လါအ့ဖြ့ၣ်(၂၉)သီ, ၂၀၂၄နံၣ်
စးထီၣ်ဖဲ လါအ့ဖြ့ၣ်(၂၆)သီအနံၤန့ၣ် သုးဟံးန့ၫ်ဆူၣ်ထံကီၫ်တၫ်စိတၫ်ကမီၤ သုးကီၣ်ကး သုးရိၣ်မဲခိၣ်ကျၢၫ်ခံ စိဝ့(စိုးဝင်း)က့ၤထီၣ်၀ဲၤဒၢး ဖဲန့ၣ်ပၠံၣ်တီၣ်အဂ့ၫ် တၫ်သ့ၣ်ညါဘၣ်လၢ သုးဂ့ၫ်၀ီဂံၫ်ခီၣ်ထံးတၫ်ကစီၣ်အအိၣ်န့ၣ်လီၤ.
စးထီၣ်ဖဲလါအ့ဖြ့ၣ်(၃)အနံၤန့ၣ် လီၤမၣ်လၢပှၤအါဂၤအိၣ်တၫ်လီၫ် သုးရိၣ်မဲခိၣ်ကျၢၫ်ခံစိ၀့အံၤ တလၢၤကီၫ်စဲၣ်, မုၫ်ထီၣ်ကလံၤထံးသုး၀ဲၤလီၫ်ခိၣ်သ့ၣ်(အရှေ့တောင်တိုင်းစစ်ဌာနချုပ်)အပူၤ တၫ်လဲၤဒုးအီၤလၢဒရိ(ဒရုန်း) အဃိဘၣ်ဒိ၀ဲ၀ံၤ တၫ်ကူစါယါဘျါအီၤ၀ံၤအလီၫ်ခံ က့ၤထီၣ်၀ဲ၀ဲၤဒၢးန့ၣ်လီၤ.
ဘၣ်ဆၣ်ကတီၫ်ခဲအံၤ လၢသုးကီၣ်ကးတၫ်ရဲၣ်တၫ်ကျဲၤတဖၣ်အပူၤ သုးရိၣ်မဲခိၣ်ကျၢၫ်စိ၀့ တၫ်လဲၤထီၣ်၀ဲတအိၣ်ဘၣ်ဒီး လီၤမၣ်လၢပှၤအါဂၤအိၣ်တၫ်လီၫ် အိၣ်လံ(၂၆)သီလံအဂ့ၫ် တၫ်သ့ၣ်ညါဘၣ်န့ၣ်လီၤ.
“လါအ့ဖြ့ၣ် (၂၆)သီအနံၤန့ၣ် စးထီၣ်က့ၤထီၣ်၀ဲၤဒၢးန့ၣ်လီၤ. ညီနုၫ်တၫ်ဖံးတၫ်မၤ(ပုံမှန်အလုပ်)တဖၣ် က့ၤစးထီၣ်လဲၤတရံးသးလံအဂ့ၫ်“ န့ၣ်ပၠံၣ်တီၣ်(နေပြည်တော်) ဂံၫ်ခီၣ်ထံးတၫ်ကစီၣ် စံး၀ဲန့ၣ်လီၤ.
သုးဟံးန့ၫ်ဆူၣ်ထံကီၫ်တၫ်စိတၫ်ကမီၤ သုးကီၣ်ကး သုးရိၣ်မဲခိၣ်ကျၢၫ်ခံစိ၀့အံၤ ဖဲအပူၤကွံာ်လါအ့ဖြ့ၣ်(၉)သီအနံၤတုၤ(၁၀)သီအနံၤန့ၣ် ၀့ၫ်မီၣ်လမၠဲၣ်(မော်လမြိုင်), မုၫ်ထီၣ်ကလံၤထံးသုး၀ဲၤလီၫ်ခိၣ်သ့ၣ် တၫ်လဲၤဒုးအီၤလၢဒရိအဃိ ဖံးဘၣ်ခိၣ်, စုဒီးဘၣ်ထွဲအဃံအထူၣ်တဖၣ် တၫ်ဘၣ်ဒိဘၣ်ထံးအိၣ်ထီၣ်၀ဲအလီၫ်ခံ တၫ်ဘၣ်ဒိဘၣ်ထံးတဖၣ် က့ၤကိညၣ်ထီၣ်က့ၤ၀ဲအဂ့ၫ် တၫ်သ့ၣ်ညါဘၣ်န့ၣ်လီၤ.
ref:khitthit
