လါအ့ဖြ့ၣ်(၂၅)သီ, ၂၀၂၄နံၣ်
သုးကီၣ်ကး ကဘၣ်ဟးထီၣ်လၢထံရူၫ်ကီၫ်သဲးအပူၤ၀ံၤ ကဘၣ်ဟံးန့ၫ်မူဒါလၢ တၫ်မၤကမၣ်တ့ၫ်၀ဲခဲလၢာ်အဂီၫ်, တၫ်ကသူၣ်ထီၣ် ဖဲၣ်ဒရဲၣ်ဒံၣ်မိၣ်ကရ့ၣ်စံၣ်(Federal Democracy) ကီၫ်စၢဖှိၣ်အဂီၫ်, တၫ်ကွဲးဂံၫ်ခီၣ်ထံးတၫ်ဘျၢသဲစးခိၣ်သ့ၣ်အသီ(ဖွဲ့စည်းပုံအခြေခံဥပဒေသစ်)အဂီၫ် တၫ်အၢၣ်လီၤတအိၣ်ဘၣ်၀ဲအဖီခိၣ် မတၤတဂၤဂ့ၤ တၫ်မ့ၫ်ဟ့ၣ်တၫ်ဆီၣ်သနံးဘၣ်ဆၣ် တၫ်တူၫ်လိာ်တၢၣ်ပီၣ်တဲသကိးအိၣ်ထီၣ်၀ဲတသ့ဘၣ်အဂ့ၫ် ပဒိၣ်စီၤတီနံၤ တဲ၀ဲန့ၣ်လီၤ.
ဖဲလါအ့ဖြ့ၣ် (၂၃)သီအနံၤန့ၣ် သုးကီၣ်ကး က့ၤနုာ်လီၤလၢ ၀့ၫ်ရၤမတံ (ခလရ-၂၇၅)သုးရ့ၣ်ပူၤ ခီဖျိလၢသုးခိးကီၫ်ဆၢ(BGF) အတၫ်မၤစၢၤဘၣ်ဆၣ် သုးရ့ၣ် (၃၅၅, ၃၅၆, ၃၅၇)တဖၣ်လၢအိၣ်ဖဲ သ့ၣ်ခါညံၣ်နီၣ်ဒီး သုးတၫ်တိာ်ကူၣ်ခိၣ်သ့ၣ်တၫ်လူၫ်ခိၣ်တဖၣ်အပူၤ ကညီဒီကလုာ်တၫ်ထူၣ်ဖျဲးသုးမုၫ်ဒိၣ်(KNLA)ဒီး သုးပာ်ဖှိၣ်တဖၣ် အိၣ်ဆီလီၤပာ်သးန့ၣ်လီၤ.
သုးခိၣ်ဒိၣ်စိစီၤခၠံးသူၣ်တီခိၣ်ရိၣ်မဲ KNAဒီး သုးကီၣ်ကးပာ်ဃုာ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ(၃)ဖုအဘၢၣ်စၢၤ တၫ်ထံၣ်လိာ်တၢၣ်ပီၣ်တဲသကိးတဖၣ် အိၣ်၀ဲအဂ့ၫ် တၫ်တၢထီၣ်တၢလီၤတဖၣ်အိၣ်၀ဲအဖီခိၣ် ပဒိၣ်စီၤတီနံတခီ တၫ်တသ့ၣ်ညါဘၣ်၀ဲအဂ့ၫ် တဲလီၤ၀ဲန့ၣ်လီၤ.
သုးခိးကီၫ်ဆၢ(BGF)န့ၣ် ဟဲကိး၀ဲသုးကီၣ်ကးဒီး ဟဲက့ၤထီထီၣ်က့ၤ၀ဲ သုးကီၣ်ကးအနီၫ်တယၫ်ဖဲ (ခလရ-၂၇၅)န့ၣ်လီၤ. တၫ်ကဲထီၣ်သးအဖီခိၣ် လီၤဆီဒၣ်တၫ် တၫ်ဆၢကတီၫ်လၢအရ့ဒိၣ်ကတီၫ် တၫ်သုတနုာ်လီၤလၢ ဒုၣ်ဒါအတၫ်ကူၣ်တရံးအပူၤအဂီၫ် (KNLA)ဒီး သုးပာ်ဖှိၣ်တဖၣ်က့ၤဂုၤက့ၤအခံတစိၤတလီၫ်လီၤအဂ့ၫ် ပဒိၣ်စီၤတီနံတဲ၀ဲန့ၣ်လီၤ.
သုးကီၣ်ကး အသုးကျိၤလၢ တၫ်ကဟဲထီၣ်ဒုးန့ၫ်က့ၤ ၀့ၫ်ရၤမတံတဖၣ် တၫ်ကဒုးဖျိးၡဲပျီကွံာ်အီၤအဂ့ၫ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ပှၤတဲတၫ်ပၢ ပဒိၣ်စီၤတီနံတဲလီၤ၀ဲဖဲမဟါအနံၤန့ၣ်လီၤ.
တၫ်ဒုးအံၤတမ့ၫ်ထဲဒၣ်လၢ တၫ်ကဆီတလဲထံကီၫ်တၫ်ပၢတၫ်ပြးအဂီၫ်ဒီး တၫ်ကဆီတလဲကွံာ် ထံကီၫ်လၢသနူအဟးဂီၤတ့ၫ်အကပၤကပၤတဖၣ်အဂီၫ် တၫ်ပညိၣ်ဒုး၀ဲအဂ့ၫ် တဲၡဲ၀ဲန့ၣ်လီၤ.
ref:open source
