လါမးရှး(၂၈)သီ, ၂၀၂၄နံၣ်
တၫ်ပတုာ်ကွံာ်တၫ်ဆါန့ၫ်သုးကီၣ်ကးတၫ်စုက၀ဲၤတဖၣ် ကပာ်ဖျါ၀ဲအဂီၫ်ဒီး ဘၣ်ထွဲသုးဂ့ၫ်၀ီတၫ်မၤလိတဖၣ်ဒီး သုးဂ့ၫ်၀ီတၫ်မၤစၢၤတဖၣ်ခဲလၢာ် ကပတုာ်ကွံာ်၀ဲအဂီၫ် Justice for Myanmar (JFM) ဃ့ထီၣ်ဘိးဘၣ်ရၤလီၤ၀ဲဖဲ လါမးရှး(၂၇)သီနံၤန့ၣ်လီၤ.
တၫ်ဖံးတၫ်မၤဖးဒိၣ်လၢ အ့ဒံယါပဒိၣ်ပၢ(အိန္ဒိယအစိုးရပိုင်)တဖၣ်ဒီး အ့ဒံယါကလံၤသုး(အိန္ဒိယလေတပ်)တဖၣ်န့ၣ် ဆါန့ၫ်၀ဲ သုးကီၣ်ကး အကလံၤသုး(လေတပ်)ဒီး ထံသုး(ရေတပ်)တၫ်ဖိတၫ်လံၤတဖၣ်, ဘၣ်ထွဲသုးဂ့ၫ်၀ီ တၫ်သူၣ်ထီၣ်တဖၣ်အိၣ်၀ဲအဂ့ၫ် JFM တဲ၀ဲလီၤ.
တၫ်ဆီၣ်ထွဲမၤစၢၤ သုးတၫ်ဖိတၫ်လံၤဒ်သိးအံၤန့ၣ် မ့ၫ်တၫ်ဆီၣ်ထွဲမၤစၢၤ သုးတၫ်မၤအၢမၤသီတၫ်ရဲၣ်တၫ်ကျဲၤတဖၣ်၀ံၤ သုးကီၣ်ကး လၢမၤကမၣ်သုးကွီၫ်မ့ၣ်တၫ်မၤကမၣ်(စစ်ရာဇဝတ်မှု)ဒီး ကလုာ်ဒူၣ်စၢၤသွဲၣ်အဖီခိၣ် ကွီၫ်မ့ၣ်တၫ်မၤကမၣ်(လူသားမျိုးနွယ်အပေါ်ကျူးလွန်တဲ့ ရာဇဝတ်မှု) တဖၣ်အပူၤ အ့ဒံယါ ပာ်ဃုာ်၀ဲအဂ့ၫ် JFM တဲ၀ဲလီၤ.
Justice for Myanmar (JFM) အတၫ်ဃုသ့ၣ်ညါအဖီခိၣ် တၫ်ဖံးတၫ်မၤဖးဒိၣ်လၢ အ့ဒံယါပဒိၣ်ပၢတဖၣ် သုးဟံးန့ၫ်တၫ်စိတၫ်ကမီၤ၀ံၤအလီၫ်ခံ တဲဃာ်၀ဲလၢ ကမၤသကိးမုာ်ကျိၤ၀ဲၤကွာ်ဒီးသုးကီၣ်ကး ဘၣ်ထွဲသုးတၫ်ပီးတၫ်လီတဖၣ်အိၣ်၀ဲ၀ံၤ အါဒၣ်တက့ၫ်န့ၣ် မ့ၫ်၀ဲတၫ်ဖံးတၫ်မၤဖးဒိၣ်တဖၣ်လၢ အိၣ်လၢအ့ဒံယါ တၫ်ဒီသဒၢကိတိာ်၀ဲၤကျိၤ(အိန္ဒိယကာကွယ်ရေးဝန်ကြီးဌာန)အဖီလာ်န့ၣ်လီၤ.
တကးဘၣ် တၫ်ဖံးတၫ်မၤတခါလၢ အ့ဒံယါပဒိၣ်ပၢ လၢအမ့ၫ် Hindustan Aeronautics Limited (HAL)စ့ၫ်ကီး ဆါန့ၫ်၀ဲ ကီၫ်ပယီၤသုး MiG ကဘီယူၤဒုးသုး တၫ်ပီးတၫ်လီလၢလိၣ်တဖၣ်အဂ့ၫ် တၫ်ဘိးဘၣ်ရၤလီၤပူၤပာ်ဖျါ၀ဲလီၤ.
ဖဲ၂၀၂၄နံၣ်, လါယနူၤအါရံၤအပူၤ အ့ဒံယါကလံၤသုး(အိန္ဒိယလေတပ်)တကပၤ ဆါန့ၫ်၀ဲ ပယီၤကလံၤသုး တၫ်ပီးတၫ်လီ(၅၂)ကလုာ်၀ံၤ တၫ်ခိးကွၫ်မူခိၣ်ကလံၤသီၣ်ဂီၤစဲး (မိုးလေဝသအထိုင်စက်)ပာ်ဃုာ်၀ံၤ ဖဲ၂၀၂၃နံၣ် လၢတၫ်ကထီထီၣ် မူခိၣ်ကလံၤသီၣ်ဂီၤစဲးအဂီၫ် ပျဲလီၤ၀ဲ အ့ၣ်ဒံၣယါ ကလံၤသုး(၁၅)အဂ့ၫ် JFMတဲ၀ဲလီၤ.
Ref: rfa
Photo : Twitter@DrSJaishankar
