လါအ့ဖြ့ၣ်(၅)သီ, ၂၀၂၄နံၣ်
ပယီၤသုးကီၣ်ကးန့ၣ် ထံဂုၤကီၫ်ဂၤတကပၤ သုတဆါန့ၫ်၀ဲ ကဘီယူၤဒုးသုးအသိအဂီၫ် တၫ်ဆၢတဲာ်န့ၣ် ဘီမုၫ်စၢဖှိၣ်ကရၢ ဟီၣ်ခိၣ်ဖိခွဲးယာ်ကီၣ်ကး(ကုလလူ့အခွင့်အရေးကောင်စီ) ကရၢထံကီၫ်(၄၇)ဘ့ၣ် ဖဲလါအ့ဖြ့ၣ်(၄)သီနံၤန့ၣ် ဆၢတဲာ် အၢၣ်လီၤသကိး၀ဲဃူဃူန့ၣ်လီၤ.
ပယီၤသုးကီၣ်ကးအံၤ ဟးလူၤခးလီၤတၫ်လၢကဘီယူၤဒုးသုးတဖၣ်၀ံၤ အနီၫ်ကစၫ် ထံဖိကီၫ်ဖိအဖီခိၣ် မၤထီဒါပှၤဂ့ၫ်၀ီခွဲးယာ်တဖၣ် အိၣ်၀ဲအဂ့ၫ် ဘီမုၫ်စၢဖှိၣ်ကရၢ ပှၤဂ့ၫ်၀ီခွဲးယာ်ကီၣ်ကး နာ်၀ဲအဂ့ၫ် တၫ်ဘိးဘၣ်ရၤလီၤအပူၤ ပာ်ဖျါ၀ဲလီၤ.
ဘီမုၫ်စၢဖှိၣ်ကရၢ ပှၤဂ့ၫ်၀ီခွဲးယာ်ကီၣ်ကးန့ၣ် ကီၫ်ပယီၤဒီး အံၣ်ရၣ်(Iran)အဖီခိၣ် ကမၤတၫ်ကးတံာ်ကွံာ်အဂီၫ်ဒီး ထံကီၫ်ခံဘ့ၣ်လၢာ်အဂီၫ် ပှၤဂ့ၫ်၀ီခွဲးယာ်ခၢၣ်စးလီၤဆီ(လူ့အခွင့်အရေးအထူးကိုယ်စားလှယ် )တဖၣ်စ့ၫ်ကီး တၫ်ဟ့ၣ်မူဟ့ၣ်ဒါကဒီးအီၤလၢခံ(၁)နံၣ်ဒံးန့ၣ်လီၤ. တၫ်သုတဆါန့ၫ် ပယီၤသုးကီၣ်ကး ကျိချံပှာ်သၣ်ဒီး ဘၣ်ထွဲသုးတၫ်ပီးတၫ်လီလၢအဂၤ လၢတဖိးသဲစးပူၤ ဟဲနုာ်လီၤတဖၣ်စ့ၫ်ကီး တၫ်ကတြီဃာ်အဂီၫ် ဘီမုၫ်စၢဖှိၣ်ကရၢပှၤဂ့ၫ်၀ီခွဲးယာ်ကီၣ်ကး တဲဆီၣ်တခူထီၣ်၀ဲလီၤ.
သုးကီၣ်ကးအံၤ တၫ်ဒုးအပူၤ ဖဲဘၣ်ကွၫ်ဆၢၣ်မဲာ်ဒီး ပှၤဒုးတၫ်လၢဒံၣ်မိၣ်ကရ့ၣ်စံၣ်ဒီး ကလုာ်ဒူၣ်ဖီၣ်စုက၀ဲၤသုးတဖၣ် အကတီၫ် တမၤနၢၤတၫ်လၢၤဘၣ်အဃိ မၤအၢမၤသီတၫ်အါထီၣ်အဂ့ၫ် ဘၣ်ထွဲကီၫ်ပယီၤဘီမုၫ်စၢဖှိၣ်ကရၢ ပှၤဂ့ၫ်၀ီခွဲးယာ် ခၢၣ်စးလီၤဆီ တိၣ်အ့ၣ်ဒရူ တီၣ်ဖျါဃာ်၀ဲ ဖဲအပူၤကွံာ်လါန့ၣ်လီၤ.
Photo : Social Media
