လါအ့ဖြ့ၣ်(၂၆)သီ, ၂၀၂၄နံၣ်
ကီၫ်ပယီၤ တၫ်သဘံၣ်သဘုၣ်တဖၣ် တၫ်မၤလီၤကဆှၣ်အီၤကန့ၫ်အဂီၫ်ဒီး တၫ်ကဒုးအိၣ်ထီၣ်ကဒါက့ၤ တၫ်မုာ်တၫ်ခုၣ်အဂီၫ် အၣ်စံၣ်ယၣ်ထံကီၫ်(၃)ဘ့ၣ် မ့တမ့ၫ် အါန့ၫ်ဒံးထံကီၫ်(၃)ဘ့ၣ် အၣ်စံၣ်ယၣ်ထံကီၫ်ကရၢတကပၤ ကထံၣ်လိာ်သးဒီးသုးကီၣ်ကးအဂီၫ် တၫ်ဃ့ထီၣ်န့ၣ် ကၠီၣ်တဲၣ်ပာ်ဖျါ၀ဲလီၤ. ဘၣ်ထွဲကီၫ်ပယီၤတၫ်မုာ်တၫ်ခုၣ် ဒီးအၣ်စံၣ်ယၣ်ထံကီၫ်(၃)ဘ့ၣ် မ့တမ့ၫ် အါန့ၫ်ဒံးထံကီၫ်(၃)ဘ့ၣ် အၣ်စံၣ်ယၣ်ထံကီၫ်ကရၢ(အာဆီယံအဖွဲ့ဝင်) ကထံၣ်လိာ်တၢၣ်ပီၣ်တဲသကိးတၫ်အဂီၫ် ကၠီၣ်တဲၣ် တၢၣ်ပီၣ်တဲသကိးတၫ်ဒီး အၣ်စံၣ်ယၣ်ပှၤပၢၤလီၫ်ဆ့ၣ်နီၤ (ဥက္ကဌ) လၣ်အိၣ်(Lao) ထံကီၫ်အဂ့ၫ် ကၠီၣ်တဲၣ်ထံဂုၤကီၫ်ဂၤ ပှၤတဲတၫ်ပၢ (ထိုင်းနိုင်ငံခြားရေးဝန်ကြီးဌာနပြောခွင့်ရ) Nikorndej Balankura တဲ၀ဲလီၤ.
အၣ်စံၣ်ယၣ်ထံကီၫ်(၃)ဘ့ၣ်ကရၢ (Asean Troika)အပူၤ လၢကတီၫ်အံၤအၣ်စံၣ်ယၣ်ပှၤပၢၤလီၫ်ဆ့ၣ်နီၤ(ဥက္ကဌ) ထံကီၫ် အထံဂုၤကီၫ်ဂၤကိတိာ်(နိုင်ငံခြားရေးဝန်ကြီး), လၢခံတနံၣ်ထံကီၫ်လၢကကဲထီၣ်ပှၤပၢၤလီၫ်ဆ့ၣ်နီၤ အထံဂုၤကီၫ်ဂၤကိတိာ်တဖၣ်, ဒီးမ့ၫ်ကရၢလၢ အ့ၣ်ဒိၣ်နံရှါ(အင်ဒိုနီးရှား), လၣ်အိၣ်(လာအို) ဒီးမလ့ရှါ (မလေးရှား) ပာ်ဃုာ်၀ံၤ အၣ်စံၣ်ယၣ်ထံကီၫ်(၃)ဘ့ၣ်ဆူအဖီခိၣ် (Asean Troika Plus)တခီ ထံကီၫ်(၃)ဘ့ၣ်၀ဲန့ၣ်ပာ်ဃုာ် အၣ်စံၣ်ယၣ် ထံကီၫ်ကရၢလၢ သးဆူၣ်လၢကဆီၣ်ထွဲမၤစၢၤ ကီၫ်ပယီၤတၫ်မုာ်တၫ်ခုၣ်အဂီၫ် ပာ်ဃုာ်၀ဲန့ၣ်လီၤ.
တၫ်ထံၣ်လိာ်တၢၣ်ပီၣ်တဲသကိးတၫ်လၢကၠီၣ်တဲၣ်ဃ့ထီၣ်အံၤ တၫ်ကမၤ၀ဲဖဲကီၫ်ကၠီၣ်တဲၣ်ပူၤ၀ံၤ ပယီၤသုးကီၣ်ကးဒီး တၫ်ပၢၫ်ဆၢဂံၫ်ဘါကရၢ(တော်လှန်ရေးအင်အားစု)တဖၣ်အဘၢၣ်စၢၤ ကနုာ်လီၤကျဲၤဃူကျဲၤဖိးန့ၫ်၀ဲလၢ တၫ်ဘၢၣ်စၢၤအဂီၫ် ကၠီၣ်တဲၣ်အိၣ်ကတီၤသးလံအဂ့ၫ် ပှၤတဲတၫ်ပၢ တဲဘၣ်ကဒီး၀ဲန့ၣ်လီၤ. ကီၫ်ပယီၤပူၤ လၢကတီၫ်အံၤ တၫ်ဒုးတဖၣ်အဃိ ကရၢလၢဘၣ်ဒိဘၣ်ထံးခဲလၢာ် ကဟ့ၣ်၀ဲဟီၣ်ခိၣ်ဖိတၫ်ဒိသူၣ်ဒိသးတၫ်မၤစၢၤတဖၣ်အဂ့ၫ် တဲ၀ဲလီၤ.
ကၠီၣ်တဲၣ်-ပယီၤကီၫ်ဆၢဂ့ၫ်ဝီကမံတံာ် ပှၤပၢၤလီၫ်ဆ့ၣ်နီၤ ကၠီၣ်တဲၣ်ထံဂုၤကီၫ်ဂၤကိတိာ် Parnpree Bahiddha-Nukara စ့ၫ်ကီး တၫ်မၤတၫ်ထံၣ်လိာ်တၢၣ်ပီၣ်တဲသကိးတၫ်ကန့ၫ်အဂီၫ် ဃုာ်ဒီးကၠီၣ်တဲၣ်ဒီကလုာ်တၫ်ဘံၣ်တၫ်ဘၢကီၣ်ကး (ထိုင်းအမျိုးသားလုံခြုံရေးကောင်စီ) ကဒုးအိၣ်ထီၣ် ကမံးတံာ်အဂီၫ် ရဲၣ်ကျဲၤ၀ဲန့ၣ်လီၤ. ကၠီၣ်တဲၣ်ထံဂုၤကီၫ်ဂၤကိတိာ်န့ၣ် ဖဲလါအ့ဖြ့ၣ် (၂၃)သီနံၤ ဟဲကွၫ်သမံသမိးတၫ်ဖဲ ကၠီၣ်တဲၣ်-ပယီၤကီၫ်ဆၢဒံးန့ၣ်လီၤ.
ref:bangkokpost
