လါအ့ဖြ့ၣ်(၃၀)သီ, ၂၀၂၄နံၣ်
တၫ်မ့ၫ်ဟးထီၣ်လၢ တလၢၤကီၫ်စဲၣ်ဒီး တၫ်ကနုာ်လီၤလၢ တနီသရံၣ်ကီၫ်ခီပူၤအနုာ်လီၤ မလွဲကစၢၫ်တၫ်သမံသမိးတြဲၤ(မလွဲတောင်ဂိတ်)အံၤ စးထီၣ်ဖဲ တါလီၤ(သင်္ကြန်ကာလ)၀ံၤအလီၫ်ခံ တၫ်ကခီအီၤအဂီၫ် တၫ်ဟ့ၣ်တၫ်ပျဲ တနံၤထဲဒၣ်(၂)ဘျီလီၤအဂ့ၫ် တၫ်သ့ၣ်ညါဘၣ်လၢ ပှၤနီၣ်သိလ့ၣ်ဖိတဖၣ်ဒီး ပှၤဟးထီၣ်လ့ၣ်လိၤတဖၣ်အအိၣ်န့ၣ်လီၤ. ဂီၤ(၈)နၣ်ရံၣ်ဘျဲၣ် တုၤ(၁၁)နၣ်ရံၣ်တဘျီ, မုၫ်ဃ့ၫ်လီၤ (၃)နၣ်ရံၣ်တုၤ ဟါ(၅)နၣ်ရံၣ်တဘျီ၀ံၤ တနံၤတၫ်ဟ့ၣ်တၫ်ပျဲခီ(၂)ဘျီန့ၣ်လီၤ.
“သိလ့ၣ်န့ၣ် တၫ်ဘၣ်နီၣ်အီၤတုၤ တၫ်ပျဲခီတၫ်သမံသမိးတြဲၤ(ဂိတ်)အကတီၫ်လီၤ. တါလီၤ(သင်္ကြန်ကာလ)၀ံၤအလီၫ်ခံ တၫ်ကးတံာ်ကွံာ် တၫ်သမံသမိးတြဲၤဒုတအိၣ်ဒံးဘၣ်. တၫ်ပာ်လီၤအဒူၣ်အဆၢ(ကန့်သတ်)လၢ တၫ်ဆၢကတီၫ်လီၤ” အဂ့ၫ် ၀့ၫ်ဒ၀ဲၫ်ကမျၢၫ် ပှၤနီၣ်ပှၤဟးထီၣ်လ့ၣ်လိၤသိလ့ၣ်တဂၤ စံး၀ဲန့ၣ်လီၤ.
လါဖ့ၤဘြူၤအါရံၤ လီၫ်ခံကတၢၫ်တနွံန့ၣ် တၫ်လဲၤဒုးအီၤ မလွဲကစၢၫ်(မလွဲတောင်ဂိတ်)၀ံၤအလီၫ်ခံ တၫ်ပျဲခီ မလွဲကစၢၫ်တၫ်သမံသမိးတြဲၤ(မလွဲတောင်ဂိတ်) တနံၤ(၈)နၣ်ရံၣ်၀ံၤ ကတီၫ်ခဲအံၤတၫ်ပျဲခီတၫ်သမံသမိးတြဲၤလၢ အဘျီဂံၫ်ဒွး(အကြိမ်ရေ)လီၤအဂ့ၫ် တၫ်သ့ၣ်ညါဘၣ်လၢ ပှၤနီၣ်သိလ့ၣ်ဖိတဖၣ်အအိၣ်န့ၣ်လီၤ.
“သိလ့ၣ်တဖၣ်ခီ၀ဲအဆၢကတီၫ် သုးဖိ(၁၀)ဃၣ်ဃၣ် အိၣ်ခိး၀ဲဒၣ်ဖဲ တၫ်သမံသမိးတြဲၤတၫ်သူၣ်ထီၣ်အကပၤ၀ံၤ တၫ်ပျဲခီ၀ဲလီၤ. တဒ်သိးဒီးအပူၤကွံာ် နီၫ်တဂၤစုာ်စုာ် တၫ်ကဘၣ်လဲၤဒိးသမံသမိးလီၤ ခိၣ်ဂီၤ(မှတ်ပုံတင်)လၢၤဘၣ်အဂ့ၫ်“ စှၤသီအတီၫ်ပူၤ ၀့ၫ်ကလ့ၫ်အီၣ်ကမျၢၫ်ဖိတဂၤ(ကလိန်အောင့်ခံ)လၢ အလဲၤ၀ဲဆူ ၀့ၫ်ယ့ၣ်(ရေးမြို့)တဂၤ စံး၀ဲန့ၣ်လီၤ.
စးထီၣ်ဖဲ လါဖ့ၤဘြူၤအါရံၤဒီး တုၤလါအ့ၣ်ဖြ့ၣ်အတီၫ်ပူၤ တလၢၤ(မွန်)ဒီး တနီသရံၣ်တၫ်ပၢၫ်ဆၢဂံၫ်ဘါကရူၫ်(တနင်္သာရီတော်လှန်ရေးအင်အားစု)တဖၣ် လဲၤဒုး၀ဲမလွဲကစၢၫ်တၫ်သမံသမိးတြဲၤ တစှၤန့ၣ်(၃)ဘျီ၀ံၤ တၫ်သမံသမိးတြဲၤအခိၣ်အဃၢၤစ့ၫ်ကီး တၫ်ဒုးကဲထီၣ်တ့ၫ်၀ဲ(၂)ဘျီဒီး သုးကီၣ်ကးတပၤစ့ၫ်ကီး မၤ၀ဲကလံၤကျါတၫ်ဒုး(၂)ဘျီန့ၣ်လီၤ. လၢန့ၣ်အမဲာ်ညါ တလၢၤ(မွန်)ဒီး တနီသရံၣ်(တနင်္သာရီ)တၫ်ပၢၫ်ဆၢဂံၫ်ဘါကရူၫ်စ့ၫ်ကီး ယ့-မလွဲကစၢၫ်-ကလ့ၫ်အီၣ်ကျဲမုၫ်အဖီခိၣ် မၤတၫ်သမံသမိးတဖၣ်န့ၣ်လီၤ.
ref:daweiwatch
photo:totemee
