြည်ထောင်စု နိုင်ငံတကာဘာသာရေးလွတ်လပ်ခွင့်ဆိုင်ရာကော်မရှင်) (USCIRF) အလါမ့ၤ(၁)သီ, ၂၀၂၄နံၣ် ကိးမုၫ်နံၣ် တၫ်ဘိးဘၣ်ရၤလီၤအပူၤ ပာ်ဖျါ၀ဲလီၤ.
ဟံးန့ၫ်၀ဲ၂၀၂၃နံၣ် တၫ်ကဲထီၣ်သးတဖၣ်အဖီခိၣ် မၤနီၣ်မၤဃါ၀ဲ၀ံၤ ပာ်ဖျါ၀ဲန့ၣ်လီၤ. မ့ၫ်စ့ၫ်ကီးတၫ်ကွဲးလီၤဃာ် IRFA ထံဂုၤကီၫ်ဂၤတၫ်ဘူၣ်တၫ်ဘါတၫ်သဘျ့ခွဲးယာ်တၫ်ဘျၢ (နိုင်ငံတကာဘာသာရေးလွတ်လပ်ခွင့်ဥပဒေ) ပှဲၤထီၣ်(၂၅)နံၣ် အလံာ်ပာ်ဖျါန့ၣ်လီၤ.
လၢ(၂၅)နံၣ်အတီၫ်ပူၤ လၢဟီၣ်ခိၣ်ချၢ ပှၤနီၫ်တဂၤ မ့တမ့ၫ် ပှၤတ၀ၢတဖၣ်န့ၣ် တၫ်ဘူၣ်တၫ်ဘါ မ့တမ့ၫ် တၫ်နီၫ်ကစၫ်တၫ်စူၫ်တၫ်နာ် တၫ်တမၤဘၣ်လၢ တၫ်သဘျ့ပူၤဒံးဘၣ်အဂ့ၫ် ပာ်ဖျါ၀ဲလီၤ. တၫ်ဘိးဘၣ်ရၤလီၤအပူၤ ထံကီၫ်လၢ တၫ်ပညိၣ်ပာ်ဖျါတဖၣ်ပူၤ တၫ်အိၣ်သးအၢထီၣ်၀ဲအဖီခိၣ် USCIRF တကပၤ သူၣ်ဘၣ်ဒိသးဘၣ်ဒိအဂ့ၫ် တၫ်ဘိးဘၣ်ရၤလီၤပူၤ ကွဲးဖျါဃာ်၀ဲလီၤ.
ပယီၤ(မြန်မာ), တရူး(တရုတ်), ခၠူဘါ(ကျူးဘား), ကလံၤစိးခိၣ်ရံယါ(မြောက်ကိုရီးယား), ရၢရှၢၣ်(ရုရှား) ထံကီၫ်(၁၂)ဘ့ၣ်အံၤ အိၣ်လၢထံကီၫ်လၢလီၤဘၣ်ယိၣ်န့ၣ် အမဲရကၤထံဂုၤကီၫ်ဂၤ၀ဲၤကျိၤ(အမေရိကန်နိုင်ငံခြားရေးဝန်ကြီးဌာန) ပာ်ပနီၣ်ဃာ်၀ဲ ဖဲအပူၤကွံာ်နံၣ် လါဒံၣ်စဲဘၢၣ်ပူၤ၀ံၤ အၣ်ဖကၣ်(အာဖဂန်), အ့ဒံယါ(အိန္ဒိယ), ဘံၣ်ယဲးနၣ် (ဗီယက်နမ်) ထံကီၫ်တဖၣ်တခီ ဘၣ်တၫ်ဖၢနုာ်အီၤလၢကတီၫ်အံၤန့ၣ်လီၤ.
ref:rfa
