လါမးရှး(၂၂)သီ, ၂၀၂၄နံၣ်
ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ, ကီၫ်သူလ့ၤတၫ်ပၢဟီၣ်က၀ီၤ, တီအူကီၫ်ရ့ၣ်, ထီတထူၣ်(ထန်းတပင်)ကီၫ်ဆၣ်ပူၤ သုးကီၣ်ကးတၫ်မၤအၢမၤသီအဃိ ကမျၢၫ်လၢတၫ်ကမၣ်တအိၣ်(၂)ဂၤဘၣ်သံ၀ဲအဂ့ၫ် KNU ပာ်ဖျါ၀ဲလီၤ.
ခ့ၣ်အဲၣ်ယူၣ်-ထီတထူၣ်ကီၫ်ဆၣ်ပူၤ ဖဲ၂၀၂၄နံၣ် လါမးရှး(၈)သီနံၤ သုးကီၣ်ကးခးလီၤကျိဖးဒိၣ်အဃိ အူသ့မၠံး(ဦးသိန်းမြင့်) သးနံၣ်(၆၅)နံၣ် လၢအိၣ်ဖဲ စယးကၠံကလံၤထံးသ၀ီကရူၫ်(ဇရပ်ကြီးတောင်ခြမ်းကျေးရွာအုပ်စု), လးမ့သၣ်သ၀ီ(လမင်းသာကျေးရွာ)ကျိဖးဒိၣ်ဘၣ်ဒီးဘၣ်သံ၀ဲန့ၣ်လီၤ.
ဖဲ၂၀၂၄နံၣ် လါမးရှး(၁၈)သီနံၤစ့ၫ်ကီး လၢစယးကၠံကလံၤထံးသ၀ီကရူၫ်(ဇရပ်ကြီးတောင်ခြမ်းကျေးရွာအုပ်စု) ဖဲကွးအဲၣ်သ၀ီ(ဂွအိုင်ကျေးရွာ) သုးကီၣ်ကးအသုးကျိၤဟဲနုာ်လီၤ၀ံၤ ဖီၣ်စၢ၀ဲ အူတ့ၣ်ဆီၣ်(ဦးတင်ဆောင်) သးနံၣ်(၇၀)နံၣ် တဂၤ၀ံၤ ဒွဲၣ်အူသံကွံာ်၀ဲလီၤ.
Ref:knu
Photo:knu
