လါမးရှး(၂၉)သီ, ၂၀၂၄နံၣ်
ဖဲ ၂၀၂၄နံၣ် လါမးရှး(၂၇)သီနံၤ လၢကီၫ်စဲၣ်တလၢၤ, ကီၫ်ဆၣ်ကၠဲးမယီ, ဒမသသ၀ီ(ဓမ္မသ ကျေးရွာ)ကျိဖးဒိၣ်အချံလီၤ တဲာ်အဃိ ဟံၣ်ခိၣ်(၃၀၀)ဖျၢၣ် မ့ၣ်အူအီၣ်ဟးဂီၤကွံာ်န့ၣ် မ့ၫ်ဒၣ်သုးကီၣ်ကးအကလံၤကျါဒီး သုးကဘီတဖၣ် ခးတၫ်အဃိ ဘၣ်အူအီၣ်ကွံာ်၀ဲအဂ့ၫ် တလၢၤကီၫ်စဲၣ်သီပၣ်တံၣ်- တၫ်ဒုးလီၤပှီၫ် သုးမီၤစိရိၤ (မွန်ပြည်သစ်ပါတီ စစ်အာဏာရှင် တိုက်ဖျက်ရေး) NMSP(AD)ကရၢ တကပၤ ပာ်ဖျါ၀ဲလီၤ.
ဖဲလါမးရှး(၂၄)သီနံၤ ကီးဘ့သ၀ီ ပၢၤကီၫ်သုးကလၢၤ(ကော့ဘိန်းကျေးရွာ ရဲစခန်း) NMSP (AD)ဒီး သုးပာ်ဖှိၣ်တဖၣ် ထီၣ်ဒုးမၤန့ၫ်၀ဲ၀ံၤအလီၫ်ခံ ကီးဘ့သ၀ီပာ်ဃုာ် အကပိာ်ကပၤသ၀ီတဖၣ် သုးကီၣ်ကးခးနါစိၤလၢကျိဖးဒိၣ်တဖၣ်အဂ့ၫ် တဲ၀ဲလီၤ. ထံဖိကီၫ်ဖိကမျၢၫ်တကပၤ ဟးထီၣ်က့ၤလီၤကအိၣ်ဒီးသုးဂ့ၫ်၀ီ တၫ်ပလီၫ်တဖၣ်၀ံၤ ကမၤစှၤလီၤ မူးပွဲတၫ်သူၣ်ဖှံသးညီ(ပျှော်ပွဲရွှင်ပွဲ)တဖၣ်အဂ့ၫ် NMSP (AD) တဲဆီၣ်တခူဃာ်၀ဲလီၤ.
